यर्मिया 48:26 - नेवाः बाइबल

²⁶ “मोआबयात कय्‌कि, छाय्‌धाःसा वं परमप्रभुया विरोध याःगु दु। मोआब थःम्‍हं ल्‍ह्वःगुलिइ हे ग्‍वारा ग्‍वारा तुलेमा। मनूतय्‌सं वयात हेस्‍याय्‌मा।

यर्मिया 48:26 Referans Kwoze

यर्मिया 51:39

इपिं दने धुंकाः जिं इमिगु निंतिं छगू भ्‍वय् तयार याये। अले इमित काय्‌के, अले इपिं न्‍हिलाः चिल्‍लाय् दनाः हाली अले सदांयात द्यनी। इपिं गुबलें दनी मखु,” परमप्रभुं धयादी।

यर्मिया 48:42

मोआबयात नाश याइ, व हाकनं छगू राज्‍य जुयाच्‍वनी मखु, छाय्‌धाःसा वं परमप्रभुयागु विरोध यात।

यशैया 29:9

अजू चा अले छक्‍क जु, मिखां मखनाः कां जु। त्‍वना हे जु तर दाखमद्यं मखु, धेधेचू तर अय्‌लाखं मखु।

यशैया 19:14

परमप्रभुं इमित अलमल जुइगु आत्‍मा तयाः ब्‍यूगु दु। अय्‌लाःगुलुत थःम्‍हं ल्‍ह्वःथाय् धेधेचुयाजू थें इमिसं मिश्र देशया मनूतय्‌त थःपिन्‍सं यानागु ज्‍यां अलमल यानातःगु दु।

दानिएल 5:23

उकिया पलेसा छःपिन्‍सं स्‍वर्गयाम्‍ह प्रभुयागु विरोधय् ज्‍या यानादिल। वय्‌कःया देगलं हःगु थलबलत थन हयादिल। अले छःपिं व भारदारत, छःपिनि कलाःपिं व मथ्‍याःपिं कलाःपिन्‍सं उपिं ख्‍वल्‍चां दाखमद्य त्‍वनादिल। अले छःपिन्‍सं लुँ, वहः, कँय्, नँ, सिँ व ल्‍वहँतं दय्‌कूपिं द्यःतय्‌त च्‍वछाल। उपिं द्यःत न्‍यनेफुपिं नं मखु, खंके फुपिं नं मखु, अले छुं स्‍यूपिं नं मखु। परमेश्‍वरया ल्‍हातय् हे छःपिनिगु प्राण व फुक्‍क लँपु दुसां वय्‌कःयात हनाबना यानामदी।

विलाप 4:21

हे ऊजय् च्‍वंम्‍ह म्‍ह्याय् एदोम, लसता हँ! अले न्‍ह्यइपुकि, तर व ख्‍वल्‍चा छन्‍त नं बी। छन्‍त लगय् जुइ, अले छन्‍त नाङ्‌गा याइ।

यर्मिया 51:7

बेबिलोन परमप्रभुया ल्‍हातय् लुँयागु ख्‍वला जूगु खः, वं फुक्‍क पृथ्‍वीयात दाखमद्यं काय्‌कल। जाति जातितय्‌सं वयागु दाखमद्य त्‍वन, उकिं इपिं वें थें जुल।

यर्मिया 48:39

“व गज्‍याःगु कुचा कुचा जूगु दु, इपिं गपाय्‌सकं ख्‍वयाच्‍वंगु दु। मोआब लज्‍या चाःगु दु व ध्‍वस्‍त जूगु दु, अले वया प्‍यखेरं च्‍वंपिं जातितय्‌सं वयात हेस्‍याइगु अले व खनाः वातां जुइ।”

प्रस्‍थान 5:2

फारोनं धाल, “परमप्रभु सु खः? जिं छाय् वयागु खँ न्‍यनाः इस्राएलीतय्‌त वने बीगु? जिं परमप्रभुयात म्‍हमस्‍यू अले इस्राएलीतय्‌त नं वनेबी मखु।”

प्रकाश 16:19

तःधंगु शहर स्‍वकू दला वन। देश देशय् च्‍वंगु शहर फुक्‍कं दुनावन। अले परमेश्‍वरं तःधंगु बेबिलोन शहरयात लुमंकादिल। अले वय्‌कःयागु ग्‍यानापुसे च्‍वंगु तंयागु ख्‍वल्‍चा वयात त्‍वनेत बियादिल।

२ थेसलोनिकी 2:4

वं थथःम्‍हं तःधं जुयाः मनूतय्‌सं परमेश्‍वर धयाच्‍वंगु व पुजा यानाच्‍वंगु फुक्‍कयात क्‍वह्यंकी। थःम्‍हं थःत परमेश्‍वर धयाः व परमेश्‍वरया देगलय् च्‍वंवनी।

हबकूक 2:16

थथे याइम्‍हय्‌सित मान व इज्‍जतया थासय् मछालापूं जाइ। आः छंगु पा वःगु दु! छं नं मद्य त्‍वँ अले छंगु नांगांसू खनेदयेमा! परमप्रभुया जःपा ल्‍हाःया ख्‍वला छन्‍थाय् वःगु दु, अले छंगु मान व इज्‍जत मछासुं त्‍वःपुइ।

नहूम 3:11

अय् निनवे! छ नं अय्‌लाःगुलुत थें जुइ, छ नं सुलाच्‍वनी, अले शत्रुतपाखें बिस्‍युं वनेत छं शरण कायेगु थाय् माली।

