यर्मिया 44:23 - नेवाः बाइबल

²³ छिमिसं धुपाँय् च्‍याकाः परमप्रभुया विरोधय् पाप याःगुलिं, अले वय्‌कःया आज्ञा पालन मयाःगुलिं वा वय्‌कःया व्‍यवस्‍था वा नियम वा वय्‌कःया विधि पालन मयाःगुलिं थ्‍व विपत्ति छिमिके वःगु खः, थौं छिमिसं खनाच्‍वंगु थें।”

यर्मिया 44:23 Referans Kwoze

१ राजा 9:9

मनूतय्‌सं थथे लिसः बी, ‘थः पुर्खातय्‌त मिश्रं पित हयादीम्‍ह परमप्रभु थः परमेश्‍वरयात त्‍वःताः इमिसं मेपिं द्यःतय्‌त पुजायात। उकिं परमप्रभुं थ्‍व विपत्ति इमिथाय् हयादीगु खः।’”

भजनसंग्रहया सफू 119:150

मभिंगु बिचाः यानाः जितः सास्‍ती बीपिं मनूत सतिक वये धुंकूगु दु। इपिं छिं स्‍यनातःगु खं तापाक हे दु।

नहेम्‍याह 13:18

छु छिमि पुर्खातय्‌सं नं थज्‍याःगु ज्‍या याःगुलिं झी परमेश्‍वरं झीके व थ्‍व शहरय् फुक्‍क विपत्तित हयादीगु मखु ला? आः छिमिसं शबाथयात अपवित्र यानाः अज्‍ज परमप्रभुया तं अप्‍वय्‌का इस्राएलतय्‌गु विरोध यानाच्‍वंगु दु।”

२ कोरिन्‍थी 6:16

परमेश्‍वरयागु देगःलिसे मूर्तियागु छु स्‍वापु? झीपिं हे म्‍वाःम्‍ह परमेश्‍वर च्‍वनीगु देगः खः। थथे ला परमेश्‍वरं हे धयादीगु दु – “जि इपिंनापं च्‍वने, अले इपिंनापं जुइ। जि इमि परमेश्‍वर जुइ अले इपिं जिमि मनूत जुइ।”

१ कोरिन्‍थी 10:20

जिं धायेत्‍यनागु खँ छु धाःसा मूर्तियात छाःगु फुक्‍कं भूतआत्‍मातय्‌त छाःगु खः, परमेश्‍वरयात छाःगु मखु। अय्‌जूगुलिं छिपिं भूतआत्‍मा नाप मिलय् जुयाच्‍वने मते धयागु जिगु धापू खः।

विलाप 1:8

यरूशलेमं तसकं तधंगु पाप यात, अथे जुयाः व अशुद्ध जूगु दु। वयात न्‍हापा मानय् याइपिन्‍सं आः वयात हेपय् याइगु, छाय्‌धाःसा इमिसं व पचिनांगा जूगु खंगु दु। व थः हे झसुकाः तइ अले थःगु ख्‍वाः फस्‍वय्‌की।

यर्मिया 44:21

“छिमिसं, छिमि पुर्खात, छिमि जुजुपिं व हाकिमत व देशयापिं मनूतय्‌सं यहूदाया शहर शहरय् व यरूशलेमया गल्‍लि गल्‍लिइ च्‍याकूगु धुपाँय्‌या बारे छु परमप्रभुयात लुमंसे मवः ला? छु! वय्‌कलं बिचाः याना मदिल ला?

यर्मिया 44:18

तर गुबलय् निसें जिमिसं स्‍वर्गयाम्‍ह रानी द्यःमय्‌जुयात धुपाँय् च्‍याकेगु व त्‍वँसाबलि छायेगु त्‍वःताः, उबलय् निसें जिमित फुक्‍क खँया मगाःमचाः जुया वयाच्‍वंगु दु, जिमि मनूत तरवार व अनिकालं सीगु दु।”

यर्मिया 44:8

छिपिं च्‍वंवःगु थ्‍व मिश्र देशय् मेपिं द्यःतय्‌त धुपाँय् च्‍याकाः जितः छाय् तं चाय्‌कागु? थथे यानाः छिमिसं थःत हे नाश याइ अले पृथ्‍वीया फुक्‍क जातिया मनूतय्‌सं छिमित हेस्‍याइ अले छिमिगु नां कयाः सराः बी।

