यर्मिया 40:6 - नेवाः बाइबल

⁶ उकिं यर्मिया मिस्‍पाय् अहीकामया काय् गदल्‍याहयाथाय् वन, अले वलिसें देशय् त्‍वःताथकूपिंनापं च्‍वन।

यर्मिया 40:6 Referans Kwoze

यर्मिया 39:14

मनूत छ्वयाः यर्मियायात पिवाःत च्‍वनीगु चुकं हल। वयात छेँय् यंकेगु जिम्‍मा इमिसं शापानया छय्, अहीकामया काय् गदल्‍याहयात बिल। थुकथं यर्मिया थः मनूतनापं हे च्‍वन।

न्‍यायकर्ता 20:1

अले उत्तरय् दानंनिसें दच्‍छिनय् बेर्शेबातक व पुर्बय् गिलादंनिसें सकलें इस्राएलीत पिहां वल। इपिं छप्‍पँ जुयाः परमप्रभुया न्‍ह्यःने मिस्‍पाय् मुन।

न्‍यायकर्ता 21:1

इस्राएली मनूत मिस्‍पाय् मुने धुंकाः “झीपिं मध्‍ये सुनानं थः म्‍ह्याय् सुं बेन्‍यामीनीतय्‌त बी मखु” धकाः पाफःगु खः।

यहोशू 15:38

दिलान, मिस्‍पा, योक्तेल,

२ इतिहास 16:6

जुजु आसां यहूदाया फुक्‍क थासं मनूत मुंकल, अले बाशा जुजुं रामा बल्‍लाकेत छ्यलाच्‍वंगु ल्‍वहं व सिँ इमिसं ज्‍वनावन। वं उपिं सामानं गेबा व मिस्‍पायात बल्‍लाकल।

यर्मिया 41:1

न्‍हय्‌गूगु लाय् एलीशामाया छय्, नतन्‍याहया काय् जुजु खलःयाम्‍ह व जुजुया हाकिमत मध्‍ये छम्‍ह इश्‍माएल झिम्‍ह मनूत ज्‍वनाः मिस्‍पाय् अहीकामया काय् गदल्‍याहयाथाय् वल। इपिंनापं च्‍वनाः नयाच्‍वंबलय्,

यहोशू 18:26

मिस्‍पा, कपीरा, मोशा,