यर्मिया 39:17 - नेवाः बाइबल

¹⁷ तर उखुन्‍हु जिं छन्‍त बचय् याये। अले छ गुपिं खनाः ग्‍याःगु खः, छन्‍त इमिगु ल्‍हातय् बिइगु जुइ मखु,’ परमप्रभुं धयादी।

यर्मिया 39:17 Referans Kwoze

भजनसंग्रहया सफू 50:15

दुःखया इलय् जितः प्रार्थना या! जिं छन्‍त बचय् याये, अले छं जितः तःधंकी।”

यर्मिया 1:19

इपिं छलिसें ल्‍वाः वइ, तर इमिसं छन्‍त त्‍याके फइ मखु, छाय्‌धाःसा छन्‍त रक्षा यायेत जि छलिसें दइ,” जि परमप्रभु न्‍ववानागु दु।

२ शमूएल 24:14

दाऊदं गादयात लिसः बिल, “जि तसकं आपतय् लाःगु दु। जितः परमप्रभुया ल्‍हातय् हे लाके ब्‍यु। छाय्‌धाःसा वय्‌कः तसकं दयादुम्‍ह खः। तर जि मनूतय्‌गु ल्‍हातय् लाये म्‍वाःलेमा।”

यर्मिया 38:9

“हे जिमि प्रभु, हे महाराज! थुपिं मनूतय्‌सं यर्मिया अगमवक्तायात तुंथिइ क्‍वफानाबियाः मभिंगु ज्‍या यात। अन व नये मखंक सी, छाय्‌धाःसा शहरय् आः छपा नं मरि मन्‍त।”

उत्‍पत्ति 15:1

थथे जूगुयां छुं ई लिपा परमप्रभुं अब्रामयात दर्शन बियाः थथे धयादिल, “ग्‍याये मते अब्राम। जिं छन्‍त बचय् याये। जिं छन्‍त तःधंगु सिरपाः बी।”

मत्ती 25:40

“अले जुजुं इमित थथे लिसः बी – ‘जिं छिमित खःगु खँ धाये – दक्‍वसिबय् चीधिकःम्‍ह किजायात छिमिसं छु याइ, व जितः हे याःगु जुइ।’

दानिएल 6:16

उकिं जुजुं दानिएलयात ज्‍वनेगु आज्ञा बिल अले इमिसं वयात हयाः सिंहत तयातःगु तःजाःगु गालय् वांछ्वल। जुजुं दानिएलयात धाल, “छं न्‍ह्याबलें सेवा याइम्‍ह छिमि परमेश्‍वरं छन्‍त बचय् यायेमा।”

यर्मिया 38:1

मत्तानया काय् शपत्‍याह, पशहूरया काय् गदल्‍याह, शेलेम्‍याहया काय् यहूकल व मल्‍कियाहया काय् पशहूरं यर्मियां सकलें मनूतय्‌त थथे धयाच्‍वंगु ताल,

१ राजा 18:15

एलियां धाल, “धात्‍थें जिं सेवा याना वयाच्‍वनाम्‍ह दक्‍व शक्ति दुम्‍ह परमप्रभु म्‍वाःम्‍ह खः थें, जिं पाफयाः धाये थौं धात्‍थें हे जि आहाबया न्‍ह्यःने वने।”

१ राजा 18:16

उकिं ओबदिया आहाबयात नापलाः वन। अले वयात एलिया वःगु दु धकाः धाल। आहाब एलियायात नापलाः वन।

२ राजा 6:16

अगमवक्तां लिसः बिल, “ग्‍याये म्‍वाः, इमिपाखे स्‍वयाः झीपाखे यक्‍व मनूत दु।”