यर्मिया 42:19 - नेवाः बाइबल

¹⁹ “हे ल्‍यनाच्‍वंपिं यहूदाया मनूत, परमप्रभुं छिमित ‘मिश्रय् वने मते’ धयादीगु दु। थ्‍व खँ ल्‍वःमंके मते! जिं थौं छिमित ख्‍याच्‍वः बियागु दु।

यर्मिया 42:19 Referans Kwoze

व्‍यवस्‍था 17:16

व जुजुं यक्‍व सलत नं मतयेमाः, वा यक्‍व सल दयेमाः धकाः मनूतय्‌त मिश्रय् मछ्वयेमाः। छाय्‌धाःसा “व लँपु हाकनं लिहां वने मते” धकाः परमप्रभुं धयादीगु दु।

नहेम्‍याह 9:26

“अय्‌नं छिकपिनि प्रजातय्‌सं विद्रोह यात। अले इमिसं खँ मन्‍यन। छिगु व्‍यवस्‍थापाखें ख्‍वाः फस्‍वय्‌कल। छिपाखे लिहां वयेत ख्‍याच्‍वः बीपिं अगमवक्तातय्‌त इमिसं स्‍यानाबिल। इमिसं छितः गज्‍याःगु अपमान यात।

१ थेसलोनिकी 4:6

थ्‍व खँय् सुनानं थः दाजुकिजापिन्‍त स्‍यंके मते। परमेश्‍वरं थथे याइपिन्‍त तःधंगु सजाँय बियादी। जिमिसं न्‍हापा हे छिमित थ्‍व खँ बांलाक धायेधुन।

एफिसी 4:17

जिं प्रभुयागु नामय् धयाच्‍वनागु दु – छिपिं आः हानं परमेश्‍वरयात म्‍हमस्‍यूपिं थें याना जुइ मते। इमिगु बिचाः हे बांमलाः।

प्रेरित 2:40

मेमेगु नं यक्‍व दसि बियाः वं इमित होश यानाच्‍वनेत धाल – “थौंकन्‍हय्‌यापिं मनूतपाखें बचय् जुयाच्‍वँ।”

इजकिएल 17:15

तर जुजुं सलत व तःधंगु सेना कयाहयेत मिश्र देशय् दूतत छ्वयाः वयागु विरोधय् विद्रोह यात। छु व ताःलाइ ला? थज्‍याःगु ज्‍या याइम्‍ह छु व बचय् जुइ ला? सन्‍धि त्‍वाःथलाः नं छु व सजाँयपाखें बचय् जुइ ला?

इजकिएल 3:21

तर उम्‍ह धर्मी मनूयात पाप याये मते धकाः छं ख्‍याच्‍वः बिल अले वं पाप मयात धाःसा धात्‍थें व म्‍वाइ, छाय्‌धाःसा वं ख्‍याच्‍वः नालाकाल, अले छं थःम्‍हं थःत बचय् याइ।”

इजकिएल 2:5

इमिसं न्‍यनेमा वा मन्‍यनेमा (छाय्‌धाःसा इपिं विद्रोही घराना खः), इमिसं थःगु दथुइ छम्‍ह अगमवक्ता दु धकाः ला सी।

यर्मिया 38:21

तर छिं वनेत इन्‍कार यात धाःसा परमप्रभुं जितः क्‍यनादीगु दर्शन थ्‍व हे खः,

२ इतिहास 24:19

तर इमित थःथाय् हे लित हयेत परमप्रभुं अगमवक्तात छ्वयादिल। उपिं अगमवक्तातय्‌सं इमिगु दोष क्‍यनाबिल अय्‌नं इमिसं अगमवक्तातय्‌गु खँ मन्‍यं।

व्‍यवस्‍था 31:21

अले यक्‍व ग्‍यानपुस्‍से च्‍वंगु विपत्तित इमिके वये धुंकाः थ्‍व म्‍ये इमिगु निंतिं साक्षी थें जुइ। छाय्‌धाःसा व इमि सन्‍तानतय्‌सं गुबलें ल्‍वःमंकी मखु। इमित बी धकाः पाफयाः बचं बियागु देशय् हये न्‍ह्यः हे जिं इमिगु बिचाः थुइके धुन।”

गन्‍ती 14:3

परमप्रभुं छाय् झीत तरवारं स्‍याकेबीत थ्‍व थासय् हयाच्‍वंगु दु? झी मस्‍त व मिसातय्‌त लुतया सामान थें लाकायंकी। आः झीपिं मिश्र देशय् हे लिहां वनेगु बांलाइ!”

यशैया 21:12

पाःच्‍वंम्‍ह पालें लिसः बिल, “सुथ जुइन अले चान्‍हय् नं जुइन। छं छुं न्‍यनेमाःगु दःसा न्‍यं, अले हाकनं लिहां वा।”