यर्मिया 40:5 - नेवाः बाइबल

⁵ अय्‌नं यर्मिया वनेत्‍यंबलय् नबूजरदानं लिफः स्‍वयाः धाल, “शापानया छय्, अहीकामया काय् गदल्‍याहयाथाय् हुँ! वयात बेबिलोनयाम्‍ह जुजुं यहूदाया शहरया बडाहाकिम ल्‍यःगु दु। अन वनापं मेपिं मनूतलिसें च्‍वँ, अथवा छन्‍त गन वने मंदु अन हुँ!” सेनापतिं वयात नयेगु सामान व कोसेलि बियाः त्‍वःताबिल।

यर्मिया 40:5 Referans Kwoze

यर्मिया 39:14

मनूत छ्वयाः यर्मियायात पिवाःत च्‍वनीगु चुकं हल। वयात छेँय् यंकेगु जिम्‍मा इमिसं शापानया छय्, अहीकामया काय् गदल्‍याहयात बिल। थुकथं यर्मिया थः मनूतनापं हे च्‍वन।

यर्मिया 41:2

नतन्‍याहया काय् इश्‍माएल व झिम्‍ह मनूतय्‌सं दनाः बेबिलोनयाम्‍ह जुजुं उगु देशया बडाहाकिम ल्‍यःम्‍ह शापानया छय्, अहीकामया काय् गदल्‍याहयात तरवारं पालाः स्‍यानाबिल।

हिब्रू 13:6

अय्‌जूगुलिं झीसं संका मयासें धायेफु – “प्रभु जितः ग्‍वाहालि यानादीम्‍ह खः। जितः ग्‍याये माःगु मदु। मनूतय्‌सं जितः छुं हे याये फइ मखु।”

प्रेरित 28:10

इमिसं जिमित तसकं हनाबना तयेगु यात। जिपिं वनेत जहाजय् च्‍वनाबलय् नं इमिसं जिमित मामाःगु नसात्‍वँसा तये हल।

प्रेरित 27:43

तर कप्‍तानं पावलयात बचय् यायेगु मतिइ तयाः सिपाइँतय्‌त अथे याके मब्‍यू, बरु फुपिं लाल कयाः समुद्र सिथय् हुँ।

प्रेरित 27:3

कन्‍हय् खुन्‍हु जिपिं सीदोन धयागु लःजहाज दिकेगु थासय् थ्‍यन। युलियसं पावलयात दया यानाः वया पासापिन्‍थाय् माःगु यायेत छ्वयाबिल।

यर्मिया 40:4

तर थौं छंगु ल्‍हाःया सिखलं जिं छन्‍त मुक्त यानाबी। जिलिसें बेबिलोनय् वये मंदुसा वा! छन्‍त जिं स्‍वये। तर छन्‍त जिलिसें बेबिलोनय् वये मंमदुसा वये मते! स्‍व! थ्‍व फुक्‍क देश छंगु न्‍ह्यःने दु। छन्‍त गन वने मंदु अन हुँ!”

यर्मिया 26:24

तर शापानया काय् अहीकाम यर्मियाया पंलित। उकिं वयात स्‍यायेत इमिसं मनूतय्‌गु ल्‍हातय् मब्‍यू।

यर्मिया 15:11

परमप्रभुं धयादिल, “हे यर्मिया, धात्‍थें हे जिं छन्‍त छंगु भिंया निंतिं बचय् याये। धात्‍थें हे जिं दुःख व संकटया इलय् छिमि शत्रुतय्‌त छलिसें बिन्‍ति याकेबी।

हितोपदेश 21:1

जुजुया नुगः परमप्रभुया ल्‍हातिइ दु, गुबलय् मंदइ उबलय् वय्‌कलं थ्‍वयात खुसिचाया लः थें हीकादी।

हितोपदेश 16:7

परमप्रभुयात लय्‌ताय्‌कल धाःसा छिमिसं थः शत्रुतय्‌तनापं पासा दय्‌के फइ।

अय्‍यूब 22:29

मनूतय्‌त क्‍वह्यंकीबलय् छिं थथे धयादी, ‘थुमित थकयादिसँ!’ अले वय्‌कलं क्‍वह्यकांतःपिन्‍त बचय् यानादी।

नहेम्‍याह 1:11

हे परमप्रभु, जिगु व छिगु नांयात हनाबना यायेत लय्‌ताइपिं छि दासतय्‌गु प्रार्थना न्‍यनादिसँ। थौं हे छिकपिनि थ्‍व दासयागु ज्‍या ताःलाकादिसँ। छिं जुजुयात जितः माया याइम्‍ह दय्‌कादिसँ।” उबलय् जि जुजुयात दाखमद्य बीपिनि नायः खः।

एज्रा 7:27

परमप्रभु झी पुर्खातय् परमेश्‍वर धन्‍य खः। वय्‌कलं हे यरूशलेमय् दुगु परमप्रभुया देगःयात हनाबना तयेत जुजुयागु मनय् थ्‍व बिचाः तयादिल,

एज्रा 7:6

एज्रा परमप्रभु इस्राएलयाम्‍ह परमेश्‍वरं मोशायात ब्‍यूगु व्‍यवस्‍था बांलाक स्‍यनेसःम्‍ह शास्‍त्री खः। वयात परमप्रभु परमेश्‍वरया सुवाः दुगुलिं वं फ्‍वंगु फुक्‍क खँ जुजुं वयात बिल। थथे जूगुलिं एज्रा बेबिलोनं यरूशलेमय् वल।

२ इतिहास 34:20

वं हिल्‍कियाह, शापानया काय् अहीकाम, मीकाया काय् अब्‍दोन, छ्यान्‍जे शापान व जुजुयात सल्‍लाह बीम्‍ह असायाहयात थथे धाल,

२ राजा 22:14

पुजाहारी हिल्‍कियाह, अहीकाम, अक्‍बोर, शापान व असायाह दरबारया वसः स्‍वइम्‍ह हरहसया छय्, तिक्‍भाया काय् शल्‍लूमया कलाः अगमवादिनी हुल्‍दायाथाय् खँ ल्‍हायेत वन। व यरूशलेमया न्‍हूगु त्‍वालय् च्‍वनीगु खः।

२ राजा 22:12

वं दकलय् तःधंम्‍ह पुजाहारी हिल्‍कियाह, शापानया काय् अहीकाम, मीकायाया काय् अक्‍बोर, छ्यान्‍जे शापान व जुजुनापं जुइम्‍ह असायाहयात थ्‍व उजं बिल,

यर्मिया 41:1

न्‍हय्‌गूगु लाय् एलीशामाया छय्, नतन्‍याहया काय् जुजु खलःयाम्‍ह व जुजुया हाकिमत मध्‍ये छम्‍ह इश्‍माएल झिम्‍ह मनूत ज्‍वनाः मिस्‍पाय् अहीकामया काय् गदल्‍याहयाथाय् वल। इपिंनापं च्‍वनाः नयाच्‍वंबलय्,

यर्मिया 41:18

इपिं बेबिलोनीत खनाः ग्‍याःगु खः, छाय्‌धाःसा बेबिलोनयाम्‍ह जुजुं देशया बडाहाकिम ल्‍यःम्‍ह अहीकामया काय् गदल्‍याहयात नतन्‍याहया काय् इश्‍माएलं स्‍याःगु खः।