यर्मिया 49:1 - नेवाः बाइबल

¹ अम्‍मोनीतय्‌गु बारे– परमप्रभुं थथे धयादी, “छु! इस्राएलया काय्‌पिं मदु ला? छु! वया सुं सर्बय काइम्‍ह मदु ला? छाय् मोलोखं गादया लागा कब्‍जा याःगु? छाय् वया थः मनूत गादय् च्‍वंवःगु?”

यर्मिया 49:1 Referans Kwoze

व्‍यवस्‍था 23:3

अम्‍मोनी वा मोआबी परमप्रभुया मुँज्‍याय् दुहां वने दइ मखु। झिगू पुस्‍ता तक इमि सुं नं सन्‍तान परमप्रभुया मुँज्‍याय् दुहां वने दइ मखु।

यर्मिया 49:7

एदोमया बारे– दक्‍व शक्ति दुम्‍ह परमप्रभुं थथे धयादी, “छु! तेमानय् आः बुद्धि मन्‍त ला? छु! अनयापिं बुद्धिमानतय्‌गु सल्‍लाह नाश जुल ला? छु! इमिगु बुद्धि ध्‍वग्‍गिना वन ला?

यर्मिया 25:21

एदोम, मोआब व अम्‍मोनयात,

२ इतिहास 20:1

छुं ई लिपा मोआबीत व अम्‍मोनीत छुं सेनाया कप्‍तानतनापं मिलय् जुयाः यहोशापातलिसें लडाइँ यायेत वल।

यर्मिया 49:28

बेबिलोनया जुजु नबूकदनेसरं त्‍याकूगु केदार व हासोरया राज्‍यतय्‌गु बारे – परमप्रभुं थथे धयादी, “केदारय् हमला या, अले पुर्बयापिं मनूतय्‌त नाश या!

यर्मिया 49:23

दमस्‍कसया बारे, “हमात व अर्पाद अलमल जूगु दु, छाय्‌धाःसा इमिसं मभिंगु खबर न्‍यंगु दु। ग्‍यानाः इमिगु नुगः क्‍वतुंगु दु। शान्‍त जुइ मफइगु समुद्र थें इमिगु नुगः इतिमिति कंगु दु।

यर्मिया 48:1

मोआबया बारे – दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “धिक्‍कार दु नेबोयात, छाय्‌धाःसा व नाश जुइ, किर्यातैमया बेइज्‍जत जुइ अले उकियात त्‍याकाकाइ, किल्‍लाया बेइज्‍जत जुइ अले व चुंचुं जुइ।

यर्मिया 27:3

अले यरूशलेमय् यहूदाया जुजु सिदकियाहयाथाय् वःपिं दूततय्‌गु ल्‍हातं एदोम, मोआब, टुरोस व सीदोनया जुजुपिन्‍थाय् खबर छ्व।

यर्मिया 25:9

स्‍व, जिं थःम्‍हं हे उत्तरयापिं फुक्‍क मनूतय्‌त व जिम्‍ह दास बेबिलोनयाम्‍ह जुजु नबूकदनेसरयात सःताहये,” परमप्रभुं धयादी। “जिं इमित थ्‍व देश व थनच्‍वंपिं मनूतय्‌गु विरोधय् व जःखः च्‍वंगु जातिया विरोधय् हये। जिं इमित भज्‍यंक नाश यानाबी। मनूत इमित खनाः वातां जुइ, अले इमित हेस्‍याइ। उलि जक मखु, थ्‍व फुक्‍क देश सदां झिजांमिजां जुयाच्‍वनी।

भजनसंग्रहया सफू 83:7

गबाली, अम्‍मोनी, अमालेकी, पलिश्‍ती व टुरोसयापिं मनूत खः।

भजनसंग्रहया सफू 9:6

जिमि शत्रुत सदांया निंतिं नाश जुइ धुंकल। छिं इमिगु शहर नं नाश यानादी धुंकल। आः इमिगु नां तक हे मल्‍यने धुंकल।

