यर्मिया 47:2 - नेवाः बाइबल

^2-3 परमप्रभुं थथे धयादी, “स्‍व! उत्तरपाखे लः थाहां वयाच्‍वंगु दु। व बाः वयाच्‍वंगु लःधाः थें जुइ। वं देश व उकी दुगु फुक्‍कयात त्‍वपुयाबी, शहर व अन दुपिं सकसितं त्‍वपुयाबी। ब्‍वाँय् वनीपिं बल्‍लाःपिं सलतय्‌गु तुतिया ख्‍वःया सः, शत्रुतय्‌गु रथत तसकं ब्‍वाँय् वंगु घःचाःया सः न्‍यनाः मनूत चिल्‍लाय् दनाः हाली, अले देशय् च्‍वंपिं सकलें ख्‍वइ। अबुपिन्‍सं थःकाय् म्‍ह्याय्‌पिन्‍त ग्‍वाहालि बी मखु। इमिगु ल्‍हाः याग्‍लाप्‍याग्‍ला जुइ।

यर्मिया 47:2 Referans Kwoze

यर्मिया 46:20

“मिश्र छम्‍ह बांलाःम्‍ह साचा खः। तर उत्तरपाखें छम्‍ह साभुजिं वयागु विरोधय् वयाच्‍वंगु दु।

यर्मिया 8:16

शत्रुतय् सलतय्‌गु स्‍वाँ स्‍वाँ याःगु सः दानपाखें ताये दयाच्‍वंगु दु। इमि बल्‍लाःपिं सलत हाःगु सः न्‍यनाः देशयापिं सकलें मनूत थरथर खात। इपिं देशयात अले अन दुगु फुक्‍क खँयात नाश यायेत वःगु दु। शहर व अन च्‍वंपिन्‍त।

यर्मिया 1:14

वय्‌कलं जितः धयादिल, “थ्‍व देशय् च्‍वंपिं सकसिथाय् उत्तरपाखें विपत्ति वइ।

प्रकाश 17:15

अले स्‍वर्गदूतं जितः हानं धाल – “छं खंगु मिसाया लिक्‍क दुगु लःयागु अर्थ देश देशयापिं मनूत, जात जातियापिं मनूत व थीथी भाषां नवाइपिं मनूतय्‌गु हुल खः।

प्रकाश 17:1

न्‍हय्‌गः ख्‍वल्‍चा ज्‍वनातःम्‍ह स्‍वर्गदूत मध्‍ये छम्‍ह स्‍वर्गदूतं वयाः जितः थथे धाल – “थन वा, यक्‍व लः दुथाय् च्‍वंम्‍ह नांजाःम्‍ह वेश्‍यायात याःगु न्‍याय जिं छन्‍त क्‍यनाबी।

याकूब 5:1

हे तःमिपिं मनूत, जिगु खँ न्‍यँ – छिमित जू वयेत्‍यंगु कष्‍ट खनाः नुगः दायाः ह्वाँय्‌ह्वाँय् ख्‍व।

१ कोरिन्‍थी 10:28

नयेत्‍यय्‌काः सुनानं छिमित – “थ्‍व ला मूर्तियात छाःगु प्रसाद खः” धकाः धाल धाःसा व मनूयात संका जुइक छिमिसं नये मते।

१ कोरिन्‍थी 10:26

धर्मशास्‍त्रय् नं च्‍वयातःगु दु – “पृथ्‍वी व पृथ्‍वीइ च्‍वंगु दक्‍व फुक्‍कं प्रभुयागु हे खः।”

नहूम 1:8

तर वय्‌कलं खुसिबालं निनवेयात नाश यानादी। वय्‌कलं थः शत्रुतय्‌त खिउँगु थासय् लिनाछ्वयादी।

दानिएल 11:22

अनंलि वं छगू बल्‍लाःगु सेनायात नाश याइ, अले बाचाया राजकुमारयात नं नाश याइ।

यर्मिया 48:39

“व गज्‍याःगु कुचा कुचा जूगु दु, इपिं गपाय्‌सकं ख्‍वयाच्‍वंगु दु। मोआब लज्‍या चाःगु दु व ध्‍वस्‍त जूगु दु, अले वया प्‍यखेरं च्‍वंपिं जातितय्‌सं वयात हेस्‍याइगु अले व खनाः वातां जुइ।”

