यर्मिया 5:6 - नेवाः बाइबल

⁶ उकिं जंगलं छम्‍ह सिंह वयाः इमित स्‍यानाबी, सुख्‍खा इलाकां छम्‍ह गुँखिचा वयाः इमित नाश याइ, छम्‍ह चितुवा इमिगु शहरया लिक्‍क पियाच्‍वनी, अनं सुं पिहां वःसा वयात कुचा कुचा याइ, छाय्‌धाःसा इपिं तसकं विद्रोही जुल, इमिगु अधर्म यक्‍व दु।

यर्मिया 5:6 Referans Kwoze

सपन्‍याह 3:3

वया नायःतय्‌त गर्जे जुइपिं सिंहत खः। वया न्‍यायकर्तात गुँखिचात खः गुपिन्‍सं कन्‍हय् सुथय् तक छुं ल्‍यं तइ मखु।

हबकूक 1:8

इमि सलत चितुवा स्‍वयाः नं तसकं ब्‍वाँय् वनी अले सन्‍ध्‍याकाः इलय् पिहां वइम्‍ह गुँखिचात स्‍वयाः नं तसकं ग्‍यानापुस्‍से च्‍वं। इमि सल गया वइपिं सिपाइँत तातापाकंनिसें तसकं ब्‍वाँय् वइ। सलत गिद्धं शिकारयात तसकं ब्‍वाँय्‌ वयाः झम्‍ते याः थें वइ।

यर्मिया 4:7

छम्‍ह सिंह थःगु गुफां पिहां वःगु दु। जातितय्‌त नाश याइम्‍ह पिहां वये धुंकूगु दु। छिमिगु देशयात नाश यायेत व थःगु थासं पिहां वये धुंकूगु दु। छिमिगु शहर मनूत मदयाः नाश जुइ।

इजकिएल 22:27

उकिया दुने दुपिं हाकिमत थः शिकारतय्‌त कुचा कुचा याइपिं गुँखिचात थें च्‍वं। इमिसं बेइमान यानाः फाइदा कायेत हि बाः वय्‌काः मनूत स्‍याइगु।

प्रकाश 13:2

व पशु चितुवा थें च्‍वं। वयागु तुति भालुयागु, म्‍हुतु सिंहयागु थें च्‍वं। अले वयात हे अजिङ्गरं थःगु शक्ति, थःगु सिंहासन व तःधंगु अधिकार बिल।

होशे 5:14

छाय्‌धाःसा जि सिंहनं थें इस्राएल व यहूदाया मनूतय्‌त हय्‌काये। इमित कुचा कुचा यानाः जि थःगु लँय् वने, जिं इमित लुया यने, इमित बचय् याइपिं सुं नं दइ मखु।

दानिएल 7:6

“अनंलि चितुवा थें च्‍वंम्‍ह स्‍वम्‍हम्‍ह जन्‍तु खना। वयागु जँन्‍हुफातय् झंगःयागु थें प्‍यपा पपू दु। व जन्‍तुया प्‍यंगः छ्यं दु अले वयात शासन यायेगु अधिकार बिल।

दानिएल 7:4

“न्‍हापां पिहांवःम्‍ह सिंह थें च्‍वंम्‍ह जन्‍तु खना, तर वयाके इमायाके थें पपू दु। जिं स्‍वयाच्‍वनाबलय् हे वयागु पपू पुल। अले व जन्‍तुयात मनू थें निपु तुतिं थनाबिल अले वयात मनूयागु मन बिल।

इजकिएल 23:19

अय्‌नं वं थः ल्‍यासेबलय् थःम्‍हं मिश्रय् याःगु वेश्‍याया ज्‍यायात लुमंकाः वं थःगु वेश्‍याया ज्‍यायात झन झन अप्‍वय्‌काहल।

