यर्मिया 50:21 - नेवाः बाइबल

²¹ “मरातैम देश व पकोदय् च्‍वंपिन्‍त हमला या। इमित ल्‍यू, स्‍या अले इमित भज्‍यंक नाश या,” परमप्रभुं धयादी। “जिं छिमित आज्ञा बियागु फुक्‍क या!

यर्मिया 50:21 Referans Kwoze

इजकिएल 23:23

जिं बेबिलोनयापिं मिजंपिं व फुक्‍क बेबिलोनियायापिं मिजंपिं, पकोद, शोअ व कोअयापिं मिजंपिं अले फुक्‍कं अश्‍शूरीतय्‌त हये। जिं उपिं फुक्‍क बांलाःपिं, ल्‍याय्‌म्‍हपिं हाकिमत, मू मू हाकिमत व सल गया जुइपिं सकसितं प्‍यखेरं छंगु विरोधय् हये।

यर्मिया 50:15

वयागु प्‍यखेरं च्‍वनाः तःसलं हा! वं थःत लःल्‍हाइ। वयागु धरहरात क्‍वःदली, वयागु पःखाःयात थुनाबी। वयात बदला का, छाय्‌धाःसा परमप्रभुया बदला थ्‍व हे खः। वं मेपिन्‍त गथे यात वयात नं अथे हे या।

यर्मिया 50:9

छाय्‌धाःसा स्‍व! जिं उत्तरयागु देशं ततःधंगु जातियात ग्‍वाकाः इमिगु पुचःयात बेबिलोनया विरोधय् हये। इमिसं बेबिलोनया विरोधय् लडाइँया लागि तयारी याइ, अले वयात उत्तरपाखें कब्‍जा याइ। इमिगु वाण बहादुर सिपाइँतय्‌गु थें जुइ, गुगु अथें लिहांवनी मखु।

यर्मिया 50:3

छाय्‌धाःसा उत्तरपाखें छगू जातिं वयात हमला याइ, अले वयागु देशयात झिजांमिजां दंगुथाय् यानाबी। अन सुं च्‍वनी मखु, मनूत व पशुत निथिं बिस्‍युं वनी।”

यर्मिया 48:10

“अल्‍छी चाचां परमप्रभुया ज्‍या याइम्‍ह मनूयात सराः लायेमा! थःगु तरवारयात हि बाः वय्‌के मब्‍यूम्‍ह मनूयात सराः लायेमा!

यर्मिया 34:22

परमप्रभुं धयादी, ‘जिं थःम्‍हं हे आज्ञा बी, अले इमित थ्‍व शहरय् लित हये। इमिसं लडाइँ यानाः थ्‍व शहरयात त्‍याकाकाइ, अले थुकियात मिं नकाबी। अले जिं यहूदाया शहरयात मनू मदुगु सुनसान थाय् यानाबी।’”

यशैया 48:14

“छिपिं फुक्‍क छथाय् मूं वयाः न्‍यँ, द्यःत मध्‍ये सुनां थुपिं खँ न्‍हापा हे कंगु दु? परमप्रभुं ल्‍ययातःम्‍हं हे बेबिलोनया विरोधय् वय्‌कःया इच्‍छा पूवंकी, अले वय्‌कःया बल्‍लाःगु ल्‍हाः बेबिलोनीतय् विरोधय् ल्‍ह्वनी।

यशैया 44:28

गुम्‍हय्‌सिनं कोरेसया बारे धाइ, ‘व जिमि जवाः खः, अले जिगु फुक्‍क इच्‍छा वं पूवंकी। यरूशलेमया बारे वं धाइ, “व हाकनं दय्‌केमा,” अले देगःया बारे, “थुकियात हाकनं दय्‌की।”’

यशैया 10:6

जितः तंम्‍वय्‌किपिं परमेश्‍वरयात मानय् याइ मखुपिनिगु देशय् हमला यायेत जिं अश्‍शूरीतय्‌त छ्वयाहयागु दु। लँय् च्‍वंगु धूयात तुतिं न्‍हुतुन्‍हू थें मनूतय्‌त न्‍हुत्तुन्‍हुयेत व लुतय् यानाकायेत जिं अश्‍शूरीतय्‌त छ्वयाहयागु दु।”

२ इतिहास 36:23

“फारसया महाराज कोरेसं थथे धाइ, “‘परमप्रभु स्‍वर्गय् च्‍वंम्‍ह परमेश्‍वरं पृथ्‍वीयागु फुक्‍क राज्‍य जितः बियादीगु दु। अले वय्‌कलं हे जितः यहूदाया यरूशलेमय् वय्‌कःया निंतिं छगः देगः दय्‌केगु आज्ञा बियादीगु दु। छिमिगु दथुइ दुम्‍ह सुं नं परमप्रभुया मनू च्‍वय् अन वनेमा। अले परमप्रभु छिमि परमेश्‍वर छिपिंनापं दयेमा।’”

२ राजा 18:25

थ्‍व बाहेक छु जिं थ्‍व थाय्‌यात हमला यानाः नाश यायेत परमप्रभुं मधाय्‌कं वयागु दु ला? परमप्रभुं हे जितः “व देशय् वनाः वयात नाश या!” धकाः धयादीगु दु।’”

२ शमूएल 16:11

दाऊदं अबीशै व वया फुक्‍क हाकिमतय्‌त धाल, “जिमि थः हे काय्‌नं ला जितः स्‍यायेत स्‍वयाच्‍वंगु दु धाःसा थ्‍व बेन्‍यामीनीं छाय्‌ थथे मयाइ धकाः? वयात छुं याये मते अले वं सराः बीमा। छाय्‌धाःसा परमप्रभुं ‘हे वयात अथे या’ धकाः धाःगु जुइफु।

१ शमूएल 15:3

आः छिं अमालेकीतय्‌त हमला या हुँ अले इमिके दुगु फुक्‍क छुं नं ल्‍यंमदय्‌कः भज्‍यंक नाश यानाब्‍यु। इमि फुक्‍क मनूत, मिसात, ल्‍याय्‌म्‍ह ल्‍यासेपिं, मचात, दुरु त्‍वंपिं मचात, सा द्वहं, फै-च्‍वलय्, ऊँट व गधा फुक्‍कं नाश या।’”

व्‍यवस्‍था 33:27

छिमिगु शरण कायेगु थाय् सदांयाम्‍ह परमेश्‍वर खः, छिमिगु क्‍वय् वय्‌कःया ल्‍हाः न्‍ह्याबलें दयाच्‍वनी। ‘इमित नाश या’ धाधां वय्‌कलं छिमिगु न्‍ह्यःनेनं छिमि शत्रुतय्‌त लिनाछ्वइ।

यशैया 48:15

खः, धात्‍थें हे जिं थ्‍व धयागु खः। जिं वयात सःतागु दु। जिं वयात हये, अले व थःगु ज्‍याय् ताःलाइ।