यर्मिया 51:57 - नेवाः बाइबल

⁵⁷ जिं इमि हाकिमत, अले बुद्धि दुपिं मनूतय्‌त काय्‌काबी, वया बडा-हाकिमत, हाकिमत व सिपाइँतय्‌त नं। इपिं न्‍ह्याबलेंया निंतिं द्यनी अले दनी मखु,” परमप्रभुं धयादी गुम्‍हय्‌सिगु नां दक्‍व शक्ति दुम्‍ह परमप्रभु खः।

यर्मिया 51:57 Referans Kwoze

यर्मिया 46:18

“धात्‍थें जि म्‍वाःम्‍ह खः थें” जुजुं धयादी, गुम्‍हय्‌सिगु नां दक्‍व शक्ति दुम्‍ह परमप्रभु खः, “पहाडत मध्‍ये तबोर थें छम्‍ह वइ, समुद्र सिथया कर्मेल थें व वइ।

यर्मिया 48:15

मोआब नाश जुइ, अले उकिया शहरय् हमला याइ। वया ल्‍याय्‌म्‍हपिं मध्‍ये दकलय् स्‍वयेज्‍यूपिन्‍त स्‍याइगु जुइ,” महाराजं धयादी, गुम्‍हय्‌सिगु नां दक्‍व शक्ति दुम्‍ह परमप्रभु खः।

यर्मिया 25:27

“अले छं इमित धा, ‘दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – त्‍वँ, लगे जुइकि, ल्‍ह्व, ग्‍वतु अले हाकनं गुबलें दने मते। छाय्‌धाःसा थ्‍व जिं छिमिगु दथुइ चले यायेगु तरवारया कारणं जुइ।’

यर्मिया 51:39

इपिं दने धुंकाः जिं इमिगु निंतिं छगू भ्‍वय् तयार याये। अले इमित काय्‌के, अले इपिं न्‍हिलाः चिल्‍लाय् दनाः हाली अले सदांयात द्यनी। इपिं गुबलें दनी मखु,” परमप्रभुं धयादी।

प्रकाश 18:9

व नाप व्‍यभिचार यानाः मोजमज्‍जा याना जूपिं संसारयापिं जुजुपिं वयात उनातःगु कुँ खनाः नुगः मछिंकाः ख्‍वइ।

मलाकी 1:14

“थःगु बथानय् बी धकाः भाकल याःम्‍ह ख्‍वं मदुम्‍ह मिजं पशु दय्‌क दय्‌कं जिगु निंतिं ख्‍वं दुम्‍ह पशु बां बीम्‍ह छल याइम्‍हय्‌सित सराः लाइ। छाय्‌धाःसा जि दकलय् तःधंम्‍ह जुजु खः, फुक्‍क जातियापिं मनूत जि खनाः ग्‍या,” दक्‍व शक्ति दुम्‍ह परमप्रभुं धयादी।

नहूम 1:10

इपिं कंझालय् अलमलय् जुयाच्‍वनी, अले इपिं दाखमद्यं काय्‌काच्‍वनी। इपिं गनावने धुंकूगु छ्वख्‍वः थें भस्‍म जुइ।

यशैया 37:36

अले परमप्रभुया दूत पिहां वल, वं अश्‍शूरीतय्‌गु छाउनीइ छगू लाख व चयन्‍याद्वःम्‍ह (१,८५,०००) अश्‍शूरी सिपाइँतय्‌त स्‍यानाबिल। सुथय् दंबलय् मनूतय्‌सं छाउनीइ सिपाइँत सिनाच्‍वंगु खन।

यशैया 6:5

अले जिं धया, “धिक्‍कार जितः! जि नाश जुइन। छाय्‌धाःसा जिगु म्‍हुतुं पिहां वःगु फुक्‍क खँ अशुद्ध खः। अले जि अशुद्ध म्‍हुतु दुपिं मनूतलिसें च्‍वंच्‍वनागु दु। तर जिं थःगु हे मिखां दक्‍व शक्ति दुम्‍ह परमप्रभु जुजुयात खनागु दु।”

यशैया 44:25

“गुम्‍हय्‌सिनं मखुपिं अगमवक्तातय्‌गु चिं स्‍यंकाबी। गुम्‍हय्‌सिनं बुद्धिमानतय्‌गु खँयात ज्‍यालगय् मजुइकाबी। अले इमिगु ज्ञानया मूर्खतायात क्‍यनादी।

यर्मिया 13:13

छं इमित धा, ‘परमप्रभुं थथे धयादी – जिं थःम्‍हं हे थ्‍व देशय् च्‍वंपिं सकसितं, दाऊदया वंशया राजगद्दीइ च्‍वंपिं जुजुपिं, पुजाहारीत, अगमवक्तात व यरूशलेमय् च्‍वंपिं सकसितं दाखमद्यं काय्‌काबी।

यर्मिया 50:30

उकिं वया ल्‍याय्‌म्‍हपिं मिजंतय्‌त वयागु लँय् स्‍याइ। वया सकलें सिपाइँत उखुन्‍हु सुम्‍क च्‍वनी,” परमप्रभुं धयादी।

इजकिएल 20:33

गथे जि धात्‍थें म्‍वाःम्‍ह खः, जि, परमप्रभु परमेश्‍वरं धाये, जिं छिमित बल्‍लाःगु ल्‍हातं, अले चक्‍कंगु लपुं तं प्‍वंकूं प्‍वंकूं राज्‍य याये।

नहूम 3:18

अय् अश्‍शूरया जुजु, छं फैजवाःत ला न्‍ह्यः वय्‌काच्‍वंगु दु, छं भारदारत ला आराम यानाच्‍वनी, छं मनूत ला पहाड पर्वतय् थुखेला उखेला जुइ धुंकल, इमित छथाय् मुंकीम्‍ह सुं हे मदु।