यर्मिया 44:17 - नेवाः बाइबल

¹⁷ जिमिसं याये धकाः धयागु फुक्‍क ज्‍या या हे याये। स्‍वर्गयाम्‍ह रानी जिमि द्यःमय्‌जुया निंतिं जिमिसं अथे हे धुपाँय् च्‍याके अले त्‍वँसाबलि नं वयात छाये गथे जिमि पुर्खा, जुजुपिं व नायःतय्‌सं यहूदाया शहर शहरय्‌ व यरूशलेमया गल्‍लि गल्‍लिइ छाःगु खः। उबलय् जिमिके नयेगु नसा गाक्‍क दुगु खः, जिमित बांलानाच्‍वंगु खः, जिमिके विपत्ति नं वःगु मदु।

यर्मिया 44:17 Referans Kwoze

यर्मिया 7:18

काय् म्‍ह्याय्‌पिन्‍सं सिँ मुनीगु, बौपिन्‍सं मि च्‍याकीगु अले स्‍वर्गयाम्‍ह रानी धाइम्‍ह द्यःमय्‌जुया निंतिं मरि छुइत मिस्‍तय्‌सं छुचुं न्‍हाइगु। मेपिं द्यःतय्‌त त्‍वँसाबलि छानाः जितः तंचाय्‌कीगु।

नहेम्‍याह 9:34

जिमि जुजु, नायः व पुजाहारीत व पुर्खातय्‌सं नं छिगु व्‍यवस्‍था पालन याःगु मदु। इमिसं छिगु आज्ञा व ख्‍याच्‍वः मन्‍यं।

इजकिएल 20:8

“‘तर इमिसं जिगु विरोध यानाः जिगु खँ मन्‍यन, इमिसं न्‍ह्याबलें लुमंका च्‍वनीगु उपिं घच्‍चाइपुगु मूर्तित वांमछ्वः, न इमिसं मिश्र देशया मूर्तित हे त्‍वःतल। उकिं जिगु तं क्‍वलाकेत इपिं मिश्र देशय् दुबलय् हे इमिके जिगु तं प्‍वंके धकाः ख्‍याच्‍वः बिया।

व्‍यवस्‍था 23:23

छिमिगु म्‍हुतुं छु पिहां वइ व छिमिसं पूवंके हे माः, छाय्‌धाःसा परमप्रभु छिमि परमेश्‍वरयात छिमिसं थःगु इच्‍छाकथं थःगु हे म्‍हुतुं भाकल याःगु खः।

प्रस्‍थान 16:3

इमिसं थथे धाल, “जिमित परमप्रभुं मिश्रय् हे स्‍यानादीगु जूसा ला ज्‍यूगु नि। मिश्रय् दुबलय् जिमिसं ला व मरि प्‍वाः जाय्‌क नये दु। जिपिं फुक्‍कसित नये मखंक स्‍यायेत छिकपिन्‍सं जिमित थ्‍व हे मरुभूमिइ छाय् हयादियागु?”

फिलिप्‍पी 3:19

थज्‍याःपिं मनूत नाश जुयावनी। छाय्‌धाःसा प्‍वाः हे थुमिगु द्यः खः, लज्‍या चायेमाःगु खँय् नं थुमिसं घमण्‍ड याना जुइ। अले थुमिसं थ्‍व संसारयागु ज्‍याखँय् जक मन तया जुइ।

यर्मिया 44:25

दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी – स्‍वर्गयाम्‍ह रानीयात धुपाँय् च्‍याकेत व त्‍वँसाबलि छायेत जिमिसं यानागु ‘भाकल धात्‍थें हे जिमिसं पूरा याये धकाः छिमिसं व छिमि कलाःपिन्‍सं थःम्‍हं बचं ब्‍यूगु खँ थःगु हे ज्‍यां छिमिसं पूरा याःगु दु।’ “उकिं छिमिसं थःगु बचं पूरा या! छिमिसं यानागु भाकल पूरा या!

