यर्मिया 48:29 - नेवाः बाइबल

²⁹ “मोआब गुलि तःधं जुइमाःम्‍ह खः धयागु खँ जिमिसं न्‍यनागु दु। व तसकं तःधं जुइमाःम्‍ह खः। वयागु फुँइ व नुगःया तःधंछुया बारे जिमिसं न्‍यनागु दु।

यर्मिया 48:29 Referans Kwoze

यशैया 16:6

मोआबया घमण्‍डया बारे जिमिसं न्‍यनागु दु, इपिं गुलि तःधंसू व फुइँ यायेमाःपिं खः धकाः नं जिमिसं स्‍यू तर इमिगु व फुक्‍क फुइँ व्‍यर्थ खः।

भजनसंग्रहया सफू 138:6

परमप्रभु तःधंम्‍ह जूसां वय्‌कलं क्‍वत्‍यका च्‍वनेमाःपिन्‍त स्‍वयादी। तःधंछुया जुइपिन्‍त धाःसा वय्‌कलं तापाक्‍कं हे म्‍हस्‍यू।

याकूब 4:6

परमेश्‍वरं अज्‍ज यक्‍व दया माया यानादी। धर्मशास्‍त्रय् थथे च्‍वयातःगु दु – “परमेश्‍वरयात तःधंछुया जुइपिं मनूत मयः। चिधंछुया जुइपिं मनूतय्‌त धाःसा वय्‌कलं यक्‍व दया माया यानादी।”

लूका 14:11

सुनां थःत थःम्‍हं तःधंकी व चिधनी। अले सुनां थःत थःम्‍हं चिधं ताय्‌की व तःधनी।”

दानिएल 4:37

आः जि, नबूकदनेसरं, स्‍वर्गयाम्‍ह जुजुयात तःधंके, वय्‌कःयात तःधंके, अले हनाबना याये छाय्‌धाःसा वय्‌कलं यानादीगु फुक्‍क खँ पाय्‌छि जू व वय्‌कःया फुक्‍क लँपु न्‍यायलं जाः। तःधंछु जुया जुइपिन्‍त वय्‌कलं क्‍वमिलु यानादी फु।

हितोपदेश 30:13

छथ्‍वः मनूत थज्‍याःपिं दु, इमिगु मिखा घमण्‍डं जायाच्‍वनी, इमिसं थःपिन्‍त तसकं भिंपिं ताय्‌काजुइ।

हितोपदेश 18:12

क्‍वमिलुपिन्‍त हनाबना तइ। घमण्‍डीत विनाशपाखे न्‍ह्यांवनाच्‍वनी।

हितोपदेश 8:13

परमप्रभुया भय कायेगु धयागु मभिंगु मयय्‌केगु खः। जितः घमण्‍ड याइपिं, तःधंछुइपिं, मभिंगु लँय् जुइपिं व निता भाय् ल्‍हानाजुइपिं मनूत मयः।

हितोपदेश 21:24

तःधंछुया जुइम्‍ह व फुइँ यानाजुइम्‍ह मनूया नां “हेस्‍याइम्‍ह” खः, वं तःधंछुया व्‍यवहार याइ।

यशैया 13:11

परमप्रभुं धयादी, “जिं संसारय् विपत्ति हये, अले फुक्‍क मभिंपिं मनूतय्‌त सजाँय बी। तःधंछुया जूपिनिगु तःधंसू जिं मदय्‌काछ्वये। दया मदुपिनिगु घमण्‍डयात क्‍वमिलु यानाबी।