यर्मिया 40:3

आः वय्‌कलं थ्‍व विपत्ति हयाः थःम्‍हं धयादीगु थें यानादिल। छिमिसं परमप्रभुया विरोधय् पापयात, वय्‌कःया आज्ञा पालन मयात, उकिं थ्‍व फुक्‍क जुल।

भजनसंग्रहया सफू 119:155

उद्धार दुष्‍टतपाखें तापाः छाय्‌धाःसा इमिसं छिगु व्‍यवस्‍था माली मखु।

भजनसंग्रहया सफू 78:56

अय्‌नं इमिसं दक्‍वसिबय् तःधंम्‍हय्‌सिया विरोधय् विद्रोह यानाः वय्‌कःयागु मन स्‍वयांच्‍वन। इमिसं वय्‌कःयागु आज्ञा मन्‍यं।

२ इतिहास 36:16

तर इमिसं परमेश्‍वरया दूततय्‌त हिस्‍यात, वय्‌कःया वचनयात च्‍यूताः मतः। वय्‌कःया अगमवक्तातय्‌त हिस्‍यायेगु त्‍वःमतू। लिपतय्, परमप्रभु थः मनूत खनाः तसकं तंचायादिल। उकिं बचय् जुइगु छुं हे लँ मन्‍त।

भजनसंग्रहया सफू 78:10

इमिसं वय्‌कःलिसे याःगु बाचा पूमवंकल, अले वय्‌कःयागु व्‍यवस्‍था मानय् मयात।

भजनसंग्रहया सफू 119:136

जिगु मिखां ख्‍वबिया धाः हाया हे च्‍वनी, छाय्‌धाःसा मनूतय्‌सं छिं स्‍यनातःगु खँयात मानय् याइ मखु।

यर्मिया 26:4

“छं इमित धा, ‘परमप्रभुं थथे धयादी – छिमिसं जिगु खँ ध्‍यान बियाः मन्‍यन धाःसा, जिं छिमिगु न्‍ह्यःने तयाबियागु जिगु व्‍यवस्‍था पालन मयात धाःसा

यर्मिया 44:2

“दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी – यरूशलेम व यहूदाया फुक्‍क शहरय् जिं हयागु फुक्‍क विपत्ति ला छिमिसं खंगु हे दु। थौं व झिजांमिजां दंगु सुनसान थाय् जूगु दु, अन सुं नं मच्‍वं।

यर्मिया 44:3

थ्‍व इमिसं मभिंगु ज्‍या याःगुलिं जूगु खः। इमिसं छिमिसं म्‍हमस्‍यूपिं व छिमि पुर्खातय्‌सं म्‍हमस्‍यूपिं मेपिं द्यःत पुजा यानाः जितः तंचाय्‌कल।

यर्मिया 44:10

छिपिं थौं तक नं क्‍वमिलु जूगु मदुनि, छिमिसं जितः हनाबना तःगु नं मदु, जिं छिपिं व छिमि पुर्खातय्‌गु न्‍ह्यःने तयागु जिगु व्‍यवस्‍था व विधि छिमिसं पालन याःगु मदु।

२ राजा 17:15

इमिसं वय्‌कःया आज्ञा पालन मयात, वय्‌कलं इमि पुर्खातलिसें चिनादीगु बाचा व वय्‌कलं बियादीगु ख्‍याच्‍वःयात हेला यात। इपिं ज्‍यालगे मजूगु मूर्तितय्‌गु ल्‍यू वन, इपिं थः नं ज्‍यालगे मजूपिं जुल। इमिसं थः जःखः च्‍वंपिं जातितय्‌सं याःथें यात। खः ला, परमप्रभुं इमित “इमिसं याःथें छिमिसं याये मते धकाः आज्ञा बियादीगु खः।” परमप्रभुं याये मते धयादीगु ज्‍या हे इमिसं यात।

दानिएल 9:13

परमप्रभु जिमि परमेश्‍वरं जिमित माया यायेगु त्‍वःतूगु दु। थथे मोशाया व्‍यवस्‍थाय् च्‍वया तः थें थुपिं फुक्‍क विपत्ति जिमित लाःगु दु। अथे जूसां थःगु पाप त्‍वःताः वा छिगु सत्‍यया ल्‍यू वनाः जिमिसं परमप्रभु जिमि परमेश्‍वरया ग्‍वाहालि मालेत अस्‍वीकार यानागु दु।