यर्मिया 49:26 - नेवाः बाइबल

²⁶ अनयापिं ल्‍याय्‌म्‍हपिं मिजंपिन्‍त शहरया लँय् स्‍याइ अले उखुन्‍हु वया फुक्‍क सिपाइँत सुम्‍क च्‍वनी, दक्‍व शक्ति दुम्‍ह परमप्रभुं धयादी।

यर्मिया 49:26 Referans Kwoze

यर्मिया 50:30

उकिं वया ल्‍याय्‌म्‍हपिं मिजंतय्‌त वयागु लँय् स्‍याइ। वया सकलें सिपाइँत उखुन्‍हु सुम्‍क च्‍वनी,” परमप्रभुं धयादी।

आमोस 4:10

“जिं छिमिगु दथुइ मिश्र देशय् थें महामारी छ्वयाहया। जिं छिमि ल्‍याय्‌म्‍हपिं मनूतय्‌त छिमिसं लाका काःपिं सलतनापं लडाइँ­लय् स्‍याना, छिमि सीपिं मनूतय्‌गु सीम्‍ह तसकं नवयाच्‍वंगु दु, अथे जूसां छिपिं जिथाय् फहिला मवः,” परमप्रभुं धयादी।

यर्मिया 11:22

उकिं दक्‍व शक्ति दुम्‍ह परमप्रभुं इमिगु बारे थथे धयादी, “जिं थःम्‍हं हे इमित सजाँय बी, इमि ल्‍याय्‌म्‍हपिं तरवारं व इमि काय्‌म्‍ह्याय्‌पिं नये मखनाः सी।

इजकिएल 27:27

छंगु धनसम्‍पत्ति, छंगु व्‍यापारया मालताल, छंगु फुक्‍क माझीत व फुक्‍क जहाज चले याइपिं, जहाजया प्‍वाः तिनाबीपिं, छिमि व्‍यापारीत, जहाजयापिं फुक्‍क सिपाइँत व जहाजय् दुपिं छंगु जहाज स्‍यंगु दिनय् मेपिं सकलें समुद्रय् हे दुबय् जुइ।

विलाप 2:21

“ल्‍याय्‌म्‍ह व बुरातय्‌गु सीम्‍ह गल्‍लि गल्‍लिइ धुलय् अथें लानाच्‍वंगु दु। जिमि ल्‍यासेपिं व ल्‍याय्‌म्‍हपिं मनूतय्‌त तरवारं स्‍यानाः क्‍वथला तःगु दु। थःगु तंया दिनय् छिं छुं हे दयामाया मयासें इमित पालाः स्‍यानादीगु दु।

यर्मिया 9:21

छाय्‌धाःसा लँय् लँय् काय् म्‍ह्याय्‌पिन्‍त नाश यायेत व चुक चुकय् ल्‍याय्‌म्‍हपिन्‍त नाश यायेत मृत्‍यु झीगु झ्‍यालं, झीगु किल्‍लाय् दुने दुहां वःगु दु।