यर्मिया 49:39 - नेवाः बाइबल

³⁹ “अय्‌नं लिपा वइगु दिनय् जिं एलामयागु सुख शान्‍ति हाकनं लित हये,” परमप्रभुं धयादी।

यर्मिया 49:39 Referans Kwoze

यर्मिया 48:47

“अय्‌नं लिपा वइगु दिनय् जिं मोआबया सुख शान्‍ति हाकनं लित हये,” परमप्रभुं धयादी। मोआबया न्‍याय थन तक।

मीका 4:1

लिपांगु न्‍हिइ परमप्रभुया देगः पलिस्‍था यानातःगु पर्वत मेगु फुक्‍क पर्वत स्‍वयाः मू वंगु जुयाः थापं जुइ। व हिमालत स्‍वयाः तसकं तःजाः जुइ, अले मनूत अन मूंवइ।

आमोस 9:14

जिं थः मनू इस्राएलीतय्‌त ज्‍वना यंकूगु थासं लित हये। “भज्‍यंक नाश जुइ धुंकूगु शहरयात हाकनं इमिसं दय्‌कीतिनि, अले अन च्‍वनी। इमिसं दाखक्‍यबय् दाखमा पी अले दाखमद्य त्‍वनी। इमिसं क्‍यबय् फलया सिमात पी अले यक्‍व फलफुल नइ।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

दानिएल 10:14

छिमि जातियापिं मनूतय्‌त लिपा छु जुइ धइगु खँ छन्‍त थुइकेत जि वयागु दु। छाय्‌धाःसा थ्‍व दर्शन लिपाया ईया बारे खः।”

दानिएल 2:28

अय्‌नं स्‍वर्गय् च्‍वनादीम्‍ह परमेश्‍वरं सुलाच्‍वंगु खँ उलादी। वय्‌कलं हे लिपा छु जुइ व महाराजयात क्‍यनादीगु खः। छःपिं लासाय् द्यना च्‍वनादीबलय् खनादीगु म्‍हगस व दर्शन थुपिं हे खः –

इजकिएल 39:25

“उकिं परमप्रभु परमेश्‍वरं थथे धयादी – जिं याकूबया सुख व शान्‍ति हाकनं लित हयाबी, जिं इस्राएलयापिं फुक्‍कं मनूतय्‌त माया याये। जिं जिगु पवित्र नांया इज्‍जतयात रक्षा याये।

इजकिएल 38:16

गथे सुपाँचं जमिनयात त्‍वपुइ, अथे हे छं जिगु जाति इस्राएलया देशय् हमला याइ। उकिं हे गोग, लिपा वइगु इलय् जिं थःत छपाखें इमिगु मिखाया न्‍ह्यःने पवित्र क्‍यनीबलय् जातितय्‌सं जितः सीमा धकाः जिं छन्‍त जिगु देशया विरोधय् हये।

इजकिएल 29:14

अले इमिगु लसता व शान्‍ति नं लित हयाबी। अले जिं इमित इमि पुर्खातय्‌गु देश, दच्‍छिन मिश्रय् हये। अन इपिं छगू चिधंगु राज्‍य जुयाच्‍वनी।

यर्मिया 49:6

“अय्‌नं लिपा वइगु दिनय्, जिं अम्‍मोनीतय्‌गु सुख शान्‍ति हाकनं लित हये,” परमप्रभुं धयादी।

यशैया 2:2

लिपांगु दिनय् परमप्रभुया देगः पलिस्‍था यानातःगु पर्वत मेगु फुक्‍क पर्वत स्‍वयाः मू वंगु जुयाः थापं जुइ। व हिमालत स्‍वयाः तसकं तःजाः जुइ, अले फुक्‍क जातित अन मूंवइ।

अय्‍यूब 42:10

थुकथं अय्‍यूबं थः पासापिनिगु निंतिं प्रार्थना याये धुंकाः परमप्रभुं अय्‍यूबयागु दुःख चीकादिल। अय्‍यूबयाके न्‍हापा गुलि धन-सम्‍पत्ति दुगु खः उकिया निदुगं परमप्रभुं वयात बियादिल।

यर्मिया 12:15

तर इमित जिं लिनाकाये धुंकाः हाकनं जि लिहां वये अले इपिं सकसितं दया याये। जिं इमित इमि पुर्खाया देशय् लित हये।

यर्मिया 49:38

जिं एलामय् थःगु सिंहासन तये, अले वया जुजु व हाकिमतय्‌त नाश यानाबी,” परमप्रभुं धयादी।