यर्मिया 43:4 - नेवाः बाइबल

⁴ उकिं कारेहया काय् योहानान व सेनाया फुक्‍क कप्‍तानत व मेपिं सकलें मनूतय्‌सं “यहूदा देशय् हे च्‍वँ!” धयागु परमप्रभुया आज्ञा पालन मयात।

यर्मिया 43:4 Referans Kwoze

यर्मिया 44:5

तर इमिसं जिगु खँ मन्‍यं, उकी ध्‍यान हे मब्‍यू। इमिसं मभिंगु ज्‍या यायेगु मत्‍वःतू व इमिसं मेपिं द्यःतय्‌त धुपाँय् च्‍याकेगु ज्‍या मत्‍वःतू।

भजनसंग्रहया सफू 37:3

परमप्रभुयात विश्‍वास या, अले भिंगु या अले परमेश्‍वरं बियादीगु देशय् च्‍वनाः सुरक्षित जुयाच्‍वँ।

२ इतिहास 25:16

वं थथे धयाच्‍वंबलय् हे अमस्‍याहं वयात धाल, “गुबलय्‌निसें जिमिसं छन्‍त जुजुयात सल्‍लाह बीम्‍ह दय्‌कागु? सुम्‍क च्‍वँ, मखुसा जिमिसं छन्‍त स्‍याके बी।” अगमवक्ता थुलि धयाः सुम्‍क च्‍वन, “परमेश्‍वरं छितः नाश यायेगु पक्‍का बिचाः यानादिल धयागु खँ जिं सिल। छाय्‌धाःसा छिं थ्‍व फुक्‍क यानादिल अले जिगु सल्‍लाहयात वास्‍ता याना मदिल।”

उपदेशक 9:16

अनंलि जिं धया, “बल स्‍वयाः बुद्धि हे तःधं जू।” तर व चीमिम्‍ह मनूया बुद्धियात हेला यात, अले वयागु खँयात सुनानं वास्‍ता मयाः।

२ राजा 25:26

उकिं बेबिलोनीतलिसें ग्‍यानाः चिधिकःपिंलिसें तःधिकःपिं तक, सेनाया कप्‍तानत नं फुक्‍क मिश्र देशय् बिस्‍युं वन।

यर्मिया 41:16

अले अहीकामया काय् गदल्‍याहयात स्‍यायेधुंकाः मिस्‍पां ज्‍वनायंकूपिं सिपाइँत, मिस्‍त, मस्‍त व हाकिमत फुक्‍कसिगु जिम्‍मा कारेहया काय् योहानान व वलिसें दुपिं सेनाया फुक्‍क कप्‍तानतय्‌सं काल।

यर्मिया 42:8

उकिं वं कारेहया काय् योहानान अले वनापं दुपिं सकलें सेनाया कप्‍तानतय्‌त अले चीधिकःपिंनिसें तःधिकःपिं सकलें मनूतय्‌त सःतल।

यर्मिया 42:21

जिं थौं छिमित व धयागु दु। तर वय्‌कलं जितः छिमित धा धकाः धयादीगु फुक्‍क खँय् छिमिसं परमप्रभु छिमि परमेश्‍वरया आज्ञा पालन याःगु मदु।