यर्मिया 39:9 - नेवाः बाइबल

⁹ अले शहरय् ल्‍यनाच्‍वंपिं व वयाथाय् बिस्‍युं वःपिं व मेपिं ल्‍यंपिं मनूतय्‌त जुजुया अङ्गरक्षकतय् सेनापति नबूजरदानं ज्‍वनाः बेबिलोनय् यंकल।

यर्मिया 39:9 Referans Kwoze

यर्मिया 40:1

जुजुया सेनापति नबूजरदानं यर्मियायात सिखलं चिनाः बेबिलोनय् यंकेत्‍यंपिं यरूशलेमयापिं व यहूदायापिं मेपिं कैदीतनापं लुइकूगु खः। वं वयात रामाय् त्‍वःता ब्‍यूबलय् परमप्रभुपाखें यर्मियायाथाय् वःगु वचन थ्‍व हे खः।

उत्‍पत्ति 37:36

थ्‍व हे इलय् योसेफयात न्‍याना यंकूपिं व्‍यापारीतय्‌सं वयात फारोया दरबारया पिवाःतय् नायः पोतीफरया ल्‍हातिइ मियाबिल।

यर्मिया 52:26

थुमित अङ्गरक्षकतय्‌ सेनापति नबूजरदानं रिब्‍ला शहरय् बेबिलोनयाम्‍ह जुजुयाथाय् यंकल।

यर्मिया 10:18

छाय्‌धाःसा परमप्रभुं थथे धयादी, “थुबलय् जिं थःम्‍हं हे थ्‍व देशय् च्‍वंपिन्‍त वांछ्वयाबी। इमित ज्‍वनेमा धकाः जिं इमित तःधंगु दुःखय् लाकाबी।”

२ राजा 25:20

थुमित अङ्गरक्षकतय् कप्‍तान नबूजरदानं रिब्‍ला शहरय् बेबिलोनयाम्‍ह जुजुयाथाय् यंकल।

२ राजा 25:11

सेनापति नबूजरदानं शहरय् ल्‍यंदुपिं मनूत, मेपिं मनूतय्‌त व बेबिलोनयाम्‍ह जुजुयाथाय् बिस्‍युं वंपिन्‍त ज्‍वनाः बेबिलोनय् यंकल।

यर्मिया 16:13

उकिं जिं छिमित छिमिसं व छिमि तापाःबाज्‍यापिन्‍सं म्‍हमस्‍यूगु मेगु देशय् वांछ्वयाबी। अन छिमिसं चान्‍हि मेपिं द्यःतय्‌गु सेवा याइ। जिं छिमित दया याये मखु।’”

यशैया 5:13

अथे जुयाः जिमि प्रजा ज्ञां मदयाः ज्‍वनायंकेबिया च्‍वनेमाली, इपिं मध्‍ये तःधंपिं व हनेबहःपिं नये मखनाः व चीमिपिं मनूत लः त्‍वनेमखनाः सी माली।

२ राजा 20:18

अले छिकपिनि सन्‍तानत, छिं बुइकूपिं छिगु ला व हि मध्‍ये नं गुलिं गुलिंसित ज्‍वनाः बेबिलोनय् यंकी। अले बेबिलोनय् जुजुया दरबारय् सेवा यायेत नपुंसक दय्‌की।”

व्‍यवस्‍था 4:27

परमप्रभुं छिमित जाति जातितय्‌गु दथुइ उखेलाः थुखेलाः यानाबी। वय्‌कलं छिमित लिनाछ्वःगु देश देशय् मेगु जातितय्‌गु दथुइ छिपिं कम जक म्‍वानाच्‍वनी।

लेवी 26:33

जिं छिमित जाति जातिया दथुइ छ्यालब्‍याल यानाबी, अले तरवारं छिमित लिना च्‍वनी। छिमिगु देश झिजांमिजां दनी अले शहरत भज्‍यंक स्‍यनी।

यर्मिया 24:8

“‘तर व नये तकं मज्‍यूगु थें च्‍वंगु तसकं बांमलाःगु यःमरितय्‌त थें जिं यहूदाया जुजु सिदकियाह, वया भारदारत व यरूशलेमयापिं ल्‍यनाच्‍वंपिन्‍त व्‍यवहार याये, इपिं चाहे थ्‍व हे देशय् च्‍वनाच्‍वंगु जुइमा वा मिश्रय् वंगु जुइमा,’ परमप्रभुं धयादी।

यर्मिया 38:19

अले सिदकियाह जुजुं यर्मियायात धाल, “बेबिलोनीतय्‌थाय् बिस्‍युं वंपिं यहूदायापिं खनाः जि ग्‍याः। छाय्‌धाःसा बेबिलोनीतय्‌सं जितः इमिगु ल्‍हातय् बिल धाःसा इमिसं जिलिसें बांमलाःगु व्‍यवहार याइ।”

यर्मिया 52:27

बेबिलोनयाम्‍ह जुजुं हमात देशया रिब्‍ला शहरय् थुमित स्‍यायेगु आज्ञा बिल। थुकथं यहूदायापिं मनूतय्‌त थःगु देशं ज्‍वना यंकल।

यर्मिया 40:7

बेबिलोनयाम्‍ह जुजुं अहीकामया काय् गदल्‍याहयात देशया बडाहाकिम ल्‍यःगु दु अले ज्‍वनाः बेबिलोनय् मयंकूपिं देशयापिं दकलय् गरीबपिं मिजं, मिस्‍त व मस्‍त फुक्‍क वयागु ल्‍हातय् ब्‍यूगु दु धयागु खँ सेनायापिं सकलें कप्‍तानत व बस्‍ती बस्‍तीइ दुपिं सिपाइँतय्‌सं न्‍यन।

दानिएल 2:14

बेबिलोनयापिं ज्ञान दुपिं मनूतय्‌त स्‍यायेत जुजुया पिवाः च्‍वनीपिनि नायः अर्योकयात आज्ञा ब्‍यूगु खः। दानिएलं बांलाक बिचाः यानाः बुद्धिं चाय्‌काः वलिसे खँ ल्‍हात।