यर्मिया 51:26 - नेवाः बाइबल

²⁶ इमिसं छंकेनं छेँया कुन्‍चाय् तयेत व जग तयेत छगः मू ल्‍वहं नं काइ मखु। छाय्‌धाःसा व थाय् न्‍ह्याबलेंया लागि सुनसान जुयाच्‍वनी,” परमप्रभुं धयादी।

यर्मिया 51:26 Referans Kwoze

यर्मिया 51:43

वयागु शहरत सुनसान जुइ, छगू सुख्‍खा व मरुभूमिया देश, छगू देश गन सुं च्‍वनी मखु, गनं जुयाः सुं वये वने याइ मखु।

यर्मिया 51:37

बेबिलोन छगू नाशया द्वँ जुइ, ध्‍वंचात च्‍वनीगु थाय्, मनूत खनाः व वातां जुइ, व न्‍हीकीगु खँ व सुं मनू मच्‍वनीगु थाय् जुइ।

यर्मिया 51:29

देश थुरथुर खाइ, अले तसकं नुगः मछिंकी, छाय्‌धाःसा परमप्रभुं बेबिलोन देशयात सुं मनू मच्‍वनीगु झिजांमिजां दंगुथाय् दय्‌केगु क्‍वःछिनादीगु दु।

यशैया 14:23

अले जिं बेबिलोनयात न्‍हिकांझंगः च्‍वनीगु थाय् व ध्‍याचःया ध्‍याचः दुगु थाय् यानाबी। जिं तुफिं बँ पुयाः सुचूकु थें यायेत इमिगु सामान फुक्‍क नाश यानाबी।” दक्‍व शक्ति दुम्‍ह परमप्रभुं धयादी।

यर्मिया 25:12

“तर न्‍हयेदँ फुइ धुंकाः जिं बेबिलोनया जुजु व वयागु जातियापिं मनूत व बेबिलोनीतय्‌त इमिगु दोषया निंतिं सजाँय बी अले व देशयात न्‍ह्याबलेंया निंतिं झिजांमिजां दंगुथाय् यानाबी,” परमप्रभुं धयादी।