यर्मिया 48:14 - नेवाः बाइबल

¹⁴ “छिमिसं गय् यानाः धाये फुगु? ‘जिपिं बहादुर व बल्‍लाःपिं सिपाइँत खः धकाः।’

यर्मिया 48:14 Referans Kwoze

भजनसंग्रहया सफू 33:16

सुं नं जुजु बल्‍लाःपिं सिपाइँत दयेवं जक त्‍याइ मखु। अले सुं नं सिपाइँनं थःगु बलं जक त्‍याकेफइ मखु।

यशैया 10:16

अथे जुयाः प्रभु, परमप्रभु दक्‍व शक्ति दुम्‍ह परमप्रभुं वया तसकं बल्‍लाःपिं सिपाइँतय् दथुइ नाश यायेत ल्‍वय् छ्वयाहयादी, अले वयागु गौरवयात तसकं च्‍याःगु मिं छ्वय्‌कादी।

यशैया 10:13

छाय्‌धाःसा वं धाइ, “‘जिगु ल्‍हाःया बलं व जिगु हे बुद्धिया कारणं थ्‍व यानागु खः, छाय्‌धाःसा जिके दुग्‍यां दु। जिं देश देशया सिमानात मदय्‌का छ्वयागु दु अले इमिगु धुकूत लुतय् याना हयागु दु। जि छम्‍ह तसकं बल्‍लाःम्‍ह मनुखं थें इमि जुजुयात क्‍वत्‍यलागु दु।

सपन्‍याह 2:10

इमिगु घमण्‍डया हुनिं इमित थथे हे जुइतिनि छाय्‌धाःसा इमिसं दक्‍व शक्ति दुम्‍ह परमप्रभुया प्रजायात हेपे याःगु दु अले हेस्‍याःगु दु।

इजकिएल 30:6

“‘परमप्रभुं थथे धयादी, “‘मिश्र देशनापं मिलय् जूपिं पतन जुइ, मिश्रीतय्‌सं घमण्‍ड याइगु शक्ति पतन जुइ। वया उत्तरय् मिग्‍दोलंनिसें दच्‍छिनय् आश्‍वान तक च्‍वंपिं मनूतय्‌त तरवारं स्‍याइ।’” जि, परमप्रभु परमेश्‍वर न्‍ववानागु दु।

यर्मिया 49:16

छं हःपाः ब्‍यूगु भय व छंगु नुगःया घमण्‍डं छन्‍त ध्‍वंलाःगु दु। हे ल्‍वहंधीया कापिचाय् च्‍वनीपिं, हे डाँडाया च्‍वका च्‍वकाय् ढुक्‍क जुयाः च्‍वनीपिं, तर छ इमा थें च्‍वय् च्‍वय् ब्‍वःसां, अले नगुतय्‌गु दथुइ छेँ दय्‌का च्‍वंसां अनं जिं छन्‍त बँय् कुर्काबी,” परमप्रभुं धयादी।

यर्मिया 9:23

परमप्रभुं थथे धयादी, “बुद्धि दुपिन्‍सं थःगु बुद्धियागु खँय् तःधंछुइ मते, बल्‍लाःपिन्‍सं थःगु बलयागु खँय् तःधंछुइ मते, तःमितय्‌सं थःगु धनयागु खँय् तःधंछुइ मते!

यर्मिया 8:8

“‘छिमिसं गथे यानाः धाये फइ, “जिपिं बुद्धिमान खः, अले परमप्रभुयागु व्‍यवस्‍था जिमिके दु?” तर स्‍व, शास्‍त्रीतय्‌गु फताहा कलमं उकियात फताहा दय्‌कूगु दु।

यशैया 16:6

मोआबया घमण्‍डया बारे जिमिसं न्‍यनागु दु, इपिं गुलि तःधंसू व फुइँ यायेमाःपिं खः धकाः नं जिमिसं स्‍यू तर इमिगु व फुक्‍क फुइँ व्‍यर्थ खः।

उपदेशक 9:11

थ्‍व संसारय् मेगु छगू खँ जिं खनागु दु, याकनं ब्‍वाँय् वनीम्‍हय्‌सिनं ब्‍वाँय् वनीगु कासा त्‍याके फइ मखु, बल्‍लाःम्‍हय्‌सिनं न्‍ह्याबलें लडाइँ त्‍याके फइ मखु, न बुद्धि दुम्‍हय्‌सित नयेगु नसा हे वइ, न तसकं ज्ञान दुम्‍हय्‌सित धन-सम्‍पत्ति दइ, वा न यक्‍व आखः ब्‍वना तःम्‍हय्‌सित हे दया दइ। ई व मौका इपिं फुक्‍कसिके वइ।

भजनसंग्रहया सफू 11:1

जि परमप्रभुया शरणय् वने, उकिं छिमिसं जितः गथे धाये फइ, “झंगः थें ब्‍वयाः गुँच्‍वकाय् हुँ!”