यर्मिया 44:21

“छिमिसं, छिमि पुर्खात, छिमि जुजुपिं व हाकिमत व देशयापिं मनूतय्‌सं यहूदाया शहर शहरय् व यरूशलेमया गल्‍लि गल्‍लिइ च्‍याकूगु धुपाँय्‌या बारे छु परमप्रभुयात लुमंसे मवः ला? छु! वय्‌कलं बिचाः याना मदिल ला?

यर्मिया 19:13

यरूशलेमया छेँत व यहूदाया जुजुपिनिगु दरबार, गुकियागु कःसिइ कःसिइ आकाशया फुक्‍क नगुया लागि धुपाँय् च्‍याकल, अले मेपिं द्यःतय्‌गु निंतिं त्‍वँसाबलि छाल, उपिं फुक्‍क तोपेत थें अशुद्ध जुइ।’”

२ राजा 17:16

इमिसं परमप्रभु इमि परमेश्‍वरया फुक्‍क आज्ञा त्‍वःतल, अले पुजा यायेत धातुया निम्‍ह द्वहं दय्‌कल। इमिसं अशेरा द्यःमय्‌जुया छगू थां दय्‌कल। इमिसं आकाशया नगुयात भागि यात, बालद्यःयागु सेवा यात।

न्‍यायकर्ता 11:36

वं लिसः बिल, “बाः, छिं परमप्रभुयात बचं बियादीगु दु। छिं गथे धयादीगु खः अथे हे जिलिसें यानादिसँ छाय्‌धाःसा परमप्रभुं छि शत्रु अम्‍मोनीतलिसें बदला कयादीगु दु।”

गन्‍ती 30:12

अय्‌नं वया भाःतं व न्‍यंगु दिनय् वयागु भाकल वा ब्‍यूगु बचंयात पन धाःसा वयागु म्‍हुतुं पिहां वःगु बचं ज्‍यालगे जुइ मखु। परमप्रभुं व मिसायात क्षमा यानादी।

१ पत्रुस 1:18

छिमि तापाःबाज्‍यापिनिगु पालंनिसें याना वयाच्‍वंगु ज्‍यालगय् मजूगु थितिकुतिं छिमित छुतय् यायेत गुलि मू पुलेमाल, छिमिसं सि हे स्‍यू। थ्‍व लुँ वहः थें नाश जुया वनीगु मखु,

मर्कूस 6:26

थ्‍व न्‍यनाः जुजुं तसकं हे नुगः मछिंकल, अय्‌नं अन च्‍वंपिं मनूतय्‌गु न्‍ह्यःने वं बी धकाः पाफय् धुंकूगुलिं मबिसे मगात।

यर्मिया 44:9

छु छिमि पुर्खात, यहूदाया जुजुपिं व रानीपिं अले छिमिसं व छिमि कलाःपिन्‍सं यहूदा देशय् व यरूशलेमया गल्‍लि गल्‍लिइ याःगु मभिंगु ज्‍या छिमिसं ल्‍वःमन ला?

यशैया 48:5

अथे जुयाः जिं छन्‍त थुपिं खँत न्‍हापा हे धया। अले जिं छन्‍त न्‍हापा हे थ्‍व जुइ न्‍ह्यः हे धयाबियागु खः, छं थथे धाये मफयेमा धकाः, ‘जिगु द्यःतय्‌सं थुपिं याःगु खः। जिगु सिँ व ढलोटं दय्‌काः तःगु मूर्तितय्‌गु आज्ञां थथे जूगु खः।’

भजनसंग्रहया सफू 106:6

जिमिसं थः पुर्खातय्‌सं याःगु थें हे पाप यानागु दु, जिपिं मभिंपिं व दुष्‍ट जुयागु दु।

भजनसंग्रहया सफू 12:4

इमिसं धयाजुइ, “जिमिसं थःगु खं थःत माःगु पूवंके। जिमि थः मंदु थें धयाजुये। जिमित सुनानं पने फइ मखु।”

