यर्मिया 50:2 - नेवाः बाइबल

² “जाति जातियात कँ, अले झण्‍डा ल्‍ह्वनाः न्‍यंकि, छुं खँ नं सुचुके मते, तर थथे धा, ‘बेबिलोनयात कब्‍जा याइ, वया द्यः बेल लज्‍याय् लाइ, वया द्यः मरोदकयात नाश याइ। वयागु शालिकतय्‌त बेइज्‍जत याइ, वयागु मूर्तित आतंकं जाइ।’

यर्मिया 50:2 Referans Kwoze

यशैया 46:1

बेल द्यः लज्‍या चायाः क्‍वछुइ, नेबो द्यः ग्‍यानाः भ्‍वसुली। कु क्‍वबिपिं पशुतय्‌सं इमिगु मूर्तित क्‍वबी। अले इमिसं क्‍वबियायंकूगु मूर्तित थाकूयाः तसकं झ्‍यातुगु कु थें जुइ।

यशैया 21:9

स्‍वयादिसँ! सलया पुचः दुगु रथय् छम्‍ह मनू वयाच्‍वंगु दु। अले वं लिसः बियाः थथे धाइ, ‘बेबिलोन स्‍यने धुंकूगु दु, उकिया कतां कियाः दय्‌कातःगु मूर्तित कुचा कुचा जुयाः बँय् कुतुं वयाच्‍वंगु दु।’”

यर्मिया 51:47

छाय्‌धाःसा जिं बेबिलोनया मूर्तितय्‌त सजाँय बीगु ई धात्‍थें वइ, वयागु फुक्‍क देश लज्‍याय् लाइ, अले वया स्‍याःपिं फुक्‍क अन हे लानाच्‍वनी।

यर्मिया 51:44

जिं बेबिलोनय् बेबिलोनीतय् द्यः बेलयात सजाँय बी, अले वं छु घुर्कुगु खः वयागु म्‍हुतुं ल्‍ह्वके। वयाथाय् हाकनं जातित पुजा यायेत ग्‍वाः ग्‍वाः मुनी मखु। अले बेबिलोनया पःखाः दुनी।”

प्रकाश 18:2

व ततसलं थथे धकाः हाला हल – “तःधंगु बेबिलोन शहर नाश जुल, नाश जुल! थ्‍व थाय् ला आः भूतत च्‍वनीगु थाय् जुइ धुंकल। मभिंपिं आत्‍मात, घच्‍चायापुसे च्‍वंपिं झंगःत च्‍वनीगु थाय् जुइ धुंकल।

सपन्‍याह 2:11

वय्‌कलं इमित तसकं ख्‍यानादी। अले वय्‌कलं पृथ्‍वीइ च्‍वंपिं द्यःतय्‌त न्‍हंका छ्वयादी। अनंलि ताताःपाक च्‍वंपिं जाति जातिया मनूतय्‌सं थथःगु देशय् च्‍वनाः वय्‌कःयात आराधना याइ।

यर्मिया 52:31

यहूदायाम्‍ह जुजु यहोयाकीनयात ज्‍वनाः बेबिलोनय् यंकूगु स्‍विन्‍हय्‌दँ दुबलय् एबील-मरोदक बेबिलोनयाम्‍ह जुजु जुल। झिंनिगूगु लाया निइन्‍यान्‍हु दुबलय् जुजु एबील-मरोदकं यहोयाकीनयात झ्‍यालखानां त्‍वःतल।

यर्मिया 51:52

परमप्रभुं धयादी, “जिं वयागु मूर्तितय्‌त याकनं सजाँय बीत्‍यनागु दु। अले देश न्‍यंकं हे घाःपाः जूपिं पिच्‍यानाः हाली।

यर्मिया 51:31

बेबिलोनयाम्‍ह जुजुयात वयागु फुक्‍क शहर काये धुंकल धकाः कनेत छम्‍ह हुलाकी मेम्‍हय्‌सिगु ल्‍युने वनी अले खबर बीम्‍हय्‌सिगु ल्‍युने मेम्‍ह खबर बीम्‍ह वनी,

यर्मिया 51:8

आः बेबिलोन आकाझाकां क्‍वःदली, अले बेबिलोनयात कुचा कुचा याइ। वयागु निंतिं ख्‍व! वयागु स्‍याःचाःया निंतिं मलम हजि! सके व लनी ला?

