यर्मिया 48:28 - नेवाः बाइबल

²⁸ हे मोआबय् च्‍वंपिं, छिपिं थथःगु शहरत त्‍वःताः ल्‍वहंधिकय् च्‍वंहुँ! छिपिं गुफाया त्‍वाःया लिक्‍क स्‍वँ दय्‌कीपिं सुकुभत्तु थें जु!

यर्मिया 48:28 Referans Kwoze

श्रेष्‍ठगीत 2:14

छ पहाडया कापि व तग्‍वःगु ल्‍वहंया पाःचाय् च्‍वनीम्‍ह सुकुभत्तु थें च्‍वँ, छंगु ख्‍वाः जितः क्‍यं, छंगु सः न्‍यने दयेमा, छाय्‌धाःसा छंगु सः तसकं न्‍यने यइपुसे च्‍वं व छंगु ख्‍वाः तसकं बांलाः।

न्‍यायकर्ता 6:2

मिद्यानीत इस्राएलीत स्‍वयाः बल्‍लानावन। मिद्यानीतय्‌सं यानाः इस्राएलीत पहाडया कापिचा, गुफात व झतांगालय् सुला च्‍वंवन।

यर्मिया 49:16

छं हःपाः ब्‍यूगु भय व छंगु नुगःया घमण्‍डं छन्‍त ध्‍वंलाःगु दु। हे ल्‍वहंधीया कापिचाय् च्‍वनीपिं, हे डाँडाया च्‍वका च्‍वकाय् ढुक्‍क जुयाः च्‍वनीपिं, तर छ इमा थें च्‍वय् च्‍वय् ब्‍वःसां, अले नगुतय्‌गु दथुइ छेँ दय्‌का च्‍वंसां अनं जिं छन्‍त बँय् कुर्काबी,” परमप्रभुं धयादी।

यर्मिया 48:9

मोआबय् चि ह्वलाब्‍यु, छाय्‌धाःसा व तहसनहस जुइ, उकिया शहरत सुं नं मनू मदय्‌क सुनसान जुइ।

यशैया 2:19

परमप्रभुं पृथ्‍वीइ ग्‍यानापुगु छ्वया हयादीबलय् परमप्रभुया दण्‍डपाखें बचय् जुइत व वय्‌कःया महिमा व तःजिगु शक्तिपाखें सुपिलेत इपिं तग्‍वःगु ल्‍वहंया गुफाय् व जमिनया प्‍वालय् दुहांवनी।

१ शमूएल 13:6

इस्राएलीत तसकं संकष्‍टय् लात, छाय्‌धाःसा इपिं शत्रुतपाखें आपतय् लाःगु खः। अथे जुयाः इपिं गुफाय्, झालय् व लःकुथिइ, ल्‍वहं कापिचाय्‌ व तुंथिइ सुचुवन।

उत्‍पत्ति 8:12

वं हाकनं मेगु न्‍हय्‌न्‍हु पिल। अले हाकनं सुकुभत्तुयात ब्‍वय्‌काछ्वत। थुबलय् धाःसा सुकुभत्तु लिहां मवल।

यर्मिया 49:8

हे ददानय् च्‍वंपिं, फहिलाः बिस्‍युं हुँ, तज्‍जाःगु गुफाय् सुला च्‍वँ, छाय्‌धाःसा एसावयात सजाँय बीगु इलय् जिं वयाके विपत्ति हये।