यर्मिया 44:19 - नेवाः बाइबल

¹⁹ अले मिसातय्‌सं धाल, “जिमिसं स्‍वर्गयाम्‍ह रानीया लागि धुपाँय् च्‍याकाबलय् अले वयात त्‍वँसाबलि छायाबलय् छु जिमि थः भाःतपिन्‍सं मसीकं हे वयागु मूर्ति बांलूगु मरि दय्‌काच्‍वंगु व वयात त्‍वँसाबलि छायाच्‍वंगु धकाः च्‍वना ला?”

यर्मिया 44:19 Referans Kwoze

यर्मिया 7:18

काय् म्‍ह्याय्‌पिन्‍सं सिँ मुनीगु, बौपिन्‍सं मि च्‍याकीगु अले स्‍वर्गयाम्‍ह रानी धाइम्‍ह द्यःमय्‌जुया निंतिं मरि छुइत मिस्‍तय्‌सं छुचुं न्‍हाइगु। मेपिं द्यःतय्‌त त्‍वँसाबलि छानाः जितः तंचाय्‌कीगु।

यर्मिया 44:15

अले उगु महासभाय् दुपिं मिजंतय्‌सं, थः कलाःपिन्‍सं मेपिं द्यःतय्‌गु लागि धुपाँय् च्‍याकूगु स्‍यूपिं मनूतय्‌सं व अन दनाच्‍वंपिं मेपिं सकलें मिसातय्‌सं अले मिश्रया उत्तरपाखे व दच्‍छिनपाखेयापिं सकलें यहूदाया मनूतय्‌सं यर्मियायात धाल,

२ इतिहास 21:6

व उत्तरी इस्राएलयापिं जुजुपिं जूगु थें जुल। व आहाबया घराना जूगु थें जुल। छाय्‌धाःसा वं आहाबया म्‍ह्याय्‌नापं ब्‍याहा यात। वं परमप्रभुया मिखाय् मभिंगु ज्‍या यात।

१ राजा 21:25

(परमप्रभुयात मयःगु मभिंगु ज्‍या यायेत थःत म्‍यूम्‍ह आहाब थें ज्‍याःम्‍ह मेपिं सुं हे मदु। थः कलाः ईजेबेलं ग्‍वाकूगुलिं वं अथे याःगु खः।

उत्‍पत्ति 3:6

मिसां व सिमाय् च्‍वंगु फल नये हे साइख्‍वाः वःगु व ल्‍वःवनापुसे च्‍वंगु खन। अले हाकनं ज्ञां दय्‌केगु लोभ नं मनय् वःगुलिं वं सिमाय् च्‍वंगु फल खानाः नल। अले थः भाःतयात नं बिल। वया भाःतं नं व फल नल।

हितोपदेश 11:21

दुष्‍टतय्‌सं सजाँय फये हे माली, तर धर्मीतय्‌त छुत्‍कारा दइ। थथे ला जु हे जुइ।

यर्मिया 44:20

अले यर्मियां थथे लिसः ब्‍यूपिं सकलें मनूतय्‌त, मिस्‍त व मिजंपिन्‍त धाल,

गन्‍ती 30:8

अय्‌नं वया भाःतं व खँ न्‍यनाः व हे दिनय् वयात पन धाःसा वयागु भाकल वा वं ब्‍यूगु बचं ज्‍यालगय् जुइ मखु। परमप्रभुं व मिसायात क्षमा यानादी।

गन्‍ती 30:12

अय्‌नं वया भाःतं व न्‍यंगु दिनय् वयागु भाकल वा ब्‍यूगु बचंयात पन धाःसा वयागु म्‍हुतुं पिहां वःगु बचं ज्‍यालगे जुइ मखु। परमप्रभुं व मिसायात क्षमा यानादी।