यर्मिया 36:9 - नेवाः बाइबल

⁹ यहूदाया जुजु योशियाहया काय् यहोयाकीमं राज्‍य यानाच्‍वंगु न्‍यागूगु दँया गुंगूगु लाय् यरूशलेमय् दुपिं सकलें मनूत व यहूदाया शहर शहरं वःपिं सकसिगु निंतिं परमप्रभुया न्‍ह्यःने छगू अपसं च्‍वनेगु ई घोषणा यात।

यर्मिया 36:9 Referans Kwoze

२ इतिहास 20:3

थ्‍व खँ न्‍यनाः यहोशापात ग्‍यात। अले वं आः छु यायेगु धकाः परमप्रभुयात मालेगु क्‍वःछित। वं यहूदायापिं सकसितं अपसं च्‍वँ धकाः नं धाल।

योना 3:5

निनवे शहरय् च्‍वंपिं मनूतय्‌सं परमेश्‍वरया थ्‍व बुखँ पत्‍याः यात। उकिं इपिं फुक्‍कसिनं अपसं च्‍वनेगु क्‍वःछित। अले तःधंपिं, चिधंपिं फुक्‍कसिनं पश्‍चाताप यानागुया चिंकथं भांग्रां फिनाच्‍वन।

यर्मिया 36:22

व ला गुंगूगु ला खः। जुजु दरबारया लुमुगु क्‍वथाय् मि पनाः च्‍वनाच्‍वंगु खः।

एस्‍तर 4:16

“शूशनय् वनाः नापलाक्‍व फुक्‍क यहूदीतय्‌त जिगु निंतिं अपसं च्‍वनेत मुंकी। स्‍वन्‍हु स्‍वचा तक छुं नं नसा नये मते अले लः तकं त्‍वने मते। जि व जिमि भ्‍वातिं नं छिकपिं थें तुं अपसं च्‍वन। अनंलि कानूनया विरोध हे जूसां जि जुजुयाथाय् वने। थथे यानाः जि सीमासां सी।”

जकरिया 8:19

दक्‍व शक्ति दुम्‍ह परमप्रभुं थथे धयादी, “प्‍यंगूगु, न्‍यागूगु, न्‍हय्‌गूगु व झिगूगु लायागु अपसं व दुखं च्‍वनेमाःगु दिं आवलिं लसताया नखः जुइ। उकिं छिमिसं सत्‍य व शान्‍तियात यय्‌की।”

योएल 1:13

हे पुजाहारीत, भांग्रा फिनाः नुगःपा दादां ख्‍व! हे वेदीया न्‍ह्यःने सेवा याइपिं, ह्वाँय्‌ह्वाँय् ख्‍व! हे जिमि परमेश्‍वरया न्‍ह्यःने सेवा याइपिं, भांग्रा फिनाः चच्‍छि च्‍वँ, छाय्‌धाःसा छिमि परमेश्‍वरया छेँय् अन्‍नबलि व त्‍वँसाबलि छाये हयेगु दीधुंकल।

यर्मिया 36:1

यहूदाया जुजु योशियाहया काय् यहोयाकीमं राज्‍य यानाच्‍वंगु प्‍यंगूगु दँय् परमप्रभुपाखें यर्मियायाथाय् वःगु वचन थ्‍व हे खः,

नहेम्‍याह 9:1

व हे लाया निइप्‍यन्‍हु खुन्‍हु इस्राएलीत अपसं च्‍वनेत मुन। उबलय् इमिसं भांग्रा फिनाः थथःगु छेनय् धू तल।

लेवी 23:27

“न्‍हय्‌गूगु लाया झिन्‍हु खुन्‍हु प्रायश्‍चितया दिं जुइ। उखुन्‍हु छिमिसं छुं मनसें छगू पवित्र मुंज्‍या तयेमाः। अले परमप्रभुयात विशेष देछा छायेमाः।

न्‍यायकर्ता 20:26

सकलें इस्राएलीत बेथेलय् लिहां वन, अले ख्‍वयाः अन इपिं उखुन्‍हु सन्‍ध्‍याकाः ईतक परमप्रभुया न्‍ह्यःने अपसं च्‍वन। इमिसं परमप्रभुया न्‍ह्यःने होमबलि व मेलबलि छाल।

१ शमूएल 7:6

अथे जुयाः इपिं सकलें मिस्‍पाय् मुन, अले इमिसं लः जाय्‌काहयाः परमप्रभुया न्‍ह्यःने देछाकथं प्‍वंकाबिल। उखुन्‍हु “जिमिसं परमप्रभुया विरोधय् पाप यानागु दु” धकाः मानय्‌ यानाः न्‍हिच्‍छि हे इपिं अपसं च्‍वन। अले शमूएल मिस्‍पाय् इस्राएलीतय् नायः जुल।

यर्मिया 36:6

उकिं छ अपसंया दिं परमप्रभुया देगलय् हुँ अले जिगु म्‍हुतुं न्‍यनाः छं भ्‍वँतय् च्‍वःगु परमप्रभुया खँ मनूतय्‌सं ताय्‌क ब्‍वनान्‍यंकि।

योएल 1:14

पवित्र अपसं घोषणा या, पवित्र मुँज्‍या सःति। परमप्रभु छिमि परमेश्‍वरयागु देगलय् देशय् च्‍वंपिं सकल मनूत अले थकालितय्‌त मुंकाः परमप्रभुयात पुकारा या।