इजकिएल 16:25

लँया कुं पतिकं छं थःगु निंतिं पुजा यायेगु तःजाःगु थाय् दय्‌कल, अले अनं जुया वनीपिं न्‍ह्याम्‍हसित नं थःगु म्‍ह लःल्‍हानाः छं थःगु वेश्‍याया ज्‍या अप्‍वय्‌कल अले थःगु बांलाःसूयात घच्‍चाइपुइकल।

विलाप 1:5

वया विरोधीत वया मालिक जूगु दु, वया शत्रुत याउँक च्‍वनाच्‍वंगु दु। छाय्‌धाःसा परमप्रभुं वयात वयागु यक्‍व पापं यानाः दुःखय् लाकादीगु दु, वया मस्‍तय्‌त शत्रुतय् न्‍ह्यःने ज्‍वनायंकूगु दु।

यर्मिया 49:19

स्‍व! यर्दनया झालं यक्‍व घाँय्‌ख्‍यः दुगु थासय् सिंह वः थें, जिं एदोमयात पलखं हे वयागु देशं लिनाछ्वये। अले सुयात जिं ल्‍यये वयात हे जिं तये। छाय्‌धाःसा जि थें जाःम्‍ह सु दु? सुनां जितः चुनौती बी फु? जिगु न्‍ह्यःने दनाच्‍वने फुम्‍ह सु फैजवाः दु?”

यर्मिया 30:24

थःगु मनय् दुगु इच्‍छा पूमवंतले परमप्रभुया तच्‍वःगु तं क्‍वलाइ मखु। लिपा छिमिसं थ्‍व बांलाक सी।

यर्मिया 30:14

छं फुक्‍क पासापिन्‍सं छन्‍त ल्‍वःमंके धुंकल। इमिसं छन्‍त वास्‍ता मयाः। छं तःधंगु अपराध याःगुलिं व यक्‍व पाप याःगुलिं जिं छन्‍त शत्रु थें कय्‌कागु दु। अले दयामाया मदुम्‍हय्‌सिनं थें छन्‍त सजाँय बियागु दु।

यर्मिया 25:38

सिंहं थें वय्‌कलं थःगु गुफा त्‍वःतादी, अले क्‍वत्‍यलिपिनिगु तरवार व परमप्रभुया तच्‍वःगु तमं यानाः इमिगु देश झिजांमिजां दनी।

यर्मिया 14:7

जिमिसं यानागु मभिंगु ज्‍यां जिमिगु विरोधय् साक्षी ब्‍यूसां हे परमप्रभु, छिगु नां तःधंकेत छुं ज्‍या यानादिसँ। जिमिसं तःकः मछि हे छितः त्‍वःतागु दु। जिमिसं छिगु विरोधय् पाप यानागु दु।

यर्मिया 2:19

छंगु थःगु हे मभिंगु ज्‍यां छन्‍त सजाँय बी अले छं जितः त्‍वःतूगुलिं छं थःत हे दोष बी। छं जि परमप्रभु थः परमेश्‍वरयात त्‍वःतूगु व जिगु भय छंके मदुगु छगू मभिंगु व म्‍हाइपूगु खँ खः धकाः सीकाति,” प्रभु, दक्‍व शक्ति दुम्‍ह परमप्रभुं धयादी।

यर्मिया 2:17

परमप्रभु छिमि परमेश्‍वरं छन्‍त लँय् यंकूसां हे वयात त्‍वःतूगुलिं छं थ्‍व खँ थःके हःगु मखु ला?

यर्मिया 2:15

सिंहत थ्‍वयेक हाःगु दु, उपिं व पाखे स्‍वयाः थ्‍वयेक हालाच्‍वंगु दु। इमिसं वयागु देशयात भज्‍यंक नाश याःगु दु। वयागु शहरत नाश याःगु दु, अले उपिं शहरय् मनूत मदु।

यशैया 59:12

छाय्‌धाःसा जिमिगु द्वंबिद्वं छिगु न्‍ह्यःने यक्‍व दु, अले झीगु पापं हे झीगु विरोधय् साक्षी बी। जिमिगु द्वंबिद्वं जिपिंनापं हे दु अले जिमिगु अधर्मत जिमिसं नालाकाये।

