यर्मिया 44:25 - नेवाः बाइबल

²⁵ दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी – स्‍वर्गयाम्‍ह रानीयात धुपाँय् च्‍याकेत व त्‍वँसाबलि छायेत जिमिसं यानागु ‘भाकल धात्‍थें हे जिमिसं पूरा याये धकाः छिमिसं व छिमि कलाःपिन्‍सं थःम्‍हं बचं ब्‍यूगु खँ थःगु हे ज्‍यां छिमिसं पूरा याःगु दु।’ “उकिं छिमिसं थःगु बचं पूरा या! छिमिसं यानागु भाकल पूरा या!

यर्मिया 44:25 Referans Kwoze

मत्ती 14:9

थ्‍व न्‍यनाः वं तसकं नुगः मछिंकल, अय्‌नं न्‍ह्यागु फ्‍वंसां बी धकाः फुक्‍कसिगु न्‍ह्यःने पाफये धुंकूगुलिं यूहन्‍नायागु छ्यं ध्‍यनाः हजि धकाः उजं बिल।

यहूदा 1:13

थुपिं समुद्रया ग्‍यानापुगु किसिद्वम्‍बः खः। थुमिसं थःगु घच्‍चायापुगु ज्‍याखँ समुद्र दासि वये थें यानाक्‍यनी। थुपिं चाचाःहिला च्‍वनीगु नगु खः। थुमिगु निंतिं सदांयात तसकं खिउँगु थाय् दय्‌कातःगु दु।

इजकिएल 20:39

“‘हे इस्राएलया घराना, छिमिगु बारे, परमप्रभु परमेश्‍वरं थथे धयादी – वनाः छिपिं सकसिनं थथःगु मूर्तियात पुजा या! तर लिपा छिमिसं धात्‍थें हे जिगु खँ न्‍यनी, अले छिमिसं जिगु पवित्र नांयात थःगु कोसेलि व मूर्तितपाखें गुबलें अशुद्ध याइ मखु।’

यशैया 28:15

छिमिसं थथे धयाः घमण्‍ड याइ, “जिमिसं मृत्‍युलिसें बाचा चिनागु दु, अले सीगाःलिसें सहलह यानागु दु। तसकं तःधंगु विपत्ति जिमिथाय् वःसां, उकिं जिमित थिइ फइ मखु। छाय्‌धाःसा जिमिसं मखुगु खँ ल्‍हाइपिन्‍थाय् शरण कयागु दु, अले असत्‍ययात सुपीगु थाय् दय्‌कागु दु।”

अय्‍यूब 34:22

अधर्म ज्‍या याइपिं वय्‌कःपाखें सुले फइगु खिउँगु, तसकं खिउँगु थाय् गनं मदु।

यर्मिया 32:29

थ्‍व शहरयात हमला यानाच्‍वंपिं बेबिलोनीत थ्‍व शहरय् दुहां वइ अले थुकियात मि नकाबी। बालद्यःयात छेँया कःसिइ कःसिइ धुपाँय् च्‍याकाः अले मेपिं द्यःतय्‌त त्‍वँसाबलि छायाः जितः तंचाय्‌कूपिं मनूत च्‍वंगु छेँनापं थुकियात नं मिं नकाबी।