यर्मिया 46:7 - नेवाः बाइबल

⁷ “नील खुसि थें न्‍ह्यज्‍यानाः वइगु, तःधंगु लबु थाहां वइगु खुसि थें वइगु थ्‍व सु खः?

यर्मिया 46:7 Referans Kwoze

यर्मिया 47:2

परमप्रभुं थथे धयादी, “स्‍व! उत्तरपाखे लः थाहां वयाच्‍वंगु दु। व बाः वयाच्‍वंगु लःधाः थें जुइ। वं देश व उकी दुगु फुक्‍कयात त्‍वपुयाबी, शहर व अन दुपिं सकसितं त्‍वपुयाबी। ब्‍वाँय् वनीपिं बल्‍लाःपिं सलतय्‌गु तुतिया ख्‍वःया सः, शत्रुतय्‌गु रथत तसकं ब्‍वाँय् वंगु घःचाःया सः न्‍यनाः मनूत चिल्‍लाय् दनाः हाली, अले देशय् च्‍वंपिं सकलें ख्‍वइ। अबुपिन्‍सं थःकाय् म्‍ह्याय्‌पिन्‍त ग्‍वाहालि बी मखु। इमिगु ल्‍हाः याग्‍लाप्‍याग्‍ला जुइ।

दानिएल 11:22

अनंलि वं छगू बल्‍लाःगु सेनायात नाश याइ, अले बाचाया राजकुमारयात नं नाश याइ।

प्रकाश 12:15

व मिसायात चुइके छ्वयेत व अजिङ्गरं थःगु म्‍हुतुं खुसि थें लः पिकाल।

आमोस 8:8

“छु थुकिं यानाः पृथ्‍वी मखाइ ला? उकी च्‍वनीपिं फुक्‍कसिनं बिलाप मयाइ ला? पृथ्‍वी खुसिबाःया इलय् नील खुसि थें थाहां वइ, थ्‍व च्‍वय् थाहां वइ, अले हाकनं खुसि थें क्‍वहां वनी।”

दानिएल 9:26

“अले खुइनिगू वाः लिपा व अभिषेक जूम्‍ह मनूयात स्‍याइगु जुइ अले वयाके छुं ल्‍यं दइ मखु। अले हमला याःवइम्‍ह छम्‍ह शासकया सेनां शहर व देगः नाश याइ। खुसिबाः वःगु थें अन्‍त वइ। उकिं परमेश्‍वरं तयार यानादीगु लडाइँ व विनाश हइ।

यशैया 63:1

एदोमपाखें व बोज्रापाखें ह्याउँसे च्‍वंगु वसः पुनावःम्‍ह सु खः? झःझः धाःगु वसः पुनाः अले थःगु तःधंगु शक्तिं वयाच्‍वंम्‍ह सु खः? “धार्मिकतां न्‍ववाइम्‍ह व बचय् यायेत तसकं शक्ति दुम्‍ह जि हे खः।”

श्रेष्‍ठगीत 8:5

थः प्रियनापं प्‍यपुनाः मरूभूमिपाखें वःम्‍ह व सु खः? स्‍याउमाया तलय् जिं छन्‍त थनाः, अन हे छिमि मांनं छन्‍त प्‍वाथय् दय्‌कूगु खः, अन हे छिमि मांया मचाबू ब्‍यथा जुल अले छन्‍त बुइकल।

श्रेष्‍ठगीत 3:6

ब्‍यापार याइपिन्‍सं मिइगु मूर्र व गुगुं नस्‍वाः वय्‌काः, मरुभूमिं पिहां वःगु थ्‍व कुँत्‍याः थें ज्‍याःगु छु खः?

इजकिएल 32:2

“अय् सीमानिम्‍ह मनू, मिश्र देशयाम्‍ह जुजु फारोया बिलापया म्‍ये दय्‌काः वयात धा, “‘जाति जातित मध्‍ये छ सिंह थें खः। छ थःगु खुसिचाय् कय्‌कीम्‍ह, लःयात थःगु तुतिं संकाः फोहर यानाबीम्‍ह तःधिकःम्‍ह समुद्रया जन्‍तु खः।

दानिएल 11:10

वया काय्‌पिं लडाइँ यायेत तयार जुइ, अले इमिसं यक्‍व सिपाइँत मुंकी। इमिसं बाः वःगु खुसि थें न्‍ह्यज्‍याः वनाः शत्रुया किल्‍ला तक हे ल्‍वाल्‍वां वनी।