यर्मिया 5:15 - नेवाः बाइबल

¹⁵ परमप्रभुं धयादी, “हे इस्राएल घराना, स्‍व, जिं थःम्‍हं हे यक्‍व तापाकं छिमित हमला यायेत छगू जातियात हयाच्‍वनागु दु। थ्‍व जाति बल्‍लाःगु व पुलांगु जाति खः। इमिगु भाय् छिमिसं सी मखु, इमिसं धाःगु खँ छिमिसं थुइ मखु।

यर्मिया 5:15 Referans Kwoze

व्‍यवस्‍था 28:49

तःधिकःम्‍ह इमा स्‍वात्त क्‍वय् कुहां वइगु थें हे परमप्रभुं छिमिगु विरोधय् तापाकं पृथ्‍वीयागु कुन्‍चानिसें छिमिसं मथूगु भाय् ल्‍हाइपिं छगू जाति हयादी।

यर्मिया 4:16

“ताताःपाःगु देशं शत्रुत वयाच्‍वंगु दु धकाः यरूशलेमयापिं मनूतय्‌त ‘व जाति जातितय्‌त ख्‍याच्‍वः बीत इपिं वःगु दु। थुपिं शत्रुत यहूदाया शहरया विरोधय् हाली।

यशैया 33:19

छिमिसं उपिं जिराहा मनूतय्‌त हाकनं खंके फइ मखु, गजबगु भाय् ल्‍हाइपिं उपिं मनूतय्‌त, सुयागु भाय् थुइ मखु।

यशैया 28:11

अथे खःसा परदेशीतय्‌गु म्‍हुतुं व मथूगु भाय् ल्‍हाइपिं मनूतय्‌गुपाखें परमप्रभु न्‍वंवानादी।

यशैया 5:26

परमप्रभुं तापाक्‍क च्‍वंपिं देशतय्‌त चिंया झण्‍डा ब्‍वय्‌काः आज्ञा बियाच्‍वनी। अले इमित पृथ्‍वीया कुंकुलामय् थ्‍यंक सुलुपुयाः सःतादी। अले इपिं यरूशलेमपाखे ब्‍वाँय् वइ।

यर्मिया 25:9

स्‍व, जिं थःम्‍हं हे उत्तरयापिं फुक्‍क मनूतय्‌त व जिम्‍ह दास बेबिलोनयाम्‍ह जुजु नबूकदनेसरयात सःताहये,” परमप्रभुं धयादी। “जिं इमित थ्‍व देश व थनच्‍वंपिं मनूतय्‌गु विरोधय् व जःखः च्‍वंगु जातिया विरोधय् हये। जिं इमित भज्‍यंक नाश यानाबी। मनूत इमित खनाः वातां जुइ, अले इमित हेस्‍याइ। उलि जक मखु, थ्‍व फुक्‍क देश सदां झिजांमिजां जुयाच्‍वनी।

यर्मिया 1:15

छाय्‌धाःसा जिं थःम्‍हं हे उत्तर पाखेया देश देशयापिं फुक्‍क मनूतय्‌त सःतेत्‍यनागु दु।” “इमि जुजुपिन्‍सं थथःगु सिंहासन यरूशलेमया ध्‍वाखा ध्‍वाखाय्, पःखाःया छचाःखेरं व यहूदाया फुक्‍क शहरया छचाःखेरं तइ। इमिसं थुकिया पःखाःत व यहूदाया मेमेगु शहरय् हमला याइ। परमप्रभुं धयादी।

१ कोरिन्‍थी 14:21

धर्मशास्‍त्रय् नं थथे च्‍वयातःगु दु – “मथूगु भाय् ल्‍हाइपिं मनूतय्‌गु म्‍हुतुं व परदेशीतय्‌गु म्‍हुतुं जिं थः मनूतनापं खँ ल्‍हाये। अय्‌नं इमिसं जिगु खँ न्‍यनी मखु।”

इजकिएल 18:31

छिमिसं यानाच्‍वनागु फुक्‍क अपराध त्‍वःति, न्‍हूगु नुगः व न्‍हूगु आत्‍मा का, अय् इस्राएलया घराना, छिपिं छाय् सीगु?

