यर्मिया 44:30 - नेवाः बाइबल

³⁰ परमप्रभुं थथे धयादी, ‘गथे जिं यहूदाया जुजु सिदकियाहयात वयात स्‍यायेत स्‍वःम्‍ह वया शत्रु बेबिलोनया जुजु नबूकदनेसरया ल्‍हातय् बियागु खः, अथे हे मिश्रया जुजु फारो होप्रायात नं जिं वयात स्‍यायेत स्‍वःम्‍ह वया हे शत्रुया ल्‍हातय् बी।’”

यर्मिया 44:30 Referans Kwoze

इजकिएल 30:21

“अय् सीमानिम्‍ह मनू, जिं मिश्र देशयाम्‍ह जुजु फारोया लप्‍पा त्‍वथुलाबियागु दु। हाकनं तरवार चले याये फयेमा धकाः थुकियात पट्टी चिनाब्‍यूगु मदु थुकियात लंकेत मलम पट्टी नं तःगु मदु।

यर्मिया 34:21

“यहूदायाम्‍ह जुजु सिदकियाह व वया हाकिमतय्‌त इमित स्‍यायेत स्‍वःपिं शत्रुतय्‌गु ल्‍हातय् व छिमिगु न्‍ह्यःनं लिचिलावंपिं बेबिलोनयाम्‍ह जुजुया सेनाया ल्‍हातय् बी।

इजकिएल 31:18

“‘अय् मिश्र, छंगु महिमा व वैभवय् अदनया सिमात मध्‍ये छन्‍त गुगु सिमानापं ज्‍वःलाकाः स्‍वय्‌गु? अय्‌नं छन्‍त नं अदनया सिमातनापं क्‍वय् पातालय् कुर्काबी। अले छ म्‍हय् चिं मतःपिनिगु दथुइ तरवारं स्‍याःपिंनापं लानाच्‍वनी। “‘थ्‍व धाःसा फारो व वया फुक्‍क सिपाइँतय् पुचः खः, परमप्रभु परमेश्‍वरं थथे धयादी।’”

यर्मिया 27:7

वयागु थःगु जाति पतन जुइगु ई मवतले थ्‍व फुक्‍क जातिं वयागु, वया काय्‌यागु व वया छय्‌यागु सेवा याइ। अनंलि यक्‍व जाति व ततःधंपिं जुजुपिन्‍सं वयात थःगु बसय् तइ।

यर्मिया 44:29

“परमप्रभुं धयादी, ‘छिमिगु विरोधय् स्‍यंकेगु जिगु वचन धात्‍थें हे पूरा जुइ धकाः छिमिसं सीमा धकाः जिं छिमित थ्‍व थासय् सजाँय बी। अले व हे छिमित चिं जुइ।’