नहेम्‍याह 4:7

अय्‌नं सन्‍बलत, तोबिया, अरबीत, अम्‍मोनीत व अश्‍दोदीतय्‌सं यरूशलेमया पखाः दय्‌काः व पखाःया फुक्‍क खालि थाय् तिनाच्‍वंगु दु धयागु खँ न्‍यनाः इपिं तसक्‍कं तंचाल।

नहेम्‍याह 2:19

थ्‍व खँ न्‍यनाः होरोनी सन्‍बलत, अम्‍मोनी हाकिम तोबिया व अरबी गेशेमं जिमित गिजय् यात, अले जिमित क्‍वह्यंकाः थथे धाल, “थ्‍व छिमिसं छु यानाच्‍वनागु? छु छिमिसं जुजुलिसें विद्रोह यायेगु ला?”

२ इतिहास 20:23

अम्‍मोनीत व मोआबीतय्‌सं सेइर पर्वतयापिं मनूतय्‌त हमला यानाः इमित भज्‍यंक नाश यानाबिल। सेइरयापिं मनूतय्‌त स्‍यायेधुंकाः इमिसं थःथवय् हे छम्‍हय्‌सिनं मेम्‍हय्‌सित हमला यात।

२ राजा 24:2

परमप्रभुं यहोयाकीमलिसें ल्‍वायेत व यहूदायात नाश यायेत बेबिलोनी, अरामी, मोआबी व अम्‍मोनीतय् लुतपात याइगु पुचः छ्वयाहल। थ्‍व परमप्रभुं थः दास अगमवक्तातपाखें धयादीगु वचनकथं जुल।

२ राजा 10:33

यर्दनया पुर्बपाखेया गिलादया फुक्‍क इलाका (गाद, रूबेन, मनश्‍शेया देश) दच्‍छिनय् अर्नोन खुसि सिथया अरोएर शहरंनिसें उत्तरय् गिलाद व बाशान तक।

व्‍यवस्‍था 2:19

छिपिं अम्‍मोनीतय् सिमानाय् थ्‍यनीबलय् इमित दुःख बी मते। इमित ल्‍वायेत ग्‍वाके मते छाय्‌धाःसा जिं छिमित अम्‍मोनीतय्‌गु देशयागु छुं नं अंश अधिकारया निंतिं बी मखु। जिं व देशयात लोतया सन्‍तानयागु अधिकारय् बियागु दु।”

उत्‍पत्ति 19:38

चिधीम्‍ह म्‍ह्याय्‌या नं काय् बुल। वं वयागु नां बेन-अमी तल। व थौंकन्‍हय्‌यापिं अम्‍मोनीतय् पुर्खा खः।

गन्‍ती 1:24

गादया सन्‍तानपाखें – निइदँ व वस्‍वयां च्‍वय्‌यापिं लडाइँलय् वनेफुपिं फुक्‍क मिजंतय्‌गु नां इमिगु वंश व परिवारकथं धलखय् च्‍वल।

व्‍यवस्‍था 23:4

छिपिं मिश्रं वःबलय् इमिसं मरि व लः ज्‍वनाः लँय् छिमित नापलाः मवः। अले इमिसं अराम-नाहारैमया पतोरय् च्‍वनीम्‍ह बओरया काय् बालामयात छिमित सराः बीत धिबा बियाः सःतल।

यर्मिया 12:14

परमप्रभुं थथे धयादी, “जि थः प्रजा इस्राएलयात अधिकार यायेत बियागु देश कब्‍जा याःपिं जिम्‍ह दुष्‍ट जःलाखःलातय्‌त जिं थम्‍हं हे सिमायात थें लिनाकयाः इमिगु देशं पितिनाछ्वये। यहूदाया घरानायात नं जिं इमिगु दथुं लिनाकाये।

सपन्‍याह 1:5

छेँयागु कःसि च्‍वनाः नगुत पुज्‍याइपिन्‍त, क्‍वछुनाः परमप्रभुया नामं पाफया नं मोलोखया नामं नं पाफइपिन्‍त,

इजकिएल 21:25

“‘अय् इस्राएलयाम्‍ह अपवित्र व दुष्‍ट शासक, छंगु लिपांगु दिं व सजाँयया ई थ्‍यंकः वःगु दु।

इजकिएल 25:1

परमप्रभुयागु थ्‍व वचन जिथाय् वल,