यर्मिया 46:13

बेबिलोनया जुजु नबूकदनेसरं वयाः मिश्र देशयात हमला याइगु बारे परमप्रभुं यर्मियायात थ्‍व खबर बियादीगु दु,

यशैया 59:19

पच्‍छिमया देशंनिसें मनूतय्‌सं परमप्रभुया नांया भय काइ, अले पुर्बंनिसें इमिसं वय्‌कःया नांया महिमा याइ। छाय्‌धाःसा वय्‌कः खुसिबाः वः थें झायादी, गुकियात परमप्रभुया सासलं बाः वय्‌की।

यशैया 28:17

जिं इन्‍साफयात नापे यायेगु खिपः व धार्मिकतायात धाःसा गं खायेगु दय्‌काबी। प्‍वँनं मखुगु खँ ल्‍हाइपिनिगु शरण कायेगु थाय् चुइकायंकी, अले लखं छिमिगु सुपीगु थाय् त्‍वःपुयाबी।

यशैया 22:1

दर्शनया ब्‍यासिया बारे अगमवाणी– छिमित छु जुल अले छिपिं सकलें छाय् फुक्‍क छेँया कःसिइ थाहां वनागु?

यशैया 15:8

इमिगु दुःखया थ्‍वःसः मोआबया सिमानाय् तक हे थ्‍यंगु दु, इमिगु ख्‍वःसः सोर एग्‍लैम तक व इमिगु बिलाप बेअर-एलीम तक हे थ्‍यंगु दु।

यशैया 14:31

हे शहरया मू ध्‍वाखात तःसलं ख्‍व! छिपिं सकलें पलिश्‍तीतय्‌सं भय का! उत्तरपाखें कुँया सुपाँय् वयाच्‍वंगु दु, वया सिपाइँतय् झ्‍वलय् छम्‍ह नं ग्‍याइ मखु।

भजनसंग्रहया सफू 98:7

समुद्र व उकी च्‍वंपिं फुक्‍क प्राणीतय्‌त वय्‌कःयात तःधंकाः ततःसलं हालेब्‍यु! अले पृथ्‍वी व पृथ्‍वीइ च्‍वंपिं सकसितं वय्‌कःयात तःधंकाः ततःसलं हालेब्‍यु!

भजनसंग्रहया सफू 96:11

पृथ्‍वी व आकाश लय्‌तायेमा, समुद्र व अन दुपिं फुक्‍क प्राणीत लय्‌तायाः तसकं हालेमा।

भजनसंग्रहया सफू 50:12

नयेपित्‍याःम्‍ह जूगु जूसां जिं छन्‍त धायेगु मखु। संसार व उकी दुगु फुक्‍क जिगु हे खः।

भजनसंग्रहया सफू 24:1

पृथ्‍वी व पृथ्‍वीइ च्‍वंगु फुक्‍कं परमप्रभुयागु खः। संसार व संसारय् च्‍वंपिं फुक्‍कं परमप्रभुयागु खः।

यर्मिया 6:22

परमप्रभुं थथे धयादी, “स्‍व, उत्तरय् लाःगु देशं छगू सेना वयाच्‍वंगु दु, पृथ्‍वीया तापाःगु थासं छगू बल्‍लाःगु जाति लडाइँया लागिं तयार जुयाच्‍वंगु दु।

यर्मिया 46:12

जात जातिं छंगु लज्‍याया खँ न्‍यनी। छंगु ख्‍वःसलं पृथ्‍वी जाइ। सिपाइँलिसें सिपाइँ थक्‍कर नइ। इपिं निम्‍हं छकलं दइ।”

यर्मिया 46:24

मिश्र देशया म्‍ह्याय्‌यात मछाले माय्‌काबी। वयात उत्तरयापिं मनूतय्‌गु ल्‍हातय् लःल्‍हानाबी।”