यर्मिया 46:8 - नेवाः बाइबल

⁸ मिश्र देश नील खुसि थें न्‍ह्यज्‍यानाः वइ, लबु थाहां वइगु खुसिया लः थें। वं धाइ, ‘जि न्‍ह्यज्‍यानाः पृथ्‍वीयात त्‍वपुयाबी। जिं शहर शहरयात व अनयापिं मनूतय्‌त नाश यानाबी।’

यर्मिया 46:8 Referans Kwoze

इजकिएल 32:2

“अय् सीमानिम्‍ह मनू, मिश्र देशयाम्‍ह जुजु फारोया बिलापया म्‍ये दय्‌काः वयात धा, “‘जाति जातित मध्‍ये छ सिंह थें खः। छ थःगु खुसिचाय् कय्‌कीम्‍ह, लःयात थःगु तुतिं संकाः फोहर यानाबीम्‍ह तःधिकःम्‍ह समुद्रया जन्‍तु खः।

इजकिएल 29:3

वलिसें खँ ल्‍हा, अले वयात थथे धा, ‘परमप्रभु परमेश्‍वरं थथे धयादी – “‘हे मिश्र देशयाम्‍ह जुजु फारो, जि छंगु विरोधय् दु, थःगु खुसिचातय्‌गु दथुइ च्‍वनाच्‍वनीम्‍ह छ तःधीम्‍ह लखय् च्‍वनीम्‍ह जन्‍तु, छं थथे धाःगु दु, “निल खुसि जिगु हे खः, व जिगु निंतिं दय्‌कागु खः।”

दानिएल 11:10

वया काय्‌पिं लडाइँ यायेत तयार जुइ, अले इमिसं यक्‍व सिपाइँत मुंकी। इमिसं बाः वःगु खुसि थें न्‍ह्यज्‍याः वनाः शत्रुया किल्‍ला तक हे ल्‍वाल्‍वां वनी।

आमोस 8:8

“छु थुकिं यानाः पृथ्‍वी मखाइ ला? उकी च्‍वनीपिं फुक्‍कसिनं बिलाप मयाइ ला? पृथ्‍वी खुसिबाःया इलय् नील खुसि थें थाहां वइ, थ्‍व च्‍वय् थाहां वइ, अले हाकनं खुसि थें क्‍वहां वनी।”