यर्मिया 42:17 - नेवाः बाइबल

¹⁷ धात्‍थें हे मिश्रय् वनाः च्‍वनेगु क्‍वःछ्यूपिं मनूत तरवार, अनिकाल व महामारीं सी। जिं छिमिके हयेत्‍यनागु विपत्तिपाखें सुं नं म्‍वाइ मखु वा बचय् जुइ मखु।’

यर्मिया 42:17 Referans Kwoze

यर्मिया 42:22

उकिं आः धात्‍थें छिमिसं सीकाति, छिपिं च्‍वंवने मास्‍तिवय्‌कूगु थासय् हे छिपिं तरवार, अनिकाल व महामारीं सी।”

यर्मिया 44:28

तरवारं बचय्‌जूपिं मिश्र देशं यहूदा देशय् कम हे जक लिहां वइ। अबलय् मिश्र देशय् च्‍वंवःपिं यहूदाया ल्‍यंदुपिं सकसिनं इमिगु वचन सत्‍य खः लाकि जिगु वचन सत्‍य खः, व सी।’

यर्मिया 24:10

जिं इमित व इमि पुर्खातय्‌त बियागु थ्‍व देशय् इपिं भज्‍यंक नाश मजूतले जिं इमिथाय् तरवार, अनिकाल व महामारी छ्वये।”

यर्मिया 38:2

“परमप्रभुं थथे धयादी ‘सु थ्‍व शहरय् च्‍वनी व तरवार, अनिकाल व महामारीं सी। तर गुम्‍ह बेबिलोनीतय्‌थाय् वनाः आत्‍मसमर्पण याइ व म्‍वाइ। वं थःगु ज्‍यान बचय् याइ, अले व म्‍वाइ।’

यर्मिया 42:15

हे यहूदाया मनूत, परमप्रभुया थ्‍व वचन न्‍यँ! दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, ‘छिमिसं मिश्रय् वनेगु क्‍वःछिनागु दुसा अले अन च्‍वनेगु खःसा,

इजकिएल 11:8

छिपिं तरवार खनाः ग्‍याः तर जिं छिमिगु विरोधय् तरवार हये, जि, परमप्रभु परमेश्‍वर न्‍ववानागु दु।