२ राजा 22:17

इमिसं जितः त्‍वःतूगु दु, मेपिं द्यःतय्‌गु न्‍ह्यःने धुपाँय् च्‍याकूगु दु। अले थःगु हे ल्‍हातं दय्‌कूगु मूर्तितपाखें जितः तंचाय्‌कूगु दु। उकिं थ्‍व थाय्‌या विरोधय् जितः तं पिहां वःगु दु। अले व क्‍वलाइ मखु।’

गन्‍ती 30:2

सुं मनुखं परमप्रभुलिसें भाकल यात धाःसा वा बचं बियाः पाफल धाःसा वं थःगु बचं पूवंकेमाः। वं थःगु वचन त्‍वःथुले मज्‍यू। वयागु म्‍हुतुं छु बचं पिहां वःगु खः वं व याये हे माः।

२ इतिहास 28:23

वं थःत बुकूपिं दमस्‍कसयापिं द्यःतय्‌त बलि छाल, छाय्‌धाःसा वं थथे बिचाः यात, “अरामया जुजुपिनि द्यःतय्‌सं इमित ग्‍वाहालि यात। उकिं इमिसं जितः नं ग्‍वाहालि यायेमा धकाः जिं नं इमित बलि छाये।” तर इपिं वयागु व फुक्‍क इस्राएलया नाशया कारण जुल।

यर्मिया 1:16

जिं थः प्रजायात सजाँय बी, छाय्‌धाःसा इमिसं पाप याःगु दु, जितः त्‍वःतूगु दु, मेमेपिं द्यःतय्‌गु निंतिं धुपाँय् च्‍याकूगु दु, अले थःम्‍हं दय्‌कूगु द्यःतय्‌त भागि याःगु दु।

यर्मिया 11:12

अले यहूदा व यरूशलेमयापिं मनूतय्‌सं थःपिन्‍सं बलि छाःम्‍ह द्यःतय्‌त सःती। तर विपत्तिया इलय् उपिं द्यःतय्‌सं इमित बचय् याये फइ मखु।

यर्मिया 18:15

अय्‌नं जिम्‍ह मनूतय्‌सं जितः ल्‍वःमंकूगु दु, इमिसं ज्‍यालगय् मजूगु मूर्तितय्‌गु निंतिं धुपाँय् च्‍याकूगु दु, इपिं थः जुइगु लँपुइ लुफिं हाःगु दु। इमिसं थःगु पुलांगु लँ द्वंकूगु दु। इपिं ध्‍याचः दुगु लँपुइ वंगु दु।

इजकिएल 8:16

अले वय्‌कलं जितः परमप्रभुया देगःयागु दुनेया चुकय् हयादिल। अन वेदी व दलानया दथुइ देगःया ध्‍वाखाय् नीन्‍याम्‍ह ति मनू दु। थःगु जँधू परमप्रभुया देगःपाखे व ख्‍वाः धाःसा पुर्बपाखे स्‍वय्‌काः इमिसं पुर्बपाखे दुगु सूर्ययात भागि यानाच्‍वंगु दु।

इजकिएल 20:32

“‘छिमिसं धाइगु, “जिमित सिँ व ल्‍वहंयागु सेवा याइपिं जातित थें, संसारयापिं मनूत थें जुइ मास्‍ति वः।” तर छिमिगु मनय् दुगु खँ गुबलें पूरा जुइ मखु।

इजकिएल 23:41

छिपिं छगू बांलाःगु ताहाकःगु बेन्‍चाय् च्‍वन, उकिया न्‍ह्यःने तेबिल तयाः जिगु धुपाँय् व चिकं तल।

हबकूक 1:16

अथे जुयाः इमिसं थःगु जाःयात बलि छाइ, तःधंगु जाःया लागि धुपाँय् च्‍याकी, छाय्‌धाःसा उकिं हे इपिं सुखं च्‍वनी अले भिंगु भिंगु नसा नइ।

यर्मिया 7:17

यहूदाया शहर शहरय् व यरूशलेमया गल्‍लि गल्‍लिइ इमिसं छु यानाच्‍वंगु दु, छु छं मखं ला?