यर्मिया 49:12 - नेवाः बाइबल

¹² परमप्रभुं थथे धयादी, “ख्‍वलां त्‍वःने म्‍वाःपिन्‍सं नं वं त्‍वने हे माः धाःसा, छ सजाँय मफसें बचय् जुइ दइ ला? छन्‍त त्‍वःति मखु, छं धात्‍थें त्‍वने हे माली।

यर्मिया 49:12 Referans Kwoze

ओबदिया 1:16

गथे छं जिगु पवित्र पर्वतय् त्‍वन, अथे हे दक्‍व जातितय्‌सं त्‍वनातुं च्‍वनी। इमिसं सजाँयया ख्‍वलां त्‍वनां हे च्‍वनी, अले इतिहासं मदयावनी।

यर्मिया 46:27

“हे जिम्‍ह दास याकूब, छ ग्‍याये मते। हे इस्राएलयापिं मनूत, नुगः क्‍वतुंके मते। जिं थःम्‍हं हे छिमित तापाःगु देशं व छिमि सन्‍तानयात ज्‍वनाः यंकातःगु देशं त्‍वःतकाहये। याकूबया सन्‍तानतय्‌त हाकनं शान्‍ति व सुरक्षा दइ। सुनानं वयात ख्‍याये फइ मखु।

यर्मिया 30:11

परमप्रभुं धयादी, ‘जि छनापं दइ अले छन्‍त बचय् याये। जिं छन्‍त छु छु जातितय्‌थाय् छ्यालब्‍याल यानागु खः, जिं व फुक्‍क जातियात नाश यानाबी, अय्‌नं जिं छन्‍त भज्‍यंक नाश याये मखु। जिं छन्‍त सजाँय मब्‍यूसे त्‍वःते ला मखु अय्‌नं भिंकेबलय् खःकथं न्‍याय यानाः भिंके।’”

यर्मिया 25:15

परमप्रभु इस्राएलया परमेश्‍वरं जितः थथे धयादिल, “जिगु ल्‍हातं थ्‍व तंया दाखमद्यया ख्‍वला का, अले जिं छन्‍त गुगु गुगु जातियाथाय् छ्वये, उपिं फुक्‍क जातियात व त्‍वंकि।

हितोपदेश 17:5

चीमिपिन्‍त क्‍वह्यंकिपिन्‍सं इमित सृष्‍टि याःम्‍हय्‌सित हे क्‍वह्यंकूगु जुइ। मेपिनि मज्‍यूगुलिइ लय्‌ताइपिन्‍त सजाँय जुइ।

मत्ती 20:22

वय्‌कलं वया काय्‌पिन्‍त धयादिल, “छिमिसं छु फ्‍वनाच्‍वना धयागु थःपिन्‍सं हे मस्‍यू। छु जिं त्‍वनेत्‍यनागु दुःखयागु ख्‍वलां छिमिसं त्‍वने फु ला?” इमिसं “फु” धकाः लिसः बिल।