यर्मिया 44:14 - नेवाः बाइबल

¹⁴ मिश्र देशय् च्‍वंवंपिं यहूदाया ल्‍यनाच्‍वंपिं छम्‍ह नं म्‍वानाच्‍वनी मखु, न बचय् जुइ। इमिसं यहूदा देशय् हे लिहां वयाः अन च्‍वने मास्‍ति वय्‌कूसां छुं शरण काःवपिं बाहेक इपिं छम्‍ह नं लिहां वयेखनी मखु।”

यर्मिया 44:14 Referans Kwoze

रोमी 9:27

इस्राएलयात कयाः यशैयां थथे धाःगु दु – “इस्राएलया सन्‍तान समुद्रय् च्‍वंगु फि थें यक्‍व दुसां ल्‍यंदुपिं जक बचय् जुइ,

यर्मिया 42:17

धात्‍थें हे मिश्रय् वनाः च्‍वनेगु क्‍वःछ्यूपिं मनूत तरवार, अनिकाल व महामारीं सी। जिं छिमिके हयेत्‍यनागु विपत्तिपाखें सुं नं म्‍वाइ मखु वा बचय् जुइ मखु।’

यशैया 10:20

उखुन्‍हु इस्राएलया बचय्‌जूपिं, याकूबया परिवारया म्‍वानाच्‍वंपिन्‍सं थःत हमला याःपिन्‍के गुबलें नं भलसा तइ मखु। परमप्रभु इस्राएलया पवित्र परमेश्‍वरयात धाःसा धात्‍थें हे भलसा याइ।

यशैया 4:2

व दिनय्, परमप्रभुया कचाय् बांलाक फल सइ अले झःझः धाइ अले इस्राएलय् बचय् जुयाच्‍वंपिं फुक्‍कसिगु निंतिं जमिनया फल छगू लसता व गौरवयागु जुइ।

हिब्रू 2:3

थपाय् मछिधंगु मुक्तियात झीसं च्‍यूताः मतल धाःसा झीत सजाँय बियामदी ला? प्रभु थःम्‍हय्‌सिनं हे दकलय् न्‍हापालाक थ्‍व मुक्तियागु खँ न्‍यंकादिल। न्‍यंपिन्‍सं थ्‍व खँ सत्‍य खः धकाः झीत क्‍यनाबिल।

रोमी 2:3

अय् मनूत, छिमिसं थुकथं ज्‍याखँ यानाजुइपिन्‍त दोष बियाजुइगु? छिमिसं नं इमिसं थें याना जुल धाःसा परमेश्‍वरं न्‍याय यानादीबलय् छिमित त्‍वःतादी धकाः बिचाः यानाच्‍वनागु ला?

मत्ती 23:33

अय् सर्पत, अय् बिख दुम्‍ह सर्पया सन्‍तान, छिपिं गुकथं नरकयागु मिं बचय् जुइ फइ?

यर्मिया 42:22

उकिं आः धात्‍थें छिमिसं सीकाति, छिपिं च्‍वंवने मास्‍तिवय्‌कूगु थासय् हे छिपिं तरवार, अनिकाल व महामारीं सी।”

यर्मिया 22:10

सी धुंकूम्‍ह जुजुया लागि ख्‍वये मते वा वयागु लागि नुगः मछिंके मते। बरु ज्‍वनायंकूम्‍ह मनूया लागि ह्वाँय्‌ह्वाँय् ख्‍व, छाय्‌धाःसा व हाकनं लिहां वइ मखु। वं थः जन्‍म जूगु देश हाकनं खनी मखु।

इजकिएल 6:8

“‘अय्‌नं जिं छिपिं मध्‍ये गुलिंसित बचय् यानाः तये। उकिं छिपिं देश देशय् छ्यालब्‍याल जुइबलय् जाति जातिया दथुइ छिमि छुं मनूत तरवारं बचय् जुइ।

यर्मिया 44:26

तर हे मिश्र देशयापिं सकलें यहूदाया मनूत, परमप्रभुया वचन न्‍यँ! परमप्रभुं धयादी, ‘जिगु तःधंगु नामय् जिं पाफयाच्‍वनागु दु कि मिश्र देशय् च्‍वनाच्‍वंपिं सुं नं यहूदाया मनूतय्‌सं नं “गथे परमप्रभु धात्‍थें म्‍वाःम्‍ह खः” धकाः आवंलि गुबलें जिगु नामं पा फइ मखु वा जिगु नां काइ मखु।

इजकिएल 20:38

जिं छिपिं मध्‍ये जिगु विरोधय् अपराध याइपिं फुक्‍क विद्रोहीतय्‌त पितछ्वयाः छिमित शुद्ध याये। इपिं च्‍वनाच्‍वंगु देशं इमित जिं हयेगु जूसां इपिं इस्राएल देशय् दुहां वने दइ मखु। अले जि हे परमप्रभु खः धकाः छिमिसं म्‍हसी।