यर्मिया 50:6 - नेवाः बाइबल

⁶ “जिम्‍ह प्रजा तंपिं फैत थें जूगु दु। इमि जवाःतय्‌सं इमित मखुगु लँय् यंकूगु दु। अले पहाड पहाडय् मखुगु लँय् वंके ब्‍यूगु दु। डाँडा डाँडाय् व पहाड पहाडय् चाःह्यु वँवं इमिसं थः च्‍वनीगु थाय्‌यात ल्‍वःमंकल।

यर्मिया 50:6 Referans Kwoze

यशैया 53:6

झीपिं फुक्‍कं फैत थें लँ तनाच्‍वंपिं खः। झीपिं फुक्‍क थःगु हे लँय् वनाच्‍वना, अले परमप्रभुं वयाके झीगु फुक्‍क अधर्म तयादीगु दु।

मत्ती 9:36

मनूतय्‌गु हुलयात खनाः वय्‌कःयात माया वन, छाय्‌धाःसा इपिं जवाः मदुपिं फैचात थें हाःनाः मदयाः उखेलाः थुखेलाः मदयाच्‍वन।

मत्ती 10:6

बरु इस्राएलय् च्‍वंपिं जवाः मदुपिं फैचात थें जुया च्‍वंपिन्‍थाय् वनाः

इजकिएल 34:14

जिं इमित बांलाःगु घाँय्‌ख्‍यलय् ज्‍वये। इस्राएलया ततःजाःगु पहाडत इमिगु ज्‍वयेगु थाय् जुइ। अन इपिं भिंगु ख्‍यलय् ग्‍वार्तुलाच्‍वनी। इस्राएलया पहाड पहाडय् भिंगु ख्‍यलय् इपिं ज्‍वये खनी।

यर्मिया 50:17

“इस्राएल ला सिंहं लिनाः छ्यालब्‍याल जूगु बथां थें खः। वयात न्‍हापा ला अश्‍शूरयाम्‍ह जुजुं नल, लिपतय् बेबिलोनयाम्‍ह जुजु नबूकदनेसरं वयागु क्‍वँय्‌त त्‍वथुलाबिल।”

भजनसंग्रहया सफू 119:176

तंम्‍ह फै थें जि मखुगु लँय् वनागु दु, छिकपिनि दासयात मालादिसँ, छाय्‌धाःसा जिं छिगु आज्ञा ल्‍वःमंकागु मदु।

यर्मिया 50:19

तर जिं इस्राएलयात वयागु थःगु हे ख्‍यलय् लित हये अले व कर्मेल व बाशानय् जइ। वयागु नये पित्‍याःगु एफ्राइम व गिलादया डाँडाय् लुधनी।”

यर्मिया 3:6

योशियाह जुजुया पालय् परमप्रभुं जितः धयादिल, “विश्‍वास यायेबहः मजूम्‍ह इस्राएलं छु छु यात छु छं खना ला? वं फुक्‍क ततःजाःगु डाँडाय् व फुक्‍क वाउँगु सिमाया क्‍वय् वं व्‍यभिचार यात।

भजनसंग्रहया सफू 116:7

हे जिगु मन, हाकनं शान्‍त जु। परमप्रभुं छंगु भिं यानादीगु दु।

भजनसंग्रहया सफू 91:1

दक्‍वसिबय् तःधंम्‍ह परमप्रभुयागु शरणय् च्‍वनीम्‍ह मनू दक्‍व शक्ति दुम्‍ह परमेश्‍वरयागु सुरक्षाय् च्‍वनी।

१ पत्रुस 2:25

न्‍हापा छिपिं तंपिं फैचात थें जुयाच्‍वंगु खः। आः छिपिं थः जवाः व सुसाःकुसाः याइम्‍हय्‌सिथाय् वय्‌कः नाप जुइत लिहां वये धुंकल।

मत्ती 15:24

वय्‌कलं धयादिल – “जितः ला झी इस्राएलयापिं तंपिं फैचात मालेत जक छ्वयाहयादीगु खः।”

यर्मिया 10:21

फैजवाःत मूर्ख जुल, इमिसं परमप्रभुयात न्‍यनेकने मयाः, उकिं इपिं ताःलाइ मखु, इमि फुक्‍क फै उखेलाः थुखेलाः जूगु दु।

यर्मिया 3:23

डाँडाया मूर्ति पुजा व हल्‍लाखल्‍ला धोखा जक खः। परमप्रभु झी परमेश्‍वरपाखें जक इस्राएलयात उद्धार दइ।

