यर्मिया 5:24 - नेवाः बाइबल

²⁴ तर इमिसं थःगु नुगलय् थथे धाइ मखु, ‘झीसं परमप्रभु झी परमेश्‍वरया भय कायेनु। वय्‌कलं हे वा वइगु इलय्‌या न्‍हापांगु व लिपांगु वा वय्‌कादी। दँय्‌दसं अन्‍न लइगु ई बियादी।’

यर्मिया 5:24 Referans Kwoze

भजनसंग्रहया सफू 147:8

वय्‌कलं आकाशयात सुपाँचं त्‍वपुयादी, पृथ्‍वीइ वा वय्‌कादी, अले पहाड पहाडय् घाँय् बुइकादी।

योएल 2:23

हे सियोनयापिं मनूत, लय्‌ता, परमप्रभु थः परमेश्‍वरयाके लय् लय्‌ताता न्‍ह्यइपुइकाच्‍वँ! छाय्‌धाःसा वय्‌कलं दकलय् न्‍हापां वइगु वा छिमित बियादीगु दु, छाय्‌धाःसा वय्‌कः विश्‍वास याये बहःम्‍ह खः। अले छिमिगु निंतिं माक्‍व वा वय्‌कादी न्‍हापागु वा व लिपायागु वा न्‍हापा थें हे वय्‌कादी।

उत्‍पत्ति 8:22

पृथ्‍वी दतले सिनाज्‍या व सामाज्‍या चिकु व तांन्‍वः ताल्‍ला व चिकुला न्‍हि व चा दयांच्‍वनी।”

प्रेरित 14:17

अथेसां वय्‌कलं भिंगु भिंगु ज्‍या यानाः थः सु खः धकाः क्‍यना मदीगु मखु। वय्‌कलं छिकपिन्‍त स्‍वर्गं इलय् ब्‍यलय् वा वय्‌काः फलफुल व अन्‍न सय्‌कादिल। अले छिकपिन्‍त नयेत्‍वनेगु बियाः लय्‌ताय्‌का तःम्‍ह नं थ्‍व हे परमेश्‍वर खः।”

मत्ती 5:45

अले जक छिपिं स्‍वर्गय् दीम्‍ह बाःया मस्‍त जुइ फइ, छाय्‌धाःसा वय्‌कलं भिंपिं व मभिंपिं निम्‍हय्‌सितं निभाः त्‍वय्‌कादी। अले धर्मी व पापी निम्‍हय्‌सितं वा वय्‌कादी।

यर्मिया 14:22

जात जातिया द्यःत मध्‍ये सुनां वा वय्‌के फइ? अथवा आकाशं थःम्‍हं हे वा वय्‌के फइ ला? हे परमप्रभु, जिमि परमेश्‍वर, छिं हे वा वय्‌कादी। उकिं जिमित छिगु हे आशा दु, छाय्‌धाःसा थ्‍व फुक्‍क यानादीम्‍ह छि हे खः।

प्रकाश 11:6

इमिके अगमवाणी कनाच्‍वंगु इलय् वा मवय्‌मा धकाः आकाश हे तिनाबीगु शक्ति दु, हानं लःयात हि यानाबीगु शक्ति नं दु। इमित यःबलय् पृथ्‍वीइ न्‍ह्याथें ज्‍याःगु ल्‍वय् हयेगु अधिकार नं इमिके दु।

याकूब 5:7

दाजुकिजापिं, प्रभु मझातले मन तया च्‍वँ। बाली लये दइगु आशां मनूतय्‌सं बाली पिनाः वा मवतले मन तयाः पियाच्‍वनी।

जकरिया 10:1

बसन्‍त ऋतुया इलय् परमप्रभुयाके वा वय्‌का ब्‍यू धकाः फ्‍वँ। छाय्‌धाःसा वा वय्‌कीगु सुपाँय् दय्‌कादीम्‍ह परमप्रभु हे खः। वय्‌कलं मनूतय्‌गु निंतिं वा वय्‌कादी। अले फुक्‍कसिगु क्‍यबय् बुँ ह्वइ।

आमोस 4:7

“अन्‍न मुनीगु स्‍वला न्‍ह्यः हे जिं छिमिथाय् वा वयेगु दीकाबिया। जिं छगू शहरय् वा वय्‌काबिया, मेगु शहरय् वा मवय्‌का। छगू बुँइ वा वल अले मेगु बुँ वा मवयाः गना वन।

