यर्मिया 41:9 - नेवाः बाइबल

⁹ इश्‍माएलं स्‍याःपिं मनूतय्‌गु सीम्‍ह वांछ्वःगु तुंथि तसकं तःधं। व त्‍यांकि आशा जुजुं इस्राएलया जुजु बाशां हमला याःबलय् म्‍हुइके ब्‍यूगु खः। नतन्‍याहया काय् इश्‍माएलं मनूतय्‌गु सीम्‍हं व त्‍यांकि जाय्‌काबिल।

यर्मिया 41:9 Referans Kwoze

२ शमूएल 17:9

थ्‍व इलय् व गुफा व मेमेथाय् सुचुला च्‍वंगु जुइमा। दाऊदं छिकपिनि सिपाइँतय्‌त न्‍हापा हमला यात धाःसा थ्‍व खँ न्‍यनिपिन्‍सं थथे धाइ ‘अब्‍शालोमया सिपाइँत फुक्‍कं नाश जुल।’

१ शमूएल 13:6

इस्राएलीत तसकं संकष्‍टय् लात, छाय्‌धाःसा इपिं शत्रुतपाखें आपतय् लाःगु खः। अथे जुयाः इपिं गुफाय्, झालय् व लःकुथिइ, ल्‍वहं कापिचाय्‌ व तुंथिइ सुचुवन।

न्‍यायकर्ता 6:2

मिद्यानीत इस्राएलीत स्‍वयाः बल्‍लानावन। मिद्यानीतय्‌सं यानाः इस्राएलीत पहाडया कापिचा, गुफात व झतांगालय् सुला च्‍वंवन।

हिब्रू 11:38

संसार इपिं च्‍वने बहःगु मजुल। इपिं मरुभूमिं मरुभूमिं, पहाडं पहाडं बिस्‍युं जुइ माल। अले गुफा गुफाय्, पाक्‍व पाक्‍वय् सुलाः जुइ माल।

१ शमूएल 24:3

वँवं लँपुइ लाःगु फैगलय् थ्‍यन, अन छगू गुफा नं दुगु जुयाच्‍वन। व हे गुफाया कुन्‍चाय् थ्‍यंक दाऊद व वया मनूत सुलाच्‍वंगु खः। शाऊल व गुफाय् झारा च्‍वनेत दुहां वन।

१ शमूएल 14:22

एफ्राइमया पहाडी देशय् सुलाच्‍वंपिं इस्राएलीतय्‌सं पलिश्‍तीत बिस्‍युं वंगु खबर सिल, इपिं नं मिलय् जुयाः पलिश्‍तीतय्‌त लित्तुलिनाः यंकल।

१ शमूएल 14:11

अथे जुयाः इपिं पलिश्‍तीतय्‌गु छाउनीइ खनेदय्‌क वन। अले पलिश्‍तीतय्‌सं धाल, “स्‍वसा, हिब्रूत थः सुचुला च्‍वंगु प्‍वालं पिहां वयाच्‍वंगु दु।”

यशैया 14:19

तर छन्‍त सीगालय् ज्‍यालगय् मजूगु सिमा कचायात थें वांछ्वइ। छ तरवारं सुया तःपिंनापं, तग्‍वःगु ल्‍वहंनापं गालय् कुतुं वनाः सीपिन्‍सं भुनातःगु दु। छ तुतिं न्‍हुयाः पालि तलय् लाःम्‍ह सीम्‍ह थें जूगु दु।