यर्मिया 48:3 - नेवाः बाइबल

³ होरोनैमं चिल्‍लाय् दनाः हाःगु सः न्‍यँ! नाश व तःधंगु दुःखया सः ताये दयाच्‍वंगु दु।

यर्मिया 48:3 Referans Kwoze

यशैया 15:5

जिगु नुगः मोआबया निंतिं ख्‍वइ। अन च्‍वंपिं बिस्‍युं वनाः सोअर तक अले एग्‍लत-शलीशियाय् तक थ्‍यंकः वन। गुलिं ख्‍वख्‍वं लूहीतपाखे थाहां वनीगु लँय् वन। होरानैमया लँय् इमिसं थःपिनिगु नाश जूगुया निंतिं बिलाप यात।

यर्मिया 48:34

“हेश्‍बोनं इपिं ख्‍वःगु सः एलाले व यहश तक हे थ्‍यंगु दु, सोअरंनिसें होरोनैम व एग्‍लत-शलीशियाह तक हे, छाय्‌धाःसा निम्रीमया लः नं सुनावने धुंकल।

यर्मिया 48:5

इपिं लूहीत थाहां वनीगु लँय् ख्‍वख्‍वं थाहां वनी। होरोनैमपाखे क्‍वहां वनीगु लँय् चिल्‍लाय् दनाः ख्‍वःगु सः न्‍यंगु दु।

यर्मिया 47:2

परमप्रभुं थथे धयादी, “स्‍व! उत्तरपाखे लः थाहां वयाच्‍वंगु दु। व बाः वयाच्‍वंगु लःधाः थें जुइ। वं देश व उकी दुगु फुक्‍कयात त्‍वपुयाबी, शहर व अन दुपिं सकसितं त्‍वपुयाबी। ब्‍वाँय् वनीपिं बल्‍लाःपिं सलतय्‌गु तुतिया ख्‍वःया सः, शत्रुतय्‌गु रथत तसकं ब्‍वाँय् वंगु घःचाःया सः न्‍यनाः मनूत चिल्‍लाय् दनाः हाली, अले देशय् च्‍वंपिं सकलें ख्‍वइ। अबुपिन्‍सं थःकाय् म्‍ह्याय्‌पिन्‍त ग्‍वाहालि बी मखु। इमिगु ल्‍हाः याग्‍लाप्‍याग्‍ला जुइ।

यशैया 22:4

अथे जुयाः जिं धया, “जिपाखें फःहिला हुँ! जितः ह्वाँय्‌ह्वाँय् ख्‍वये ब्‍यु, जिमि प्रजाया नाशया कारणं जितः ह्यय्‌केगु कुतः याये मते।”

यशैया 15:8

इमिगु दुःखया थ्‍वःसः मोआबया सिमानाय् तक हे थ्‍यंगु दु, इमिगु ख्‍वःसः सोर एग्‍लैम तक व इमिगु बिलाप बेअर-एलीम तक हे थ्‍यंगु दु।

यशैया 15:2

दीबोन ख्‍वयेत देगलय् अले अन च्‍वंगु पुजा यायेगु थासय् थाहां वन। नेबो व मेदबाया निंतिं मोआब ह्वाँय्‌ह्वाँय् ख्‍वल। फुक्‍क सँ खाःगु दु, अले फुक्‍क दाह्री खाःगु दु।

यर्मिया 20:16

व मनू परमप्रभुं दया मयासें नाश यानादीगु शहरत थें जुइमा। वं सुथय् नुगः चेचेतुंक ख्‍वःगु सः व न्‍हिनय् लडाइँया हाःसः न्‍यने मालेमा।

यर्मिया 48:4

मोआब नाश जुइ, वया मस्‍त तःसलं ख्‍वइ।

यर्मिया 51:54

“बेबिलोनं चिल्‍लाय् दनाः हाःगु सः वइ। बेबिलोनीतय्‌गु देशं ख्‍वःसः पिहां वइ, छगू तःधंगु विनाशया सः।