यर्मिया 50:46

बेबिलोन कब्‍जा याःबलय् ताये दुगु सलं पृथ्‍वी थरथर खाइ। वयागु ख्‍वःसः जाति जातितय्‌थाय् तक थ्‍वइ।

यर्मिया 46:14

“मिश्र देशय् सुचं ब्‍यु! मिग्‍दोलय् घोषणा या, नोप व तहपनेसय् नं घोषणा या, ‘तयार जुयाः थथःगु थाय् कयाः दँ, छाय्‌धाःसा तरवारं छिमिगु प्‍यखेरं क्‍वापक्‍वाप नयाच्‍वंगु दु।’

यर्मिया 31:10

“हे जाति जातियापिं मनूत, परमप्रभुया वचन न्‍यँ! ताताःपाःगु समुद्र सिथय् सिथय् च्‍वंगु देशय् थ्‍व खँ न्‍यंकि, ‘सुनां इस्राएलयात छ्यालब्‍याल यानादिल, वय्‌कलं हे वयात मुंकादी। फैजवालं बथांयात रक्षा याःथें वय्‌कलं इमित रक्षा यानादी।’

यर्मिया 6:18

उकिं हे जाति जातियापिं मनूत, न्‍यँ! हे साक्षीत, इमित छु जुइ व स्‍व!

यर्मिया 4:16

“ताताःपाःगु देशं शत्रुत वयाच्‍वंगु दु धकाः यरूशलेमयापिं मनूतय्‌त ‘व जाति जातितय्‌त ख्‍याच्‍वः बीत इपिं वःगु दु। थुपिं शत्रुत यहूदाया शहरया विरोधय् हाली।

यशैया 48:6

छं थुपिं खँत न्‍यंगु दु, थुपिं फुक्‍क खँयात बांलाक स्‍व! छु छं थुकियात मानय् मयायेगु ला? “आवंलि जिं छन्‍त न्‍हूगु न्‍हूगु खँ व छं मस्‍यूगु गुप्‍ति खँ कने।

यशैया 39:1

अबलय् लाक्‍क हे बेबिलोनयाम्‍ह जुजु बलदानया काय् मरोदक-बलदानं हिजकिया जुजु म्‍हंमफुगुपाखें लाये धुंकूगु दु धकाः न्‍यनाः वयाथाय् पौत व कोसेलि बियाः दूतत छ्वल।

यशैया 37:19

इमिसं जाति जातितय् द्यःतय्‌त मिइ वान्‍छ्वयाः नाश यानाबिल, छाय्‌धाःसा इपिं द्यः मखु, तर मनूतय्‌गु ल्‍हातं दय्‌कूगु सिँ व ल्‍वहं जक खः।

यशैया 13:2

खालिगु डाँडाय् छगू चिंया ध्‍वाँय् धस्‍वाकि! ततःसलं सिपाइँतय्‌त सः ब्‍यु। अले इमित हमला यायेत, भारदारतय् मू ध्‍वाखां घमण्‍डी शहरय् दुहां वनेत ल्‍हाःभाय् या।

यशैया 12:4

व दिंखुन्‍हु छिमिसं थथे म्‍ये हाली, “परमप्रभुयात सुभाय् ब्‍यु! अले वय्‌कःया नां घोषणा या। वय्‌कलं यानादीगु ज्‍या फुक्‍क जातितय्‌त न्‍यंकि, वय्‌कः गुलि तःधंम्‍ह खः धकाः फुक्‍कसित धयाब्‍यु!

