यर्मिया 49:15 - नेवाः बाइबल

¹⁵ “स्‍व, जिं छन्‍त जाति जातिया दथुइ चिधं यानाबी। छन्‍त दक्‍वसिनं हेपे याइ।

यर्मिया 49:15 Referans Kwoze

लूका 1:51

वय्‌कलं थःगु ल्‍हाःयागु शक्ति क्‍यनादीगु दु। वय्‌कलं घमण्‍ड याइपिनिगु मनय् च्‍वंगु ग्‍वसाः फुक्‍कं स्‍यंकादीगु दु।

मीका 7:10

“जितः परमप्रभु छिमि परमेश्‍वर गन दु?” धकाः धाइम्‍ह जि शत्रु थ्‍व खनाः तसकं मछाली। अले जिगु मिखां व क्‍वःदःगु खनी। वयात गल्‍लि गल्‍लिइ ध्‍याचःयात थें न्‍हुत्तुन्‍हुइ।

ओबदिया 1:2

“स्‍व, एदोम, जिं छन्‍त जाति जातिया दथुइ चिधं यानाबी। छन्‍त दक्‍वसिनं हेपय् याइ।

भजनसंग्रहया सफू 53:5

थन इमित गुबलें हे मजूकथं ग्‍याःचिकुं भुनी। छाय्‌धाःसा परमेश्‍वरं थःमनूतय्‌गु विरोधय् घेराबियाच्‍वंपिनिगु क्‍वँय् उखेंथुखें ह्वलाबी। वय्‌कलं इमित मछालापुकाबी, छाय्‌धाःसा वय्‌कलं इमित त्‍वःतादी।

१ शमूएल 2:30

“अथे जुयाः इस्राएलया परमप्रभु परमेश्‍वरं धयादी, ‘छिमि पुर्खां व छिमि परिवारं न्‍ह्याबलें जिगु न्‍ह्यःने सेवा यायेमा धकाः धयागु खः। तर परमप्रभुं थथे धयादी, थथे जुइ हे मज्‍यूगु खः। जितः हनाबना याइपिन्‍त जिं हनाबना याये अले जितः हेला याइपिन्‍त जिं नं हेला याये।

यर्मिया 49:14

जिमिसं परमप्रभुपाखें थ्‍व बुखँ न्‍यनागु दु। छम्‍ह दूतयात जाति जातितय्‌थाय् थथे धाय्‌के छ्वःगु खः, “दँ, झीपिं वनापं लडाइँ याः वनेनु।”

यर्मिया 49:16

छं हःपाः ब्‍यूगु भय व छंगु नुगःया घमण्‍डं छन्‍त ध्‍वंलाःगु दु। हे ल्‍वहंधीया कापिचाय् च्‍वनीपिं, हे डाँडाया च्‍वका च्‍वकाय् ढुक्‍क जुयाः च्‍वनीपिं, तर छ इमा थें च्‍वय् च्‍वय् ब्‍वःसां, अले नगुतय्‌गु दथुइ छेँ दय्‌का च्‍वंसां अनं जिं छन्‍त बँय् कुर्काबी,” परमप्रभुं धयादी।