यर्मिया 49:2 - नेवाः बाइबल

² परमप्रभुं धयादी, “स्‍व! जिं अम्‍मोनीतय्‌गु रब्‍बा शहरया विरोधय् लडाइँया सः न्‍यंकेगु ई वयाच्‍वंगु दु। व छगू नाशया द्वँ जुइ, अले उकिया जःखः च्‍वंगु गांयात मिं भस्‍म याइ। उबलय् थःत लिनाः पितहःपिन्‍त इस्राएलीतय्‌सं लिनाछ्वइ,” परमप्रभुं धयादी।

यर्मिया 49:2 Referans Kwoze

यर्मिया 4:19

जिगु नुगः! जिगु नुगः! जिगु नुगः स्‍यानाः वाथा वाथा कनाच्‍वंगु दु। जि सुम्‍क च्‍वने मफु। जिं तुरहीया सः व लडाइँया सः ताःगु दु।

इजकिएल 21:20

छं अम्‍मोनीतय्‌गु रब्‍बा शहरय् तरवार वयेत छपु लँ व यहूदा अले किल्‍ला दुगु यरूशलेम शहरय् तरवार वयेत छपु लँ ल्‍य!

व्‍यवस्‍था 3:11

(रपाईतय् दकलय् लिपांम्‍ह मनू बाशानया जुजु ओग खः। वयागु नँयागु खाताया हाकः गुंगू कु अले ब्‍या प्‍यंगू कु दु। व खाता आः तक नं अम्‍मोनीतय्‌गु शहर रब्‍बाय् दनि।)

आमोस 1:14

जिं रब्‍बाया पखालय् मि तयाः छ्वय्‌काबी, उकिं वया किल्‍लात भज्‍यंक नाश याइ। व लडाइँया दिनय् तसकं हल्‍ला जुइ, अले तसकं तःच्‍वगु वाफय् वःगु दिनय् थें लडाइँ जुइ।

२ शमूएल 11:1

बसन्‍तया इलय् जुजुपिं लडाइँ यायेत पिहां वनेगु इलय् दाऊदं योआब व थः मेपिं कप्‍तानत व फुक्‍क इस्राएली सिपाइँतय्‌त लडाइँ यायेत छ्वल। इमिसं अम्‍मोनीतय्‌त नाश यानाबिल, अले रब्‍बा शहरयात घेरय् यात। दाऊद धाःसा यरूशलेमय् हे च्‍वन।

यर्मिया 49:1

अम्‍मोनीतय्‌गु बारे– परमप्रभुं थथे धयादी, “छु! इस्राएलया काय्‌पिं मदु ला? छु! वया सुं सर्बय काइम्‍ह मदु ला? छाय् मोलोखं गादया लागा कब्‍जा याःगु? छाय् वया थः मनूत गादय् च्‍वंवःगु?”

भजनसंग्रहया सफू 97:8

हे परमप्रभु, छिगु न्‍यायया कारणं सियोनयापिं मनूत लय्‌ताः, यहूदाया गांत लय्‌ताः।

भजनसंग्रहया सफू 48:11

सियोनयापिं मनूत लय्‌तायेमा! छिं यानादीगु न्‍यायया हुनिं यहूदाया फुक्‍क शहर लसतां जायेमा!

गन्‍ती 21:25

इस्राएलीतय्‌सं एमोरीतय्‌गु फुक्‍क शहर त्‍याका काल। इपिं एमोरीतय्‌गु फुक्‍क शहरय्, हेश्‍बोन व उकिया लिक्‍क लिक्‍क च्‍वंगु गामय् च्‍वन।

ओबदिया 1:19

नेगेवय् च्‍वंपिं मनूतय्‌सं एसावया डाँडा डाँडाय् अधिकार याइ, अले डाँडाया क्‍वय् क्‍वय्‌च्‍वंपिं मनूतय्‌सं पलिश्‍तीतय्‌गु देशय् अधिकार याइ। अले इमिसं सामरिया शहर व एफ्राइमया ल्‍यं दुगु लागाय् नं अधिकार याइ। अले बेन्‍यामीनं गिलादय् अधिकार याइ।

गन्‍ती 10:9

“छिमित क्‍वत्‍यलातःपिं शत्रुतलिसें छिमिगु थःगु देशय् लडाइँ याः वनीबलय् नं चिहाकलं छुमांया तुरही पु। अले छिमित परमप्रभु छिमि परमेश्‍वरं लुमंकाः छिमि शत्रुतपाखें बचय् यानादी।

व्‍यवस्‍था 13:16

अनयागु फुक्‍क मालसामान शहरया लाछिइ मुंकाः व शहर व मालसामानयात छ्वय्‌काब्‍यु। परमप्रभु छिमि परमेश्‍वरयागु निंतिं व होमबलि थें जुइ। व शहर न्‍ह्याबलेंया लागि भस्‍म जुया हे च्‍वनेमाः। उकियात हानं दय्‌के मते।

यहोशू 17:11

इस्‍साखार व आशेरया इलाकाय् दुने लाःगु बेथ-शान, यिबलाम, डोर (अथे धाइगु नापेत-डोर), एन्‍दोर, तानाक व मगिद्दो शहर व प्‍यखेरं च्‍वंगु बस्‍ती मनश्‍शेयात दत।

यहोशू 17:16

योसेफया सन्‍तानतय्‌सं लिसः बिल, “पहाडी देश जिमित मगाः। अले बेथ-शान व उकिया गांत अले यिजरेलयागु ब्‍यासिइ च्‍वनिपिं सकलें कनानीतय्‌के नँयागु रथ दु।”

यशैया 17:1

दमस्‍कसया विरोधय् अगमवाणी, “स्‍व, दमस्‍कस शहर दइ मखुत। व दुना वनाः तःजाःगु द्वँ जक जुइतिनि।

यशैया 11:14

इपिं पच्‍छिमपाखे पलिश्‍त देशया पहाडय् स्‍वात्त क्‍वहांवनि। इपिं मिलय् जुयाः पुर्बया मनूतय्‌त लुतय् याइ। इमिसं एदोम व मोआबय् ल्‍हाः तइ अले अम्‍मोनीत इमिगु अधीनय् वइ।

इजकिएल 21:25

“‘अय् इस्राएलयाम्‍ह अपवित्र व दुष्‍ट शासक, छंगु लिपांगु दिं व सजाँयया ई थ्‍यंकः वःगु दु।