भजनसंग्रहया सफू 96:3

जाति जातियात वय्‌कःया महिमाया बारे न्‍यंकि, सकल मनूतय्‌त वय्‌कःया अजू चायापुगु ज्‍याया बारे कं।

भजनसंग्रहया सफू 64:9

मनूत सकलें ग्‍याइ। इमिसं परमेश्‍वरं यानादीगु ततःधंगु ज्‍या लुमंकी। अले वय्‌कलं यानादीगु ज्‍या कनाजुइ।

भजनसंग्रहया सफू 97:7

मूर्ति पुजा याइपिं, मूर्तितय्‌गु बारे घमण्‍ड याइपिं सकलें मछाले माली। परमप्रभुया न्‍ह्यःने फुक्‍क द्यःतय्‌सं छ्यं क्‍वछुकाः आराधना याइ।

यशैया 48:20

बेबिलोनं पिहां वा! बेबिलोनीतय्‌गु दथुं बिस्‍युं वा! लय्‌तातां तसलं थ्‍व खँ घोषणा या! पृथ्‍वीया कुन्‍चाय् थ्‍यंक च्‍वंपिन्‍त थ्‍व खँ न्‍यंकि! छिमिसं थथे धा, “परमप्रभुं थः दास याकूबयात त्‍वःतकादीगु दु।”

यर्मिया 4:6

सियोन वनेगु लँय् झण्‍डा धस्‍वाकि। लिमबाकुसे शरण कायेत बिस्‍युं हुँ। छाय्‌धाःसा जिं उत्तरपाखें विपत्ति व तःधंगु नाश हयेत्‍यनागु दु।”

यर्मिया 51:12

बेबिलोनया पःखाःया विरोधय् झण्‍डा ल्‍ह्वँ! पिवाःयात बल्‍लाकि! पिवाः च्‍वनीपिं मनूत ति! हमला यायेत सुला च्‍वनेगु थासय् मनूत ति! बेबिलोनयापिं मनूतय्‌गु विरोधय् परमप्रभुं आज्ञा बियादीगु दु। वय्‌कलं थःगु बिचाः पूवंकादी।

यर्मिया 51:27

“छिमिगु देशय् झण्‍डा धस्‍वाकी! जाति जातितय् दथुइ तुरही पु! वयागु विरोधय् लडाइँ यायेत जातितय्‌त तयार या! आरारात, मिन्‍नी व अशकनजयात वयागु विरोधय् सःती! वयागु विरोधय् छम्‍ह सेनापति ल्‍यः! क्‍वःबुइँचाया बथां थें सलत छ्व!

दानिएल 1:2

परमप्रभुं यहूदाया जुजु यहोयाकीम व देगःयागु लुँ, वहः व कँय्‌यागु छुं थलबल नबूकदनेसरया ल्‍हातय् बियादिल। अले वं थुपिं थलबल बेबिलोनियाय् दुगु थः द्यःया देगलय् यंकाः देगःयागु धुकुतिइ तल।

दानिएल 3:14

नबूकदनेसरं इमित न्‍यन, “हे शद्रक, मेशक व अबेद्‌नगो, छिमिसं जिमि द्यःपिन्‍त पुजा मयाः अले जिं पलिस्‍था यानागु लुँयागु मूर्तियात भ्‍वसुलाः भागि नं मयाः धाःगु खँ जिं न्‍यनागु दु। छु थ्‍व धात्‍थें खः ला?

यर्मिया 10:11

“छं इमित थथे धा, ‘थुपिं द्यःतय्‌सं आकाश व पृथ्‍वी दय्‌कूगु मखु। थुपिं द्यःत पृथ्‍वीं व आकाशया क्‍वय्‌नं नाश जुयावनी।’”

यर्मिया 10:15

उपिं ज्‍यालगय् मजूगु व न्‍हीकीगु खँ खः। उमिगु न्‍याय जुइबलय् उपिं नाश जुइ।