यर्मिया 4:28 - नेवाः बाइबल

²⁸ अथे जुयाः पृथ्‍वी ह्वाँय्‌ह्वाँय् ख्‍वइ। आकाश खिउँसे च्‍वनी। जिं धायेधुन अले जिं थःगु मन हीके मखु। जिं क्‍वःछीधुन, जिं थःगु बिचाः हिले मखु।”

यर्मिया 4:28 Referans Kwoze

गन्‍ती 23:19

परमेश्‍वर मनू थें मखु, मखुगु खँ ल्‍हायेत, वय्‌कः मनू मखु, थःगु मन हिलेत। वय्‌कलं धयादीगु खँ गुबलें मजूगु दु ला? वय्‌कलं बचं बियाः छु व पूवंकामदी ला?

होशे 4:3

अथे जुयाः थ्‍व देशं नुगः मछिंकी, थन च्‍वनीपिं दक्‍व मनूतनापं पशुत, आकाशय् ब्‍वइपिं झंगःत व समुद्रय् च्‍वनीपिं न्‍यात नं नाश जुइ।

यर्मिया 12:4

देशय् गुबलय् तक वा मवयाच्‍वनीगु? ख्‍यलय् च्‍वंगु घाँय् गुबलय् तक गनाः सुकूचिना च्‍वनीगु? देशय् च्‍वंपिं मनूतय्‌सं याःगु मभिंगु ज्‍याया कारणं पशुत व झंगःत फुक्‍क नाश जुइ धुंकल। छाय्‌धाःसा मनूतय्‌सं “झीत छु जुइ, वय्‌कलं खनी मखु” धयाच्‍वंगु दु।

यशैया 50:3

जिं आकाशयात खिउँगुलिं त्‍वपुयाबी, अले उकियात भांग्रा फीकाबी।”

यशैया 5:30

व दिं वइबलय् समुद्रं सः पिकया हः थें इपिं वयाथाय् हाः वइ। व देशयात स्‍वःसा, अन खिउँगु व कष्‍ट जक दु अले जःयात सुपाचं त्‍वपुयाः खिउँकाबी।

प्रकाश 6:12

हानं खुगूगु छाप प्‍वःगु जिं खना। अबलय् तसकं हे भ्‍वखाय् ब्‍वल। हाकुगु भांग्रा थें सूर्य हाकुसे च्‍वना वन। तिमिला छपातं हि थें ह्याउँसे च्‍वना वन।

हिब्रू 7:21

येशूयात वय्‌कलं पाफयादीगु खँ थुकथं च्‍वयातःगु दु – “परमेश्‍वरं थःगु मन हिले मखु धयाः थथे पाफयादिल – ‘छ सदांयात पुजाहारी जुइ।’”

एफिसी 1:11

परमेश्‍वरं थ्‍व फुक्‍क न्‍हापा हे क्‍वःछिना तःकथं यानादीगु खः। वय्‌कलं झीत न्‍हापांनिसें हे ख्रीष्‍टनाप मिलय् यानाः थः मनू यायेत ल्‍ययादीगु खः।

एफिसी 1:9

ख्रीष्‍टपाखें पूवंकादीगु फुक्‍क गुप्‍ति ज्‍याखँ वय्‌कलं झीत सीके बियादिल।

लूका 23:44

अबलय् न्‍हिनय् बाह्र बजेनिसें तीन बजे तक देशय् फुक्‍कभनं खिउँसे च्‍वना वन।

मर्कूस 15:33

अबलय् न्‍हिनय् बाह्र बजेनिसें तीन बजे तक सारा संसार हे खिउँसे च्‍वना वन।

मत्ती 27:45

अबलय् न्‍हिनय् बाह्र बजेनिसें तीन बजे तक सारा देश हे खिउँसे च्‍वना वन।

योएल 1:10

बुँयात उजाड यानाब्‍यूगु दु। बँ सुख्‍खा जूगु दु, अन्‍न नष्‍ट जूगु दु, न्‍हूगु दाखमद्य मदये धुंकल, चिकं नं मदये धुंकल।

होशे 13:14

“जिं इमित चिहानया शक्तिपाखें मू पुलाः त्‍वतके ला? जिं इमित मृत्‍युपाखें छुत्‍कारा याये ला? अय् मृत्‍यु, छंगु ग्‍यानापुगु ल्‍वय् गन दु? अय् मृत-लोक छंगु नाश यायेगु शक्ति गन दु? “छाय्‌धाःसा जिं इमित दया याये मखुत।