होशे 6:1

“वा! झीपिं परमप्रभुपाखे लिहां वनेनु। वय्‌कलं झीत कुचा कुचा यानादीगु दु, अय्‌नं वय्‌कलं झीत लंकादी। वय्‌कलं घाः यानादीगु दु, अय्‌नं वय्‌कलं झीगु घालय् मलमपति तयादी।

यर्मिया 50:5

“इमिसं सियोनपाखे वनीगु लँ गुगु खः धकाः न्‍यनी अले थःगु ख्‍वाः उखेपाखे स्‍वय्‌की। इपिं वयाः थःत हे परमप्रभुयाथाय् गुबलें ल्‍वःममंकीगु सदांया बाचाय् ची।

यर्मिया 5:22

छिपिं जिलिसें ग्‍याये म्‍वाः ला?” परमप्रभुं धयादी। “छिपिं जिगु न्‍ह्यःने थरथर खाये म्‍वाः ला? जिं फियात समुद्रं पुलावने मफइगु न्‍ह्याबलें दयाच्‍वनीगु पंगःया सिमाना यानाबिया। अले थुकिया लबुत थाहां वःसां उपिं त्‍याइ मखु। उपिं थ्‍वय्‌क हाःसां उकियात पुलावने फइ मखु।

यशैया 64:7

छिगु नां काइपिं छम्‍ह नं मदु, छितः ज्‍वनेगु सुनानं कुतः याइ मखु, छाय्‌धाःसा छिं थःगु ख्‍वाः जिपिंपाखें सुपिकादीगु दु, अले जिमित जिमिगु पापया शक्तिइ त्‍वःतादीगु दु।

अय्‍यूब 38:37

सुपाँय्‌यात ल्‍याः खाये फुम्‍ह सु बुद्धिमान दु? आकाशय् दुगु लःया धुकूयात प्‍वंके फुम्‍ह सु बुद्धिमान दु,

१ राजा 17:1

गिलादया तिश्‍बेयाम्‍ह तिश्‍बी एलियां आहाबयात धाल, “जिं सेवा याना वयाच्‍वनाम्‍ह परमप्रभु, इस्राएलया परमेश्‍वर म्‍वाःम्‍ह खः थें, जिं पाफयाः धाये जिं मधायेकं आः वइगु छुं दँ तक सुतिलः नं गाइ मखु, वा नं वइ मखु।”

व्‍यवस्‍था 28:12

परमप्रभुं थःगु भिंगु धुकू आकाशं छिमिगु बुँइ पाय्‌छिगु इलय् वा वय्‌कादी, अले छिमिगु ल्‍हाःया फुक्‍क ज्‍याय् सुवाः बियादी। छिमिसं यक्‍व जातितय्‌त त्‍यासा बी अय्‌नं सुयाकें त्‍यासा कायेमाली मखु।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

अय्‍यूब 5:10

वय्‌कलं पृथ्‍वीइ वा वय्‌कादी, अले बुँइ बुँइ लः छ्वयाहयादी।

भजनसंग्रहया सफू 65:9

छिं पृथ्‍वीयागु च्‍यूताः कयादी, अले उकियात लः बियाः सय्‌कीगु यानादी। बुँइ अन्‍न सय्‌केत परमेश्‍वरया खुसि लखं जाः। छिं थथे थुकथं यानादी –

यर्मिया 2:19

छंगु थःगु हे मभिंगु ज्‍यां छन्‍त सजाँय बी अले छं जितः त्‍वःतूगुलिं छं थःत हे दोष बी। छं जि परमप्रभु थः परमेश्‍वरयात त्‍वःतूगु व जिगु भय छंके मदुगु छगू मभिंगु व म्‍हाइपूगु खँ खः धकाः सीकाति,” प्रभु, दक्‍व शक्ति दुम्‍ह परमप्रभुं धयादी।

यर्मिया 3:3

उकिं परमेश्‍वरं बसन्‍तया वा वयेगु दिकाब्‍यूगु दु, वा वइ मखु। अय्‌नं छंगु ख्‍वाः वेश्‍यायागु थें च्‍वं। छ लज्‍या चाये हे मसः।

अय्‍यूब 29:23

मनूतय्‌सं वा वइगु पियाच्‍वं थें जितः नं पियाच्‍वनीगु। बसन्‍तया इलय् वइगु वा थें इमिसं जिगु वचनयात त्‍वनीगु।

यर्मिया 10:13

वय्‌कलं न्‍ववानादीबलय् आकाशय् लः थ्‍वय्‌क हाली। पृथ्‍वीया कुन्‍चां वय्‌कलं सुपाँय् हयादी। वा वइबलय् वय्‌कलं हाबलासा त्‍वय्‌कादी अले थःगु धुकुतिं फय् वय्‌कादी।