यर्मिया 9:26

थुपिं मनूत मिश्रीत, एदोमीत, अम्‍मोनीत, मोआबीत, मरुभूमिइ ताताःपाःगु थासय् च्‍वंपिं मनूत खः। जिं यहूदायापिं मनूतय्‌त तकं सजाँय बी। थुपिं विदेशी जातितय्‌के थें इस्राएलया घरानायाके नं चिं मतःगु नुगः दु।”

यर्मिया 6:22

परमप्रभुं थथे धयादी, “स्‍व, उत्तरय् लाःगु देशं छगू सेना वयाच्‍वंगु दु, पृथ्‍वीया तापाःगु थासं छगू बल्‍लाःगु जाति लडाइँया लागिं तयार जुयाच्‍वंगु दु।

यर्मिया 5:11

इस्राएलया घराना व यहूदाया घरानां जितः विश्‍वासघात यात,” परमप्रभुं धयादी।

यर्मिया 2:26

“गथे छम्‍ह खुँ ज्‍वनीबलय् लज्‍या चाइ, अथे हे इस्राएलया घराना, इमि जुजुपिं, हाकिमत, पुजाहारीत व अगमवक्तात लज्‍या चाइ।

यशैया 29:6

दक्‍व शक्ति दुम्‍ह परमप्रभु नँ न्‍याःगु सः, भुखाय्, तःधंगु सः, चाकः फय् व ग्‍वःफय्, नाश याइगु मिंनापं झायादी।

यशैया 29:3

जिं छंगु निंतिं चाकःछिं छाउनी दय्‌काबी अले जिं छन्‍त घेरय् याये अले जिं छंगु विरोधय् घेरय् यायेत धरहरा दय्‌के।

यशैया 5:7

दक्‍व शक्ति दुम्‍ह परमप्रभुया दाखक्‍यब ला इस्राएल जाति खः, यहूदाया मनूत धाःसा वय्‌कःयात यःगु क्‍यब खः। स्‍व, वय्‌कलं न्‍यायया आशा यानादिल, अय्‌नं स्‍याये पालीगु जक जुल। वय्‌कलं धार्मिकताया आशा यानादिल, अय्‌नं दुःखया ख्‍वःगु सः ताये दत।

दानिएल 7:7

“लिपा चान्‍हय् दर्शनय्, जिं प्‍यम्‍हम्‍ह जन्‍तु खना। व तसकं बल्‍लाः व ग्‍यानापुसे च्‍वं। वयागु नँयागु वां शिकारयात कुचा कुचा याइगु अले नइगु, ल्‍यं दुगुयात धाःसा वं तुतिं न्‍हुत्तुन्‍हुइगु। मेपिं स्‍वम्‍ह जन्‍तु स्‍वयाः व पाः, वयाके झिपु नेकू दु।

उत्‍पत्ति 11:7

कुहां वनेनु, अले झीसं इमिगु भाय्‌यात ल्‍वाकःबुकः याये। अले इमिसं थवंथवय् धाःगु खँ थुइ मखु।”

व्‍यवस्‍था 28:33

छिमिसं थाकुगु ज्‍या यानाः सयेकूगु अन्‍न बाली म्‍हमस्‍यूपिं मनूतय्‌सं लाकायंकी। छिमित धाःसा इमिसं न्‍ह्याबलें क्‍वत्‍यला हे तइ।

भजनसंग्रहया सफू 81:5

वय्‌कलं मिश्र देशय् हय्‌क्‍काः वंबलय् इस्राएलीतय्‌गु निंतिं थ्‍व नियम बियादीगु खः। जिं म्‍हमस्‍यूगु सलं थथे धयाच्‍वंगु ताल,

यशैया 39:3

अनंलि यशैया अगमवक्तां हिजकिया जुजुयाथाय् वनाः न्‍यन, “इपिं मनूतय्‌सं छु धयावन? इपिं गनं छिथाय् वःगु खः?” हिजकियां धाल, “इपिं ला तापाःगु देश बेबिलोनं वःगु खः।”

दानिएल 1:4

जुजु नबूकदनेसरं वयात धाल, “इपिं ल्‍याय्‌म्‍हपिं ख्‍वं मदुपिं, बांलाःपिं, फुक्‍क कथंया ज्ञान काये मास्‍तिवय्‌किपिं, फुक्‍क ज्ञान दुपिं, याकनं सय्‌के फुपिं व लाय्‌कुलिइ सेवा यायेबहःपिं जुइमाः। इमित बेबिलोनीतय् भाषा व साहित्‍य स्‍यँ।

आमोस 6:14

दक्‍व शक्ति दुम्‍ह परमप्रभु परमेश्‍वरं धयादी, “अय् इस्राएलया घराना, जिं छिमिगु विरोधय् छगू जातियात थने, व जातिं छिमित लेबो हमातंनिसें कयाः अराबाया बेसी तक हे तसकं दुःखकष्‍ट बी।”

हबकूक 3:16

थ्‍व खँ जिं न्‍यनाबलय् जिगु नुगः तसकं थुरथुर खात, थ्‍व खँ जिं न्‍यनाबलय् जिगु म्‍हुतुसि थुरथुर खात, जिगु क्‍वँय्‌त दुने दुने मर्कय् जुल, अले जिगु तुति फ्‍यारर खात। अय्‌जूसां जिमित हमला याः वइपिं जात जातितय्‌त वइगु दुःखया दिंयात जिं धैर्य यानाः पियाच्‍वने।