इजकिएल 24:14

“‘जि परमप्रभुं हे थ्‍व खँ धयागु खः। जिं ज्‍या यायेगु ई वःगु दु। जि लिचिले मखु। जिं छन्‍त त्‍वःते। जिं छन्‍त दया याये मखु, जिं थःम्‍हं धया थें या हे याये। छंगु चाला व छंगु ज्‍या स्‍वयाः जिं छंगु न्‍याय याये, परमप्रभु परमेश्‍वरं धयादी।’”

यर्मिया 30:24

थःगु मनय् दुगु इच्‍छा पूमवंतले परमप्रभुया तच्‍वःगु तं क्‍वलाइ मखु। लिपा छिमिसं थ्‍व बांलाक सी।

यर्मिया 23:20

थःगु मनय् दुगु इच्‍छा पूमवंतले परमप्रभुया तं क्‍वलाइ मखु। लिपा छिमिसं थ्‍व बांलाक सी।

यर्मिया 23:10

छाय्‌धाःसा थ्‍व देश व्‍यभिचारी हे व्‍यभिचारीं जाःगु दु। सराः लाःगुलिं देश सुख्‍खा जूगु दु। मरुभूमियागु पशु ज्‍वयेगु थाय् गंगु दु। अगमवक्तात मभिंपाखे ब्‍वाँय् वंगु दु, इमिसं थःगु शक्ति मखुथाय् छ्यःगु दु।

यर्मिया 14:2

“यहूदा ख्‍वइ, वया शहरत कमजोर जूगु दु। इमिसं देशया निंतिं नुगः मछिंकी, यरूशलेमया ख्‍वःसः आकाश तक थ्‍यंगु दु।

यर्मिया 12:11

इमिसं थुकियात ज्‍याख्‍यलय् मजूगु जमिन दय्‌काब्‍यूगु दु। व जिगु न्‍ह्यःने गंगु व झिजांमिजां दंगुथाय् जूगु दु। देशया फुक्‍क थाय् मरुभूमिइ जूगु दु, सुनां उकियागु वास्‍ता मयाः।

यर्मिया 7:16

“उकिं, यर्मिया, छं थ्‍व प्रजाया निंतिं प्रार्थना याये मते। थुमिगु निंतिं इनाप नं याये मते। छाय्‌धाःसा जिं छंगु प्रार्थना न्‍यने मखु।

यशैया 34:4

आकाशया फुक्‍क नगुत तनावनी। अले आकाश भ्‍वँ थू तु थें तनावनी। दाखया मां सुकूचिंगु हःत व यःमरिमां सुकूचिंगु फलत कुतुं वः थें आकाशया नगु-नक्षत्रत कुतुंवइ।

यशैया 24:4

पृथ्‍वीइ गनाः सुकूचिनी, संसार कमजोर जुइ अले सुकूचिनी, पृथ्‍वीयापिं ततःधंपिं मनूत बःमलानावनि।

१ शमूएल 15:29

परमप्रभु, इस्राएलया गौरव खः, वय्‌कलं मखुगु खँ ल्‍हानादी मखु, अले थःगु मन हीकादी मखु। थःगु मन हीकादीत वय्‌कः मनू मखु।”

यर्मिया 51:12

बेबिलोनया पःखाःया विरोधय् झण्‍डा ल्‍ह्वँ! पिवाःयात बल्‍लाकि! पिवाः च्‍वनीपिं मनूत ति! हमला यायेत सुला च्‍वनेगु थासय् मनूत ति! बेबिलोनयापिं मनूतय्‌गु विरोधय् परमप्रभुं आज्ञा बियादीगु दु। वय्‌कलं थःगु बिचाः पूवंकादी।

विलाप 2:17

परमप्रभुं छु योजना यानादीगु खः। यक्‍व दँ न्‍हापा वय्‌कलं छु घोषणा यानादीगु खः, व हे वचन वय्‌कलं पूवंकादिल। छुं हे दयामाया मदय्‌क वय्‌कलं छन्‍त नाश यानादिल। वय्‌कलं शत्रुयात छंगुपाखें लय्‌ताय्‌कादिल, अले छंगु शत्रुतय्‌गु शक्ति अप्‍वय्‌कादीगु दु।

जकरिया 8:14

दक्‍व शक्ति दुम्‍ह परमप्रभुं धयादी, “गथे छिमि पुर्खातय्‌सं जितः तंचाय्‌कूबलय् जिं इमिथाय् विपत्ति हयेगु क्‍वःछिना अले भतिचा नं माया मक्‍यना।”