यर्मिया 46:10 - नेवाः बाइबल

¹⁰ तर व दिं प्रभु, दक्‍व शक्ति दुम्‍ह परमप्रभुया दिं खः, बदला काइगु दिं, थः शत्रुतय्‌त बदला काइगु दिं। लुमधंतले तरवारं नाश याइ, हि त्‍वनाः वं प्‍याःचाः लंकी। छाय्‌धाःसा उत्तरयागु देशय्, यूफ्रेटिस खुसि सिथय्, प्रभु, दक्‍व शक्ति दुम्‍ह परमप्रभुं बलि छानादी।

यर्मिया 46:10 Referans Kwoze

व्‍यवस्‍था 32:42

जिगु वाणतय्‌त हि त्‍वंके बी, अले जिगु तरवारं ला नइ। जिं फुक्‍क शत्रुतय्‌त स्‍यानाबी, कैदीतय्‌त तकं नं अले शत्रुतय् नायःतय्‌गु छ्यं ध्‍यनाबी।”

योएल 1:15

हाय! व दिं! छाय्‌धाःसा परमप्रभुया दिं लिक्‍क दु। व ला दक्‍व शक्ति दुम्‍हपाखें सर्वनाश थें हे वइ।

यर्मिया 46:2

यूफ्रेटिस खुसि सिथय् च्‍वंगु कर्कमीशय् योशियाहया काय् यहूदाया जुजु यहोयाकीमं राज्‍य यानाच्‍वंगु प्‍यंगूगु दँय् बेबिलोनया जुजु नबूकदनेसरं त्‍याकूम्‍ह मिश्र देशयाम्‍ह जुजु फारो नेकोया सेनाया बारे,

यर्मिया 46:6

“याकनं बिस्‍युं वनीपिं नं बिस्‍युं वने फइ मखु, न बल्‍लाःपिं हे बचय् जुइ फइ। उत्तरय् यूफ्रेटिस खुसि सिथय् इपिं धेधेचुयाः दइ।

लूका 21:22

छाय्‌धाःसा थ्‍व धर्मशास्‍त्रय् च्‍वयातःगु फुक्‍कं पूवंकेत पलेसा काइगु दिं खः।

योएल 2:1

सियोनय् तुरही पु! जिगु पवित्र पर्वतय् ख्‍याच्‍वःया सः न्‍यंकि! देशय् च्‍वंपिं सकल मनूत थरथर खायेमा, छाय्‌धाःसा परमप्रभुया दिं वयाच्‍वंगु दु, व लिक्‍क वयाच्‍वंगु दु।

यर्मिया 51:6

“बेबिलोनं बिस्‍युं हुँ! सकलें थथःगु ज्‍यान बचय् यायेत बिस्‍युं हुँ! वयागु पापया कारणं छिपिं नाश जुइ मते। थ्‍व जिगु बदला कायेगु ई खः, वय्‌कलं वयात वं फयेमाःगु सजाँय बियादी।

यर्मिया 50:15

वयागु प्‍यखेरं च्‍वनाः तःसलं हा! वं थःत लःल्‍हाइ। वयागु धरहरात क्‍वःदली, वयागु पःखाःयात थुनाबी। वयात बदला का, छाय्‌धाःसा परमप्रभुया बदला थ्‍व हे खः। वं मेपिन्‍त गथे यात वयात नं अथे हे या।

यशैया 63:4

छाय्‌धाःसा बदला कायेगु दिं जिं क्‍वःछिनागु दु, अले जिगु उद्धारया दँ न्‍ह्यःने थ्‍यंकः वःगु दु।

यशैया 13:6

ततःसलं हालाः ख्‍व! परमप्रभुया दिं लिक्‍क हे वःगु दु। व दिनय् दक्‍व शक्ति दुम्‍ह परमप्रभुं नाश यानादी।

२ राजा 24:7

मिश्रयाम्‍ह जुजु हाकनं गुबलें मिश्रं पिहां मवः। छाय्‌धाःसा बेबिलोनयाम्‍ह जुजुं मिश्रयागु खुसिंनिसें कयाः यूफ्रेटिस खुसि तक वयागु फुक्‍क लागा थःगु अधीनय् काःगु खः।

यशैया 61:2

वय्‌कलं जितः परमप्रभुं दयामाया याइगु दँ व झी परमेश्‍वरया बदला कायेगु दिं घोषणा यायेत, फुक्‍क दुखं च्‍वनाच्‍वंपिंन्‍त सान्‍त्‍वना बीत छ्वयाहयादीगु खः।

अय्‍यूब 24:1

“दक्‍व शक्ति दुम्‍ह परमेश्‍वरं न्‍यायया ई छाय् क्‍वःछिना मदीगु? वय्‌कःयात म्‍हस्‍यूपिन्‍सं वय्‌कःया दिं छाय् स्‍वये मखंगु?

यशैया 31:8

“अश्‍शूरीत तरवारं क्‍वःदलीतिनि, गुगु तरवार मनूतय्‌पाखें मखु। व हे तरवारं इपिं नाश जुइतिनि, गुगु सीमानीपिं मनूतय्‌गु मखु। व तरवारया न्‍ह्यःनं इपिं बिस्‍युं वनी। अले इमि ल्‍याय्‌म्‍हपिं मनूतय्‌त दासयात थें ज्‍या याकी।

यर्मिया 12:12

मरुभूमियागु फुक्‍क नांगा डाँडाय् नाश याइपिं थाहां वःगु दु। परमप्रभुयागु तरवारं देशयागु छगू कुन्‍चांनिसें मेगु कुन्‍चा तक नाश याइ, अले सुं नं सुरक्षित जुइ मखु।

यर्मिया 46:14

“मिश्र देशय् सुचं ब्‍यु! मिग्‍दोलय् घोषणा या, नोप व तहपनेसय् नं घोषणा या, ‘तयार जुयाः थथःगु थाय् कयाः दँ, छाय्‌धाःसा तरवारं छिमिगु प्‍यखेरं क्‍वापक्‍वाप नयाच्‍वंगु दु।’

यर्मिया 50:18

उकिं, दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “जिं थःम्‍हं हे अश्‍शूरयाम्‍ह जुजुयात सजाँय बियागु थें बेबिलोनयाम्‍ह जुजु व वयागु देशयात सजाँय बी।

इजकिएल 21:28

“अय् सीमानिम्‍ह मनू, छं अगमवाणी यानाः धा, ‘अम्‍मोनीत व इमिगु अपमानया बारे परमप्रभु परमेश्‍वरं थथे धयादी, “‘छपु तरवार, छपु तरवार, दापं स्‍याये पालेत लिकाःगु दु। हाबलासा थें प्‍वालाक्‍क च्‍यायेत व थीकातःगु दु।

जकरिया 6:6

हाकुपिं सलत दुगु रथ उत्तरयागु देशपाखे वनाच्‍वंगु दु, तुयुपिं सलत दुगु रथ पच्‍छिमपाखे, अले तातेपाते जूपिं सलत दुगु रथ दच्‍छिनपाखे वनाच्‍वंगु दु।”

यशैया 2:12

उखुन्‍हु दक्‍व शक्ति दुम्‍ह परमप्रभुं फुइँ यानाजुइपिं व तःधंछुया जुइपिं सकसित क्‍वमिलु यानादी।