यर्मिया 40:4 - नेवाः बाइबल

⁴ तर थौं छंगु ल्‍हाःया सिखलं जिं छन्‍त मुक्त यानाबी। जिलिसें बेबिलोनय् वये मंदुसा वा! छन्‍त जिं स्‍वये। तर छन्‍त जिलिसें बेबिलोनय् वये मंमदुसा वये मते! स्‍व! थ्‍व फुक्‍क देश छंगु न्‍ह्यःने दु। छन्‍त गन वने मंदु अन हुँ!”

यर्मिया 40:4 Referans Kwoze

उत्‍पत्ति 20:15

वं अब्राहामयात धाल, “थ्‍व फुक्‍क जिगु दे खः। छ मंदुथाय् च्‍वँ।”

उत्‍पत्ति 13:9

छंगु लागि माक्‍व थाय् छंगु न्‍ह्यःने दु। उकिं झी आः बायाः वने। छ खव पाखे वंसा जि जवपाखे वने, छ जवपाखे वंसा जि खव पाखे वने।”

उत्‍पत्ति 47:6

मिश्र देश छंगु न्‍ह्यःने दु। देशय् दुने दक्‍वसिबय् भिंगु थासय् छिमि बाः व दाजुकिजापिन्‍त ति। इमित गोशेनय् हे च्‍वनेब्‍यु। इपिं मध्‍ये सुं ल्‍वःपिं व सःपिं दुसा इमित जिगु वस्‍तुया जिम्‍मा बियाब्‍यूसां ज्‍यू।”

यर्मिया 37:14

यर्मियां धाल, “थ्‍व खः हे मखु। जि बेबिलोनीतय्‌थाय् बिस्‍युं वनेत्‍यनागु मखु।” तर यिरियाहं वयागु खँ मन्‍यन। वं वयात ज्‍वनाः हाकिमतय्‌थाय् यंकल।

विलाप 3:7

जि बिस्‍युं वने मफय्‌मा धकाः वय्‌कलं जिगु प्‍यखेरं पःखाः ग्‍वयादीगु दु। वय्‌कलं जितः तसकं झ्‍यातुगु सिखलं चिनादीगु दु।

उत्‍पत्ति 44:21

“अले छिं जिमित, ‘वयात जिथाय् हिँ, जिं वयात स्‍वये’ धयादिल।

एस्‍तर 3:11

जुजुं हामानयात धाल, “थ्‍व वहः थके ति! उपिं मनूतय्‌त छन्‍त छु याये मास्‍ति व व हे या!”