यर्मिया 40:7 - नेवाः बाइबल

⁷ बेबिलोनयाम्‍ह जुजुं अहीकामया काय् गदल्‍याहयात देशया बडाहाकिम ल्‍यःगु दु अले ज्‍वनाः बेबिलोनय् मयंकूपिं देशयापिं दकलय् गरीबपिं मिजं, मिस्‍त व मस्‍त फुक्‍क वयागु ल्‍हातय् ब्‍यूगु दु धयागु खँ सेनायापिं सकलें कप्‍तानत व बस्‍ती बस्‍तीइ दुपिं सिपाइँतय्‌सं न्‍यन।

यर्मिया 40:7 Referans Kwoze

यर्मिया 39:10

तर छुं नं मदुपिं सुं गरीब मनूतय्‌त जुजुया सेनापति नबूजरदानं यहूदा देशय् त्‍वःताथकल, इमित वं दाखक्‍यब व बुँ बिल।

इजकिएल 45:16

इस्राएलया शासकयात देशयापिं फुक्‍क मनूतय्‌सं थ्‍व कोस्‍यालि बीमाः।

यर्मिया 39:4

इमित खनाः यहूदाया जुजु सिदकियाह व सकलें सिपाइँत चान्‍हय् हे क्‍यबया लँपुं निगू पःखाःया दथुइ दुगु लुखा जुयाः शहरं पिने बिस्‍युं वन। इपिं यर्दन खुसिया ब्‍यासिपाखे वन।

२ राजा 25:4

अबलय् शहरया पःखाः बेबिलोनीतय्‌सं तछ्यात। चान्‍हय् हे जुजुया क्‍यब लिक्‍कया निगू पःखाःया दथुया लुखां सिदकियाह व फुक्‍क सिपाइँत बिस्‍युं वन। बेबिलोनीत शहरया छचाःखेरं दुसां इपिं यर्दन खुसिया ब्‍यासिपाखे बिंस्‍यु वन।

२ राजा 25:12

तर छुं मदुपिं चीमिपिं मनूतय्‌त दाखक्‍यबय् व बुँइ ज्‍या याकेत यहूदाय् हे त्‍वःताथकल।

यर्मिया 41:11

कारेहया काय् योहानान व वलिसें दुपिं सकलें कप्‍तानतय्‌सं नतन्‍याहया काय् इश्‍माएलं याःगु फुक्‍क अपराधया बारे न्‍यन।

यर्मिया 43:6

मिजंपिं, मिस्‍त, मस्‍त, राजकुमारीत, जुजुया सेनापति नबूजरदानं शापानया छय् अहीकामया काय् गदल्‍याहया ल्‍हातय् लःल्‍हाःपिं फुक्‍कसित व अगमवक्ता यर्मियायात अले नेरियाहया काय् बारूकयात नं इमिसं यंकल।

यर्मिया 52:16

तर नबूजरदानं देशयागु दाखक्‍यब व बुँइ ज्‍या यायेत छुं गरीबतय्‌त त्‍वःताः थकल।

यर्मिया 39:9

अले शहरय् ल्‍यनाच्‍वंपिं व वयाथाय् बिस्‍युं वःपिं व मेपिं ल्‍यंपिं मनूतय्‌त जुजुया अङ्गरक्षकतय् सेनापति नबूजरदानं ज्‍वनाः बेबिलोनय् यंकल।

यर्मिया 39:14

मनूत छ्वयाः यर्मियायात पिवाःत च्‍वनीगु चुकं हल। वयात छेँय् यंकेगु जिम्‍मा इमिसं शापानया छय्, अहीकामया काय् गदल्‍याहयात बिल। थुकथं यर्मिया थः मनूतनापं हे च्‍वन।

यर्मिया 41:1

न्‍हय्‌गूगु लाय् एलीशामाया छय्, नतन्‍याहया काय् जुजु खलःयाम्‍ह व जुजुया हाकिमत मध्‍ये छम्‍ह इश्‍माएल झिम्‍ह मनूत ज्‍वनाः मिस्‍पाय् अहीकामया काय् गदल्‍याहयाथाय् वल। इपिंनापं च्‍वनाः नयाच्‍वंबलय्,

यर्मिया 41:10

इश्‍माएलं मिस्‍पाय् ल्‍यंदुपिं सकलें मनूत अर्थात जुजुया सेनापति नबूजरदानं अहीकामया काय् गदल्‍याहया जिम्‍माय् बियाः अन त्‍वःताथकुपिं सकलें मनूत व जुजुया म्‍ह्याय्‌पिन्‍त ज्‍वनाः कुनाबिल। थुकथं नतन्‍याहया काय् इश्‍माएल थुपिं कैदीतय्‌त ज्‍वनाः पारि अम्‍मोनीतय्‌थाय् वनेत पिहां वन।