यर्मिया 51:12 - नेवाः बाइबल

¹² बेबिलोनया पःखाःया विरोधय् झण्‍डा ल्‍ह्वँ! पिवाःयात बल्‍लाकि! पिवाः च्‍वनीपिं मनूत ति! हमला यायेत सुला च्‍वनेगु थासय् मनूत ति! बेबिलोनयापिं मनूतय्‌गु विरोधय् परमप्रभुं आज्ञा बियादीगु दु। वय्‌कलं थःगु बिचाः पूवंकादी।

यर्मिया 51:12 Referans Kwoze

यर्मिया 51:11

“वाण च्‍वामुकि! ढालत का! परमप्रभुं मादीतय् जुजुपिन्‍त ग्‍वाकादीगु दु, छाय्‌धाःसा बेबिलोनयात नाश यायेगु हे वय्‌कःया बिचाः खः। परमप्रभुं बदला कयादी, थःगु देगःया निंतिं बदला।

यशैया 13:2

खालिगु डाँडाय् छगू चिंया ध्‍वाँय् धस्‍वाकि! ततःसलं सिपाइँतय्‌त सः ब्‍यु। अले इमित हमला यायेत, भारदारतय् मू ध्‍वाखां घमण्‍डी शहरय् दुहां वनेत ल्‍हाःभाय् या।

नहूम 2:1

अय् निनवे! छं शत्रु छन्‍त नाश यायेत वयाच्‍वंगु दु। छंगु किल्‍लात बल्‍लाकि, लँ बांलाक स्‍व, थः तयार जुयाच्‍वँ, अले छंगु फुक्‍क बल लगय् या।

यर्मिया 51:29

देश थुरथुर खाइ, अले तसकं नुगः मछिंकी, छाय्‌धाःसा परमप्रभुं बेबिलोन देशयात सुं मनू मच्‍वनीगु झिजांमिजां दंगुथाय् दय्‌केगु क्‍वःछिनादीगु दु।

योएल 3:2

उबले जिं सकल जातितय्‌त छथाय् मुंकाः यहोशापातया बेँसीइ यंके। अन हे जिं उपिं जातितय्‌त न्‍याय याये, छाय्‌धाःसा इमिसं जिमि प्रजा, जिगु उत्तराधिकारी इस्राएलयात जाति जातितय् दथुइ छ्यालब्‍याल यानाबिल, अले जिगु देशयात ब्‍वथला बिल।

विलाप 2:17

परमप्रभुं छु योजना यानादीगु खः। यक्‍व दँ न्‍हापा वय्‌कलं छु घोषणा यानादीगु खः, व हे वचन वय्‌कलं पूवंकादिल। छुं हे दयामाया मदय्‌क वय्‌कलं छन्‍त नाश यानादिल। वय्‌कलं शत्रुयात छंगुपाखें लय्‌ताय्‌कादिल, अले छंगु शत्रुतय्‌गु शक्ति अप्‍वय्‌कादीगु दु।

यर्मिया 51:27

“छिमिगु देशय् झण्‍डा धस्‍वाकी! जाति जातितय् दथुइ तुरही पु! वयागु विरोधय् लडाइँ यायेत जातितय्‌त तयार या! आरारात, मिन्‍नी व अशकनजयात वयागु विरोधय् सःती! वयागु विरोधय् छम्‍ह सेनापति ल्‍यः! क्‍वःबुइँचाया बथां थें सलत छ्व!

यर्मिया 50:2

“जाति जातियात कँ, अले झण्‍डा ल्‍ह्वनाः न्‍यंकि, छुं खँ नं सुचुके मते, तर थथे धा, ‘बेबिलोनयात कब्‍जा याइ, वया द्यः बेल लज्‍याय् लाइ, वया द्यः मरोदकयात नाश याइ। वयागु शालिकतय्‌त बेइज्‍जत याइ, वयागु मूर्तित आतंकं जाइ।’

हितोपदेश 21:30

परमप्रभुयागु विरोधय् सुं नं मनूया बुद्धि, ज्ञान व ग्‍वसाः ताःलाये फइ मखु।

यहोशू 8:14

ऐयाम्‍ह जुजुं थ्‍व खंबलय् व अले उगु शहरयापिं सकले मिजंत सुथ न्‍हापां दनाः हथाय् चाचां इस्राएलीतलिसे ल्‍वायेत वन, अले अराबा खनेदइगु क्‍वछिनातःगु थासय् थ्‍यंकः वन। शहरया ल्‍युने थःपिंनापं ल्‍वायेत मनूत सुलाच्‍वंगु दु धइगु खँ वं मसिल।

यर्मिया 4:28

अथे जुयाः पृथ्‍वी ह्वाँय्‌ह्वाँय् ख्‍वइ। आकाश खिउँसे च्‍वनी। जिं धायेधुन अले जिं थःगु मन हीके मखु। जिं क्‍वःछीधुन, जिं थःगु बिचाः हिले मखु।”

यर्मिया 23:20

थःगु मनय् दुगु इच्‍छा पूमवंतले परमप्रभुया तं क्‍वलाइ मखु। लिपा छिमिसं थ्‍व बांलाक सी।

यर्मिया 50:25

परमप्रभुं थःगु ल्‍वाभःया धुकू चाय्‌कादीगु दु, अले थःगु तंया ल्‍वाभः पिकयादीगु दु। छाय्‌धाःसा दक्‍व शक्ति दुम्‍ह परमप्रभु परमेश्‍वरं बेबिलोनीतय्‌गु देशय् यायेमाःगु ज्‍या दु।

यशैया 11:12

वय्‌कलं जाति-जातितय्‌गु निंतिं छगू चिंया झण्‍डा धस्‍वाकादी अले त्‍वःतकाहःपिं इस्राएलया मनूत व छ्यालब्‍याल जुयाच्‍वंपिं यहूदाया मनूतय्‌त पृथ्‍वीया कूंकुलामं मुंकाः छथाय् हयादी।