यर्मिया 51:3 - नेवाः बाइबल

³ धनुष वाणं कय्‌कीम्‍हय्‌सिनं थःगु धनुषय् वाण मतयेमाः। अले व थःगु नँपाता फिनाः मदनेमाः। वया ल्‍याय्‌म्‍हपिं मनूतय्‌त त्‍वःते मते! वया फुक्‍क सेनायात भज्‍यंक नाश यानाब्‍यु।

यर्मिया 51:3 Referans Kwoze

यर्मिया 50:14

“हे धनुष वाण चले याइपिं सकलें बेबिलोनया प्‍यखेरं लडाइँया लागि तयार जुयाच्‍वँ! छपु नं वाण मल्‍यंक वयात कय्‌कि! छाय्‌धाःसा वं परमप्रभुया विरोधय् पाप याःगु दु।

यर्मिया 46:4

सलया म्‍हय् लगाम च्‍यु! हे सलगइपिं, सल गयाः नँयागु तपुलि पुयाः थथःगु थासय् दँ! छिमिगु भाला च्‍वामुकि। छिमिगु म्‍हय् कवच फ्‍यु!

यर्मिया 50:21

“मरातैम देश व पकोदय् च्‍वंपिन्‍त हमला या। इमित ल्‍यू, स्‍या अले इमित भज्‍यंक नाश या,” परमप्रभुं धयादी। “जिं छिमित आज्ञा बियागु फुक्‍क या!

याकूब 2:13

छाय्‌धाःसा परमेश्‍वरं न्‍याय यानादीबलय् दया माया मदुम्‍ह मनूयात दया माया यानादी मखु। दया माया दुपिं मनूतय्‌त दया माया हे क्‍यनादी।

यर्मिया 50:27

वया फुक्‍क द्वहंचात स्‍यानाब्‍यु! उपिं स्‍याइगु थासय् यंकेमाः! इमित धिक्‍कार दु! छाय्‌धाःसा इमिगु दिं वःगु दु। इमित सजाँय बीगु ई थ्‍यंकः वल।

यर्मिया 9:21

छाय्‌धाःसा लँय् लँय् काय् म्‍ह्याय्‌पिन्‍त नाश यायेत व चुक चुकय् ल्‍याय्‌म्‍हपिन्‍त नाश यायेत मृत्‍यु झीगु झ्‍यालं, झीगु किल्‍लाय् दुने दुहां वःगु दु।

भजनसंग्रहया सफू 137:9

छिमि चिचीधिकपिं मस्‍तय्‌त ज्‍वनाः ल्‍वहँतय् बस्‍वाइम्‍ह धन्‍य खः।

व्‍यवस्‍था 32:25

तरवारं इमित लँय् लँय् मस्‍त मदुपिं यानाबी, छेँय् छेँय् इपिं ग्‍यानाः च्‍वनेमाली, ल्‍याय्‌म्‍ह-ल्‍यासे, अले दुरु त्‍वनीम्‍ह मचांनिसें बुरा बुरीपिं तकं न्‍हनावनी।

यर्मिया 51:53

बेबिलोन आकाश तक हे थ्‍यन धाःसां अले थःगु ततःधंगु किल्‍लातय्‌त बल्‍लाकल धाःसां जिं वयागु विरोधय् नाश याइपिं छ्वये,” परमप्रभुं धयादी।