यर्मिया 43:10 - नेवाः बाइबल

¹⁰ अले इमित धा, ‘दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – जिं थःम्‍हं हे थः दास बेबिलोनया जुजु नबूकदनेसरयात सःते, अले जिं सुचुका तयागु थुपिं ल्‍वहंतय्‌गु च्‍वय् वयागु सिंहासन थापं याये। वं उकिया च्‍वय् थःगु पाल ग्‍वइ।

यर्मिया 43:10 Referans Kwoze

यर्मिया 1:15

छाय्‌धाःसा जिं थःम्‍हं हे उत्तर पाखेया देश देशयापिं फुक्‍क मनूतय्‌त सःतेत्‍यनागु दु।” “इमि जुजुपिन्‍सं थथःगु सिंहासन यरूशलेमया ध्‍वाखा ध्‍वाखाय्, पःखाःया छचाःखेरं व यहूदाया फुक्‍क शहरया छचाःखेरं तइ। इमिसं थुकिया पःखाःत व यहूदाया मेमेगु शहरय् हमला याइ। परमप्रभुं धयादी।

यशैया 44:28

गुम्‍हय्‌सिनं कोरेसया बारे धाइ, ‘व जिमि जवाः खः, अले जिगु फुक्‍क इच्‍छा वं पूवंकी। यरूशलेमया बारे वं धाइ, “व हाकनं दय्‌केमा,” अले देगःया बारे, “थुकियात हाकनं दय्‌की।”’

भजनसंग्रहया सफू 31:20

छिं इमित जाः ग्‍वयाजुइपिनिपाखें थःगु हे न्‍ह्यःने सुचुकादी। छिं इमित दोष बियाजुइगु मेपाखें तापाक्‍क थःथाय् हे शरण बियादी।

भजनसंग्रहया सफू 27:5

छाय्‌धाःसा दुःखकष्‍टयागु इलय् वय्‌कलं जितः थःथाय् हे सुचुकादी वय्‌कलं जितः थःगु पालय् सुचुकादी। वय्‌कलं जितः तःजाःगु ल्‍वहँतय् तयादी।

भजनसंग्रहया सफू 18:11

वय्‌कलं थःत खिउँनं त्‍वपुयातःगु दु। अले हाकुगु सुपाँचं थःत भुनातःगु दु।

मत्ती 22:7

“जुजुं तमं मि जुयाः सिपाइँतय्‌त छ्वयाः व ज्‍यानमारातय्‌त स्‍याकल। अले इमिगु शहर नं छ्वय्‌काबिल।

दानिएल 2:21

वय्‌कः हे ई व ऋतुत हिलादीम्‍ह खः। वय्‌कलं हे जुजुपिं ल्‍ययेगु व लिकायेगु यानादी। वय्‌कलं बुद्धि दुपिन्‍त बुद्धि व ज्ञान दुपिन्‍त ज्ञान बियादी।

१ राजा 20:16

न्‍हिनय् बेन-हदद अले वनापं मिलय् जूपिं स्‍विनिम्‍ह (३२) जुजुपिं थथःगु पालय् अय्‌लाखं काय्‌काच्‍वंबलय् इपिं पिहां वन।

१ राजा 20:12

बेन-हदद व मेपिं जुजुपिं थथःगु पालय् अय्‌लाखं काय्‌काच्‍वंबलय् वं आहाबयागु थ्‍व खबर न्‍यन। वं थः मनूतय्‌त हमला यायेत तयार जु धकाः उजं बिल। अले इपिं उगु शहरय् हमला यायेत तयार जुल।

यशैया 45:1

“परमप्रभुं थम्‍हं अभिषेक यानादीम्‍ह कोरेसयात धयादी, जात जातितय्‌त त्‍याकेत, जुजुतय्‌गु ल्‍हातं अधिकार लाकाकायेत, शहर शहरया मू ध्‍वाखात चाय्‌केत व ध्‍वाखात वयागु विरोधय् गुबलें तीमफय्‌मा धकाः जिं वयात शक्ति बियागु दु, जि परमप्रभुं जुजु कोरेसयात थथे धाये,

यर्मिया 43:9

“छं ततःग्‍वःगु ल्‍वहं ल्‍हातय् का, अले यहूदाया मनूतय्‌सं स्‍वयाच्‍वंबलय् हे तहपनेसय् दुगु मिश्रयाम्‍ह जुजु फारोया दरबारया लुखाय् अप्‍पा छिनातःगु लँया क्‍वसं ध्‍याचलय् उपिं ल्‍वहंत थुनाछ्व!

यर्मिया 46:13

बेबिलोनया जुजु नबूकदनेसरं वयाः मिश्र देशयात हमला याइगु बारे परमप्रभुं यर्मियायात थ्‍व खबर बियादीगु दु,

इजकिएल 5:12

छिमि स्‍वब्‍वय् छब्‍व मनूत महामारी वा अनिकालं सी, अले स्‍वब्‍वय् छब्‍व छंगु पःखाःया पिने तरवारं सी, अले स्‍वब्‍वय् छब्‍वयात जिं प्‍यखेरं छ्यालब्‍याल यानाबी। अले नांगा तरवार ज्‍वनाः जिं इमित ली।

यर्मिया 49:38

जिं एलामय् थःगु सिंहासन तये, अले वया जुजु व हाकिमतय्‌त नाश यानाबी,” परमप्रभुं धयादी।