यर्मिया 44:15 - नेवाः बाइबल

¹⁵ अले उगु महासभाय् दुपिं मिजंतय्‌सं, थः कलाःपिन्‍सं मेपिं द्यःतय्‌गु लागि धुपाँय् च्‍याकूगु स्‍यूपिं मनूतय्‌सं व अन दनाच्‍वंपिं मेपिं सकलें मिसातय्‌सं अले मिश्रया उत्तरपाखे व दच्‍छिनपाखेयापिं सकलें यहूदाया मनूतय्‌सं यर्मियायात धाल,

यर्मिया 44:15 Referans Kwoze

हितोपदेश 11:21

दुष्‍टतय्‌सं सजाँय फये हे माली, तर धर्मीतय्‌त छुत्‍कारा दइ। थथे ला जु हे जुइ।

मत्ती 7:13

“चिब्‍यागु ध्‍वाखां दुहां हुँ, छाय्‌धाःसा नरकय् वनीगु ध्‍वाखा तब्‍या, अले लँ तब्‍या जुइ। वने अःपुगुलिं थ्‍व ध्‍वाखां दुहां वनीपिं यक्‍व दइ।

नहेम्‍याह 13:26

जिं इमित धया, विदेशी मिस्‍तय्‌सं सोलोमन जुजुयात पाप याकेब्‍यूगु खः। व मेगु फुक्‍क जातियापिं जुजुपिं स्‍वयाः तःधं। परमेश्‍वरं वयात माया यानादिल, अले फुक्‍क इस्राएलयाम्‍ह जुजु ल्‍ययादिल। अय्‌नं वं थ्‍व हे पाप यात।

उत्‍पत्ति 19:4

इपिं द्यों वने न्‍ह्यः सदोमया फुक्‍क मनूत, ल्‍याय्‌म्‍ह व बुरा, फुक्‍क मिजंत वयाः लोतया छेँ घेरय् यात।

यशैया 1:5

छाय् छिमिसं अप्‍वः ल्‍हाः नयेमाःगु? छाय् छिपिं विद्रोही जुयाच्‍वनागु? छिमिगु छ्यं छगलं घालं जाःगु दु अले नुगः दुःखं जाःगु दु।

यशैया 48:5

अथे जुयाः जिं छन्‍त थुपिं खँत न्‍हापा हे धया। अले जिं छन्‍त न्‍हापा हे थ्‍व जुइ न्‍ह्यः हे धयाबियागु खः, छं थथे धाये मफयेमा धकाः, ‘जिगु द्यःतय्‌सं थुपिं याःगु खः। जिगु सिँ व ढलोटं दय्‌काः तःगु मूर्तितय्‌गु आज्ञां थथे जूगु खः।’

यर्मिया 44:19

अले मिसातय्‌सं धाल, “जिमिसं स्‍वर्गयाम्‍ह रानीया लागि धुपाँय् च्‍याकाबलय् अले वयात त्‍वँसाबलि छायाबलय् छु जिमि थः भाःतपिन्‍सं मसीकं हे वयागु मूर्ति बांलूगु मरि दय्‌काच्‍वंगु व वयात त्‍वँसाबलि छायाच्‍वंगु धकाः च्‍वना ला?”

यर्मिया 44:24

अले यर्मियां सकलें मनूत व मिस्‍तय्‌त धाल, “छिपिं मिश्रय् दुपिं यहूदायापिं सकलें मनूतय्‌सं परमप्रभुया थ्‍व वचन न्‍यँ,

इजकिएल 29:14

अले इमिगु लसता व शान्‍ति नं लित हयाबी। अले जिं इमित इमि पुर्खातय्‌गु देश, दच्‍छिन मिश्रय् हये। अन इपिं छगू चिधंगु राज्‍य जुयाच्‍वनी।

इजकिएल 30:14

दच्‍छिन मिश्रयात जिं तहसनहस यानाबी, सोअनय् मि तयाबी, थेबेस शहरयात जिं सजाँय बी।

व्‍यवस्‍था 13:7

इपिं छिमिगु जःखः च्‍वनिपिं मनूतय् द्यःत जुइमा वा तापापिं जुइमा अले देशया छगू कुन्‍चाय्‌निसें मेगु कुन्‍चा तकयापिं जुइमा

यर्मिया 44:1

मिश्र देशया उत्तरय् च्‍वंगु शहरत मिग्‍दोल, तहपनेस, नोप व मिश्रय् दच्‍छिनपाखे च्‍वंपिं सकलें यहूदाया मनूतय्‌गु बारे परमप्रभुयागु थ्‍व वचन यर्मियायाथाय् वल।