यर्मिया 38:6 - नेवाः बाइबल

⁶ उकिं इमिसं यर्मियायात यंकाः पिवाःत च्‍वनीगु चुकय् दुगु जुजुया काय् मल्‍कियाहया तुंथिइ क्‍वफानाबिल। इमिसं यर्मियायात खिपःया ग्‍वाहालिं तुंथिइ क्‍वफात। उगु तुंथिइ लः मदु, ध्‍याचः हे ध्‍याचः जक दु। यर्मिया ध्‍याचलय् तुन।

यर्मिया 38:6 Referans Kwoze

यर्मिया 37:21

अले जुजु सिदकियाहया आज्ञां यर्मियायात पिवाःतय्‌गु चुकय् तल। अले शहरय् दक्‍व मरि सिमधःतले इमिसं वयात मरि छुइपिनिगु पसलं न्‍हियान्‍हिथं छपा छपा मरि बिइगु। थुकथं यर्मिया पिवाःतय्‌गु चुकय् च्‍वन।

यर्मिया 38:22

यहूदाया जुजुया दरबारय् त्‍वःताथकुपिं सकलें मिस्‍तय्‌त बेबिलोनयाम्‍ह जुजुया हाकिमतय्‌थाय् यंकी। उपिं मिसातय्‌सं छितः थथे धाइ, “‘छिं भलसा कयादीम्‍ह छिकपिनि पासापिन्‍सं छितः झंगः लानाः थःगु बसय् तल। छिगु तुति ध्‍याचलय् तुनेवं इमिसं छितः त्‍वःतावन।’

यर्मिया 37:16

इमिसं यर्मियायात जमिनया तःलय् च्‍वंगु कालकोठरीइ तयाबिल, अन व तःन्‍हु तक च्‍वन।

भजनसंग्रहया सफू 69:2

जि तःजाःगु ध्‍याचलय् दुनावनाच्‍वनागु दु। जिगु तुतिं बँय् चुइ मफया च्‍वन। जि तःजाःगु लखय् लानाच्‍वनागु दु। किसिद्वम्‍बलय् जि दुनावनाच्‍वनागु दु।

प्रेरित 16:24

थथे उजं दयेवं झ्‍यालखानाया हाकिमं इमिगु तुतिइ न्‍यवः न्‍ह्याकाः कुनाबिल।

जकरिया 9:11

छिपिंलिसे चिनागु हिया जिगु बाचाया कारणं जिं छिमि कैदीतय्‌त लः मदुगु गालं मुक्त यानाबी।

भजनसंग्रहया सफू 109:5

जिं यानागु भिंया पलेसा इमिसं जितः मभिं याइगु अले माया यानागुया पलेसा जितः मयय्‌कीगु।

भजनसंग्रहया सफू 40:2

वय्‌कलं जितः ग्‍यानापुगु गालं थकयादिल, वय्‌कलं जितः भ्‍यातनालं लिकयादिल, वय्‌कलं जितः हयाः ल्‍वहँतय् थनादिल, अले धस्‍वानाच्‍वनेत धिसिलाःगु थाय् बियादिल।

उत्‍पत्ति 37:24

अले वयात लः मदुगु तुंथिइ वांछ्वयाबिल।

हिब्रू 10:36

परमेश्‍वरयात यःगु ज्‍या यायेत व वय्‌कलं बियादी धकाः धयादीगु कायेत छिमिसं नुगः क्‍वात्तुका च्‍वँ।

यर्मिया 36:26

उकिया पलेसा जुजुं थःकाय् यरहमेल, अज्रीएलया काय् सरायाह व अबदीलया काय् शेलेम्‍याहयात च्‍वमि बारूक व यर्मिया अगमवक्तायात ज्‍वनाः हयेगु आज्ञा बिल। तर परमप्रभुं इमित सुचुकादीगु खः।

यर्मिया 32:2

उबलय् बेबिलोनया जुजुया सेनां यरूशलेमयात घेरय् यानातःगु खः, यर्मिया अगमवक्तायात धाःसा यहूदाया जुजुपिनि दरबारय् पिवाःया चुकय् कुनातःगु खः।

यर्मिया 38:13

अले इमिसं उपिं खिपःया ग्‍वाहालिं यर्मियायात तुंथिं थकाल। अनंलि यर्मिया पिवाःत च्‍वनीगु चुकय् च्‍वन।

दानिएल 6:16

उकिं जुजुं दानिएलयात ज्‍वनेगु आज्ञा बिल अले इमिसं वयात हयाः सिंहत तयातःगु तःजाःगु गालय् वांछ्वल। जुजुं दानिएलयात धाल, “छं न्‍ह्याबलें सेवा याइम्‍ह छिमि परमेश्‍वरं छन्‍त बचय् यायेमा।”