यर्मिया 50:5 - नेवाः बाइबल

⁵ “इमिसं सियोनपाखे वनीगु लँ गुगु खः धकाः न्‍यनी अले थःगु ख्‍वाः उखेपाखे स्‍वय्‌की। इपिं वयाः थःत हे परमप्रभुयाथाय् गुबलें ल्‍वःममंकीगु सदांया बाचाय् ची।

यर्मिया 50:5 Referans Kwoze

यर्मिया 32:40

जिं इपिं लिसे न्‍ह्याबलेंया निंतिं बाचा चिने। इमिगु भिं जुइगु ज्‍या यायेगु जिं गुबलें त्‍वःते मखु। इपिं जिपाखें फस्‍वया मवनेमा धकाः जिं जिगु भय इमिगु मनय् तयाबी।

यशैया 55:3

हे मनूत, जिथाय् वयाः जिगु खँ बांलाक न्‍यँ! अले छिमित जीवन दइ। जिं छिपिंनापं सदांया निंतिं छगू बाचा चिने, जिं दाऊदयात सदां दइगु दयामाया बी धकाः बचं बियागु पवित्र आशिष छिमित बी।

यशैया 35:8

अन छपु मू लँ दइ, वयात पवित्रताया लँ धकाः धाइ। सुं अशुद्धपिं अनं जुयाः वनी मखु। तर व लँ इमिगु निंतिं जक जुइ गुम्‍ह अनं जुयाः वंगु दु। दुष्‍टत व मूर्खत अनं वने दइ मखु।

यर्मिया 6:16

परमप्रभुं थथे धयादी, “प्‍यकालँय् दनाः स्‍व! पुलांगु लँ गन दु धकाः न्‍यँ! भिंगु लँयागु बारे न्‍यँ, व लँय् हुँ! अले छिमिगु मन याउँसे च्‍वनी। तर इमिसं धाल, ‘जिपिं व लँय् वने मखु।’

उत्‍पत्ति 17:7

जिं छ व छिमि सन्‍तानलिसे चिनागु बाचा सदांया लागि म्‍वाकातये, छाय्‌धाःसा जि छं व इमि परमेश्‍वर खः।

२ कोरिन्‍थी 8:5

जिमिसं मतिइ तयागु स्‍वयाः नं इमिसं यक्‍व हे ग्‍वाहालि यात। न्‍हापां इमिसं थःत हे प्रभुयात देछाल, अले परमेश्‍वरया इच्‍छा कथं इमिसं थःत जिमिगु ल्‍हातय् लःल्‍हाना बिल।

प्रेरित 11:23

थथे व अन वयाः परमेश्‍वरं अन च्‍वंपिं विश्‍वासीतय्‌त बियादीगु आशिष खनाः तसकं लय्‌ताल। अले वं इमित मग्‍यासे दुनुगलंनिसें प्रभु नाप जुयाच्‍वनेमाः धकाः स्‍यनेकने यात।

यूहन्‍ना 7:17

सुनानं परमेश्‍वरयागु इच्‍छा पालन यायेगु मतिइ तःसा व मनुखं जिं स्‍यनाच्‍वनागु खँ परमेश्‍वरयागु खः ला कि जिगु थःगु हे खँ खः धकाः सीके फइ।

भजनसंग्रहया सफू 84:7

इपिं लँय् वनाच्‍वनीबलय् झन बल्‍लाइ, अले सियोन पर्वतय् परमेश्‍वरया न्‍ह्यःने खनेदय्‌कः वइ।

१ राजा 19:14

वं लिसः बिल, “दक्‍व शक्ति दुम्‍ह परमप्रभु परमेश्‍वरया निंतिं जिके यक्‍व जोश दु, इस्राएलीतय्‌सं छिगु बाचायात त्‍वःतूगु दु, छिगु वेदीयात थुनाब्‍यूगु दु अले छिकपिनि अगमवक्तातय्‌त तरवारं स्‍याःगु दु। जि जक ल्‍यंदनि, इमिसं जितः नं स्‍यायेत स्‍वयाच्‍वंगु दु।”

१ राजा 19:10

वं लिसः बिल, “दक्‍व शक्ति दुम्‍ह परमप्रभु परमेश्‍वरया निंतिं जिके यक्‍व जोश दु, इस्राएलीतय्‌सं छिगु बाचायात त्‍वःतूगु दु, छिगु वेदीत थुनाब्‍यूगु दु अले छिकपिनि अगमवक्तातय्‌त तरवारं स्‍याःगु दु। जि जक ल्‍यंदनि, इमिसं जितः नं स्‍यायेत स्‍वयाच्‍वंगु दु।”

२ शमूएल 23:5

छु जिगु घराना परमेश्‍वरलिसें ठीक मजू ला? छु वय्‌कलं जिलिसें फुक्‍क खँय् सुरक्षित व बल्‍लाःगु छगू न्‍ह्याबलेंया बाचा चिनादीगु मदु ला? छु वय्‌कलं जितः ग्‍वाहालि मालीबलय् उद्धार यानाः मदी ला? अले जिगु फुक्‍क इच्‍छा पूवंकामदी ला?

यर्मिया 3:18

अबलय् इस्राएलया मनूत यहूदाया मनूतलिसें मिलय् जुइ, इपिं छकलं उत्तरय् च्‍वंगु देशं लिहां वयाः जिं इमि पुर्खातय्‌त न्‍ह्याबलेंया निंतिं बियागु देशय् वइ।

यर्मिया 31:6

एफ्राइमया पहाडी देशय् पिवाः च्‍वनीपिं थथे धाधां हाःगु दिं वइ, ‘वा, झीपिं सियोनय् परमप्रभु झी परमेश्‍वरयाथाय् वनेनु।’”

यर्मिया 31:21

“हे इस्राएली कुमारी, छ वंगु लँय् थां व झण्‍डा धस्‍वाकि। छ वःगु लँय् चिं ति लिहां वा! थुपिं थःगु शहरय् लिहां वा!

इजकिएल 16:61

अले छं थःगु ज्‍या लुमंकी अले लज्‍या चायाः छिमि तताकेहेँपिं निम्‍हय्‌सितं छं नाली। छिमि तताकेहेँपिन्‍त जिं छिमि म्‍ह्याय्‌पिं थें जुइत छन्‍त बी, खःला जिं छलिसें चिनागु बाचा थथे ला मखु।

इजकिएल 37:22

जिं इमित थःगु हे देशय् इस्राएलया पहाड पहाडय् छगू हे जाति दय्‌के। इपिं सकसिगु लागि छम्‍ह हे जुजु जुइ। इपिं हाकनं गुबलें निगू अलग अलग जाति अथवा निगू अलग अलग राज्‍य जुइ मखु।

होशे 1:11

यहूदा व इस्राएलया मनूत मिले जुइ। अले इमिसं थःगु निंतिं छम्‍ह नायः ल्‍यइ, अले इपिं कैदी जुयाच्‍वंगु थासं लिहां वइ। धात्‍थें हे यिजरेलया व दिं छगू तःधंगु दिं जुइ।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

होशे 6:1

“वा! झीपिं परमप्रभुपाखे लिहां वनेनु। वय्‌कलं झीत कुचा कुचा यानादीगु दु, अय्‌नं वय्‌कलं झीत लंकादी। वय्‌कलं घाः यानादीगु दु, अय्‌नं वय्‌कलं झीगु घालय् मलमपति तयादी।