भजनसंग्रहया सफू 104:20

छिं चा दय्‌कादिल, अले खिउँबलय् दक्‍व गुँपशुत पिहां वइ।

एज्रा 10:10

अले पुजाहारी एज्रां दनाः इमित धाल, “छिमिसं विदेशी मिस्‍तलिसें ब्‍याहा यानाः अपराध याःगु दु, अले थुकिं यानाः इस्राएलया दोष अप्‍वः जूगु दु।

एज्रा 9:6

थथे धकाः प्रार्थना याना – “हे जिमि परमेश्‍वर, जिगु ख्‍वाः छिपाखे स्‍वकेत जितः तसकं मछालापुसे च्‍वं, छाय्‌धाःसा हे जिमि परमेश्‍वर, जिमिगु पाप यक्‍व अप्‍वयावंगु दु अले जिमिगु दोष स्‍वर्ग तक थ्‍यंगु दु।

गन्‍ती 32:14

“हे पापीतय् सन्‍तान! आः हाकनं छिपिं परमप्रभुयात इस्राएलीतलिसे अझ यक्‍व तं चाय्‌केत छिमि बौपिनि थासय् दंवयाच्‍वंगु दु।

भजनसंग्रहया सफू 80:13

आः गुँफातय्‌सं वयाः न्‍हुयाः स्‍यंकाथके फु, अले गुँपशुतय्‌सं वयाः नयाः वने फु।

यर्मिया 8:5

अथे खःसा थुपिं यरूशलेमयापिं मनूत छाय् परमेश्‍वरयात त्‍वःताः फस्‍वयावन? इमिसं मूर्ति पुजा याना हे च्‍वंगु दु। इमिसं जिथाय् लिहां वये म्‍हां धाल।

यर्मिया 30:15

छाय् छ थःगु घाःया निंतिं ख्‍वयागु? छंगु स्‍याःचाः लनीगु वासः मदु। छंगु अधर्म तःधं अले छं यक्‍व पाप याःगु दु उकिं जिं छन्‍त थज्‍याःगु व्‍यवहार याना।

२ इतिहास 36:14

पुजाहारीतय् फुक्‍क नायःत व मनूतय्‌सं नं मेमेगु जातिं याःगु थें घच्‍चायापुगु ज्‍या यानाः झन विश्‍वासघात यात। इमिसं परमप्रभुं थःम्‍हं हे यरूशलेमय् शुद्ध यानादीगु देगःयात अशुद्ध यात।

अय्‍यूब 10:16

जिं थःगु छ्यं धस्‍वाकूसां सिंह थें छिं जितः शिकार यानादी। छिं जिगु विरोधय् थःगु तःधंगु शक्ति क्‍यनादी।

यशैया 1:23

छिमि न्‍ह्यलुवाःत विद्रोही व खुँतय् पासापिं जुइ धुंकूगु दु। इमिसं न्‍ह्याबलें कोस्‍यालि व घुस नयेत माला जुइ। न्‍याय जुइबलय् इमिसं मांबौ मदुपिनिगु पँली मखु। भाःत मदुपिनिगु मुद्दा इमिथाय् थ्‍यनी मखु।

यर्मिया 2:31

“हे थ्‍व पुस्‍तायापिं मनूत, परमप्रभुयागु वचनय् ध्‍यान ब्‍यु। “छु जि इस्राएलया लागि मरुभूमि वा तसकं खिउँगु देश जुल ला? छाय् जिमि प्रजां थथे धाइगु, ‘जिपिं थःयत्‍थे वने दु। आः छिथाय् गुबलें वये मखुत।’

यर्मिया 8:7

आकाशय् सलांत्‍याः झंगलं ला छेँ लिहां वनेगु ई स्‍यू। सुकुभत्तु, इखुंचा व सारसं थः मेथाय् च्‍वंवनेगु ई स्‍यू। तर जिमि प्रजां परमप्रभुयागु विधि मस्‍यू।