यर्मिया 2:32

छु सुं मिसामचां थःगु तिसा व सुं भम्‍चां थःगु समा ज्‍वलं ल्‍वःमंके फइ ला? तर जिमि प्रजां जुग जुगंनिसें जितः ल्‍वःमंके धुंकल।

यर्मिया 2:20

“यक्‍व न्‍हापा हे छं थःगु जुवा त्‍वःथुल, सिखःयात चफ्‍फुनाबिल, अले धाल, जिं छिगु सेवा याये मखुत। धात्‍थें फुक्‍क डाँडा डाँडाय् व फुक्‍क वाउँगु सिमाया क्‍वय् व वेश्‍या थें क्‍वछुल।

यशैया 32:2

थुपिं मनूत फय्‌पाखें शरण कायेगु थाय् अले ग्‍वःफय्‌पाखें सुपिलिगु थाय्, मरुभूमिइ लः दुगु खुसित व गंगु मरुभूमिइ तग्‍वःगु ल्‍वहंया किचः थें जुइ।

यशैया 30:15

परमप्रभु परमेश्‍वर, इस्राएलया पवित्र परमेश्‍वरं थथे धयादी, “पश्‍चाताप व विश्रामय् छिमिगु उद्धार दु। ध्‍यान यायेगु व भरोसा तयेगुलिइ छिमित बल दइ। तर छिमिसं थुपिं छुं नं खँ यय्‌कूगु मदु।

भजनसंग्रहया सफू 90:1

हे परमप्रभु, छि पुस्‍तां पुस्‍ता तक जिमिगु च्‍वनेगु थाय् जुयादीगु दु।

भजनसंग्रहया सफू 32:7

छि जिगु शरण कायेगु थाय् खः। छिं जितः दुःखं बचय् यानादी। अले जिगु प्‍यखें छिं मुक्तिया म्‍ये थ्‍वय्‌कादी। सेला

भजनसंग्रहया सफू 23:2

वय्‌कलं जितः वाउँगु घाँसय् थ्‍यनादी, वय्‌कलं जितः सफागु लःया पुखुलिइ यंकादी।

यर्मिया 13:16

वय्‌कलं तसकं खिउँगु हये न्‍ह्यः हे, तसकं खिउँगु डाँडाय् छिपिं लुफिंहाये न्‍ह्यः हे परमप्रभु थः परमेश्‍वरया प्रशंसा या! छिमिसं जःया आशा याइ, तर वय्‌कलं उकियात खिउँगुलिइ हिलाः तसकं खिउँकादी।

यर्मिया 23:1

परमप्रभुं धयादी, “जिगु ख्‍यःयापिं फैतय्‌त नाश यानाच्‍वंपिं व छ्यालब्‍याल यानाच्‍वंपिं फैजवाःतय्‌त धिक्‍कार दु।”

यर्मिया 33:12

“दक्‍व शक्ति दुम्‍ह परमप्रभुं थथे धयादी, ‘थ्‍व सुनसान मनूत व पशुत मदुगु थासय्, थुकियागु फुक्‍क शहरय् थः बथांतय्‌त आराम बीत फैजवाःतय्‌गु निंतिं हाकनं घाँय् दुगु ख्‍यःत दइ।

इजकिएल 13:10

“‘छाय्‌धाःसा शान्‍ति मदुबलय् नं जिमि मनूतय्‌त “शान्‍ति दु” धकाः धयाः इमिसं मखुगु लँय् यंकूगु दु। अले मनूतय्‌सं तसकं बमलाःगु पःखाः दय्‌कूबलय् थुपिं अगमवक्तातय्‌सं उकियात सख्‍वाः पानाः त्‍वपुयाब्‍यूगु दु।

इजकिएल 34:15

जिं थःम्‍हं हे जिम्‍ह फैत स्‍वये, अले इमित अन थ्‍यने, परमप्रभु परमेश्‍वरं धयादी।

इजकिएल 34:16

तंपिन्‍त जिं माले, लँ द्वंकुपिन्‍त जिं लुइकाः हये। घाःपाः जूपिन्‍त मलम तयाः पट्टी चिनाबी, बमलाःपिन्‍त बल्‍लाकाबी। तर ल्‍ह्वंपिं व बल्‍लाःपिन्‍त जिं नाश यानाबी। खःकथं बथां स्‍वइम्‍ह फैजवाः जि जुइ।

यशैया 1:3

द्वहंनं थः मालिकयात म्‍हस्‍यू, अले गधानं थः थुवालं नकिगु थल म्‍हस्‍यू, अय्‌नं इस्राएलं जितः म्‍हमस्‍यू। जि थः हे मनूतय्‌सं छुं हे मथू।”