यर्मिया 46:3 - नेवाः बाइबल

³ “तःधंगु व चिधंगु ढालत तयार या! लडाइँया लागि न्‍ह्यज्‍या!

यर्मिया 46:3 Referans Kwoze

यशैया 21:5

इमिसं तेबिल मिलय् याइ। गलैंचा लाइ। अले नयेगु व त्‍वनेगु नं याइ। “अय् हाकिमत दं, ढालय् चिकं ति।”

नहूम 3:14

शत्रुतय्‌सं घेरय् याय् न्‍ह्यः लःजाय्‌का ति। छंगु किल्‍लात बल्‍लाका ति। चा न्‍हायाः अप्‍पा दय्‌कि, अले पःखाःत मर्मत या।

नहूम 2:1

अय् निनवे! छं शत्रु छन्‍त नाश यायेत वयाच्‍वंगु दु। छंगु किल्‍लात बल्‍लाकि, लँ बांलाक स्‍व, थः तयार जुयाच्‍वँ, अले छंगु फुक्‍क बल लगय् या।

योएल 3:9

जाति जातितय्‌गु दथुइ थथे धकाः घोषणा या, लडाइँ यायेत तयार जु! बहादुर सिपाइँतय्‌त न्‍यंकि! दक्‍व सिपाइँतय्‌त मुंकि अले हमला या।

यर्मिया 46:14

“मिश्र देशय् सुचं ब्‍यु! मिग्‍दोलय् घोषणा या, नोप व तहपनेसय् नं घोषणा या, ‘तयार जुयाः थथःगु थाय् कयाः दँ, छाय्‌धाःसा तरवारं छिमिगु प्‍यखेरं क्‍वापक्‍वाप नयाच्‍वंगु दु।’