यर्मिया 39:16 - नेवाः बाइबल

¹⁶ “वनाः कूशी एबेद-मेलेकयात धा, ‘दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – जिं थ्‍व शहरय् भिं मखु, विनाश हयाः जिं थःम्‍हं हे धयागु खँ जिं पूवंकेत्‍यनागु दु। थ्‍व खँ उखुन्‍हु छंगु मिखाया न्‍ह्यःने हे पूवनी।

यर्मिया 39:16 Referans Kwoze

दानिएल 9:12

जिमिथाय् तःधंगु विपत्ति हयाः जिमिगु व जिमि शासकतय्‌गु बारे न्‍ववानादीगु बचं छिं पूवंकादीगु दु। यरूशलेमय् वःगु विपत्ति थें ज्‍याःगु विपत्ति संसारय् गन नं मवःनि।

जकरिया 1:6

अय्‌नं जिं थः दास अगमवक्तातय्‌पाखें छिमि पुर्खातय्‌त बियागु वचन व ख्‍याच्‍वः इमिके पूरा जुल। “अले इमिसं पस्‍ताय् चायाः धाल, ‘दक्‍व शक्ति दुम्‍ह परमप्रभुं झीगु पहःचहः व ज्‍याकथं झीलिसें छु यायेगु क्‍वःछिनादीगु खः व वय्‌कलं झीपिंलिसे यानादिल।’”

मत्ती 24:35

आकाश व पृथ्‍वी मदयावनी, अय्‌नं जिगु वचन मदयावनी मखु।

यर्मिया 36:31

जिं वयात, वया सन्‍तान व वया भारदारतय्‌त इमिगु पापया लागि सजाँय बी। जिं इमिके व यरूशलेम व यहूदाय् च्‍वंपिन्‍के जिं इमिगु विरोधय् हये धयागु फुक्‍क नाश हये, छाय्‌धाःसा थ्‍व खँय् इमिसं ध्‍यान हे मब्‍यू।’”

यर्मिया 35:17

“उकिं दक्‍व शक्ति दुम्‍ह परमप्रभु परमेश्‍वर, इस्राएलयाम्‍ह परमेश्‍वरं थथे धयादी, ‘स्‍व! जिं थम्‍हं हे यरूशलेम व यरूशलेमय् च्‍वंपिं सकसिके जिं धयागु विपत्ति हयेत्‍यनागु दु। जिं इमित धया, तर इमिसं मन्‍यन, जिं इमित सःता, तर इमिसं लिसः मब्‍यू।’”

यर्मिया 34:22

परमप्रभुं धयादी, ‘जिं थःम्‍हं हे आज्ञा बी, अले इमित थ्‍व शहरय् लित हये। इमिसं लडाइँ यानाः थ्‍व शहरयात त्‍याकाकाइ, अले थुकियात मिं नकाबी। अले जिं यहूदाया शहरयात मनू मदुगु सुनसान थाय् यानाबी।’”

यर्मिया 26:20

छम्‍ह मेम्‍ह नं दु, गुम्‍हय्‌सिनं परमप्रभुया नामय् अगमवाणी ल्‍हात। व किर्यत-यारीमय् च्‍वंम्‍ह शमायाहया काय् उरियाह खः। वं नं थ्‍व शहर व थ्‍व देशया विरोधय् यर्मियां धाःथें अगमवाणी ल्‍हात।

यर्मिया 26:18

“यहूदाया जुजु हिजकियाया इलय् मोरेशेतयाम्‍ह मीकां अगमवाणी ल्‍हात। यहूदायापिं फुक्‍क मनूतय्‌त वं थथे धाल, ‘दक्‍व शक्ति दुम्‍ह परमप्रभुं थथे धयादी, “‘सियोनयात बुँ थें जोते याइ, यरूशलेम नाश जुयाः द्वँ चिनी, देगः दुगु डाँडा धाःसा झाःया झाः दुगु द्वम्‍बःचा थें जुइ।’

यर्मिया 26:15

तर थ्‍व खँ छिकपिन्‍सं पक्‍का सीकाति जितः स्‍यानादिल धाःसा थःके, थःगु शहरय् व थनच्‍वंपिं मनूतय्‌के दोष मदुम्‍हय्‌सिगु हिया दोष हइ, छाय्‌धाःसा परमप्रभुं हे थ्‍व फुक्‍क वचन न्‍यंकेत जितः छिमिथाय् छ्वयाहयादीगु खः।”

यर्मिया 5:14

अथे जुयाः दक्‍व शक्ति दुम्‍ह परमप्रभु परमेश्‍वरं थथे धयादी, “मनूतय्‌सं थज्‍याःगु खँ धयाच्‍वंगुलिं जिं थःम्‍हं हे थःगु वचन छंगु म्‍हुतुइ मि, अले थुपिं मनूतय्‌त भस्‍म जुइगु सिँ दय्‌काबी।”

भजनसंग्रहया सफू 92:11

जिं थः शत्रुत बूगु खनागु दु, अले दुष्‍टतय्‌गु ख्‍वःसः न्‍यनागु दु।

२ इतिहास 36:21

यर्मियाया म्‍हुतुं पिहां वःगु परमप्रभुया वचन पूवनेत न्‍हयेदँ (७०) पुला मवंतले, झिजांमिजां दनाच्‍वंतले देशं थःगु विश्राम दँत हनाच्‍वन।

यर्मिया 44:27

छाय्‌धाःसा जिं इमित भिंया लागि मखु तर मभिंया लागि स्‍वयाच्‍वनागु दु, मिश्र देशय् दुपिं सकलें यहूदाया मनूत नाश मजुतले तरवार व अनिकालं सी।

आमोस 9:4

शत्रुतय्‌सं इमित ज्‍वनायंकूसां जिं इमित स्‍यायेत आज्ञा बी। “जिं इमिके विपत्ति हयेगु पक्‍का यानागु दु, इमित ग्‍वाहालि यायेगु निंतिं मखु।”

यर्मिया 40:3

आः वय्‌कलं थ्‍व विपत्ति हयाः थःम्‍हं धयादीगु थें यानादिल। छिमिसं परमप्रभुया विरोधय् पापयात, वय्‌कःया आज्ञा पालन मयात, उकिं थ्‍व फुक्‍क जुल।