दानिएल 11:36

“व जुजुं थः यःथें यानाः थःत फुक्‍क द्यःत स्‍वयाः तःधंकी अले द्यःतय् नं परमेश्‍वरयात म्‍हुतु वाइ। परमेश्‍वरया तं क्‍वमलाःतले व ताःलाइ, छाय्‌धाःसा छु क्‍वःछ्यूगु खः व पूवने हे माः।

विलाप 3:15

वय्‌कलं जितः खायुगु वासलं जाय्‌कादिल, अले पित्त त्‍वंकादिल।

विलाप 1:21

“मनूतय्‌सं जिगु झसुकाः न्‍यंगु दु, अय्‌नं जितः ह्ययेकीपिं सुं हे मदु। जिमि दक्‍व शत्रुतय्‌सं जिगु दुःखकष्‍टया खँ न्‍यंगु दु। छिं थथे यानादीगुलिं इपिं लय्‌ताःगु दु। छिं धयादीगु दिं हयादिसँ, गुकिं यानाः इपिं नं जि थें जुइमा।

यर्मिया 51:57

जिं इमि हाकिमत, अले बुद्धि दुपिं मनूतय्‌त काय्‌काबी, वया बडा-हाकिमत, हाकिमत व सिपाइँतय्‌त नं। इपिं न्‍ह्याबलेंया निंतिं द्यनी अले दनी मखु,” परमप्रभुं धयादी गुम्‍हय्‌सिगु नां दक्‍व शक्ति दुम्‍ह परमप्रभु खः।

यशैया 63:6

तमं जिं जाति जातितय्‌त न्‍हुत्तुन्‍हुया। जिगु तमं इमित काय्‌का बिया, अले जिं इमिगु जीवनया हि बँय् प्‍वंकाबिया।”

यशैया 51:17

अय् यरूशलेम, दनाः वा, छ गुम्‍हय्‌सिनं परमप्रभुया ल्‍हाःपाखें वय्‌कःया तंया ख्‍वलां त्‍वंगु दु, अले धेधेचुइकीगु ख्‍वलापाखें सुचुक्‍क त्‍वंगु दु, न्‍ह्यलं चाय्‌कि, न्‍ह्यलं चाय्‌कि!

यशैया 10:15

छु पां वयात छ्यलीम्‍ह मनू स्‍वयाः थःत तःधं याये फइ ला? छु कःतिं थःत छ्यलीम्‍ह स्‍वयाः थःत तःधं याये फइ ला? धाय्‌की तुतां छ्यलीम्‍हय्‌सित तुतांम्‍ह हे छ्यःगु थें अथवा गुगु सिँ मखु उकियात सिँयागु मुगःचां ल्‍ह्वंगु थें।

भजनसंग्रहया सफू 75:8

परमप्रभुया ल्‍हातिइ ख्‍वला दु, थ्‍व ख्‍वला वय्‌कःया तमं जाः। वय्‌कलं थ्‍व हे ख्‍वलां त्‍वंकादी। दुष्‍टत फुक्‍कसिनं थ्‍व हे ख्‍वलां त्‍वनी, भ्‍याःभचा हे मल्‍यंक।

भजनसंग्रहया सफू 60:3

छिं थः मनूतय्‌त तःधंगु दुःखकष्‍ट बियादिल अले जिमित अय्‌लाःगुलुत थें लिगिलिगि संकाबिल।

भजनसंग्रहया सफू 59:8

तर हे परमप्रभु! छि इपिं खनाः न्‍हिलादी। अले अज्‍याःपिं फुक्‍कसित हिस्‍यानादी।

भजनसंग्रहया सफू 2:4

स्‍वर्गय् सिंहासनय् च्‍वंम्‍ह न्‍हिलादी, परमप्रभुं इमित च्‍यूताः तकं तइ मखु।

अय्‍यूब 9:4

वय्‌कः ज्ञान दुम्‍ह खः। वय्‌कः बल दुम्‍ह खः। वय्‌कःया विरोधय् जिद्दी यानाः सु बचय् जुइ फत?

प्रस्‍थान 9:17

छं आः तक नं तःधंछुयाः जिमि मनूतय्‌त वने ब्‍यूगु मखु।

यशैया 28:8

इमिगु फुक्‍कं टेबिलत ल्‍ह्वयातःगुलिं जाः अले छगू नं सफागु टेबिल मदु।

दानिएल 8:10

व थुलि बल्‍लात कि वं स्‍वर्गया सेना व नगुतय्‌त हमला यात। अले नगुयात पृथ्‍वीइ क्‍वफानाः तुतिं न्‍हुत्तुन्‍हुल।

अय्‍यूब 15:25

छाय्‌धाःसा इमिसं परमेश्‍वरया विरोधय् इमिगु ल्‍हाः ल्‍ह्वंगु दु, अले दक्‍व शक्ति दुम्‍ह परमेश्‍वरयागु विरोधय् इमिसं फुइँ याःगु दु।

यर्मिया 50:29

“धनुष वाणं कय्‌किपिं सकलें मनूतय्‌त बेबिलोनया विरोधय् सःता हजि। वया प्‍यखेरं छाउनी तयाः घेरय् या, सुं नं बिस्‍युं वने मफयेमा। वयागु ज्‍या स्‍वयाः वयात बदला ब्‍यु! वं गथे याःगु दु, वयात अथे हे या! छाय्‌धाःसा वं इस्राएलया पवित्र परमेश्‍वरयात मभिंका खँ ल्‍हाःगु दु।