यर्मिया 51:19 - नेवाः बाइबल

¹⁹ याकूबया भाग इपिं थें मखु। वय्‌कलं हे फुक्‍क दय्‌कादिल। अले वय्‌कलं इस्राएलयात थः प्रजा दय्‌केत ल्‍ययादीगु दु। दक्‍व शक्ति दुम्‍ह परमप्रभु वय्‌कःया नां खः।

यर्मिया 51:19 Referans Kwoze

यर्मिया 10:16

याकूबया भाग उपिं थें मखु, वय्‌कः ला फुक्‍क दय्‌कादीम्‍ह खः। अले वय्‌कलं इस्राएलयात थः प्रजा दय्‌केत ल्‍ययादीगु दु। दक्‍व शक्ति दुम्‍ह परमप्रभु वय्‌कःया नां खः।

भजनसंग्रहया सफू 73:26

जिगु म्‍ह व मन बमलाना वने फु तर जिगु शक्ति सदांया लागि परमेश्‍वर खः। अले वय्‌कः न्‍ह्याबलें जिम्‍ह खः।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

भजनसंग्रहया सफू 33:12

धन्‍य खः व जातिया मनूत, गुगु जातिया परमेश्‍वर परमप्रभु खः। इपिं धन्‍यपिं खः, सुयात परमप्रभुं थः सर्बय जुइत ल्‍ययादिल।

यशैया 47:4

झीत उद्धार याइम्‍ह दक्‍व शक्ति दुम्‍ह परमप्रभु हे वय्‌कःया नां खः! वय्‌कः इस्राएलया पवित्र परमेश्‍वर खः।

विलाप 3:24

जिगु मनं धाल, “परमप्रभु हे जिगु सर्बय खः, अथे जुयाः जिं वय्‌कःयाके आशा यानाच्‍वना।”

यर्मिया 50:11

“जिगु सर्बययात लुटपाट याःम्‍ह छ न्‍ह्यइपुकाः लय्‌ताःगुलिं, छ अन्‍न दाःबलय् लय्‌तायाः तिंन्‍हूम्‍ह साचा थें जूगुलिं अले बल्‍लाःपिं सलत थें हाःगुलिं,

भजनसंग्रहया सफू 135:4

परमप्रभुं याकूबयात थःगु निंतिं, इस्राएलयात मू वंगु थः प्रजा जुइत ल्‍ययादीगु दु।

भजनसंग्रहया सफू 115:3

जिमि परमेश्‍वर ला स्‍वर्गय् दी, वय्‌कःयात छु यः व हे यानादी।

भजनसंग्रहया सफू 74:2

छिं तःदँ न्‍ह्यः थः सर्बय यायेत ल्‍ययादीपिन्‍त लुमंकादिसँ। अले थःगु जाति यायेत मू पुलाः त्‍वःतकादीपिं मनूतय्‌त लुमंकादिसँ। छि थः च्‍वनादीगु सियोन पर्वत व यरूशलेमयात नं लुमंकादिसँ।

भजनसंग्रहया सफू 16:5

परमप्रभु, छि हे जिगु सर्बय खः, जितः माःगु फुक्‍कं छिं बियादीगु दु। छिं जिगु भाग्‍य सुरक्षित तयादीगु दु।

व्‍यवस्‍था 32:9

परमप्रभुया थःगु ब्‍व वय्‌कःया मनूत खः, याकूब वय्‌कःया सर्बयया ब्‍व खः।

यर्मिया 10:12

तर परमेश्‍वरं हे थःगु शक्तिं पृथ्‍वीयात दय्‌कादिल। वय्‌कलं हे संसारयात थःगु बुद्धिं थापं यानादिल। अले आकाशयात थःगु दुग्‍यानं चक्‍कंकादिल।

यर्मिया 33:2

“पृथ्‍वी दय्‌काः उकियात आकार बियाः थासय् तयादीम्‍ह परमप्रभु खः। वय्‌कःया नां परमप्रभु खः। वय्‌कलं थथे धयादी,

यर्मिया 50:34

अय्‌नं इमित उद्धार याइम्‍ह बल्‍लाः, वय्‌कःया नां दक्‍व शक्ति दुम्‍ह परमप्रभु खः। वय्‌कलं इमिगु मुद्दा म्‍हितादी अले देशय् शान्‍ति हयादी, तर बेबिलोनय् च्‍वंपिन्‍के धाःसा अशान्‍ति हयादी।

यशैया 51:13

आकाशयात चकंकादीम्‍ह पृथ्‍वीया जग तयादीम्‍ह थः सृष्‍टिकर्तायात छाय् ल्‍वःमंकागु? छन्‍त नाश यायेत सनीपिं खनाः अले मभिंगु ज्‍या याइपिनिगु तंया कारणं छाय् छ थःगु जीवनय् भय कयाः म्‍वानाच्‍वनागु? अत्‍याचारीया तं गन वन?

यर्मिया 51:5

इस्राएल व यहूदायात इमि परमेश्‍वर, दक्‍व शक्ति दुम्‍ह परमप्रभुपाखें त्‍वःतूगु मदु, खः ला इस्राएलया पवित्र परमेश्‍वरया न्‍ह्यःने इमिगु देश दोषं जाःगु दु।